Daniel 2:30 - Katɔti Ɔku Kedee

³⁰ Na mɔɔyɔ́ ka anu ati ka ɔɔɔdi ɔni na ami náda anu ntulo bekyuli bakladi ƒui ɔsu na údie ala amɛni ɔ́tina-mi. Mmomu ɔ́bla ɔmɛni kalɛ na enu ala ani na ánu kalɔ.

Daniel 2:30 ပူးပေါင်းရင်းမြစ်များ

Ala Kalɔ Buse 41:16

Amu na Yoseƒ údie kenye ɔnini, “Naaakana ana kalɔ budie, nsu lɛla lɛni na Katɔti ɔɔwia ni, ani na ɔdubɔsu Ƒarao.”

Kɔgya 139:2

Na agyi-mi ablala ku kɔvinkɔ ƒui. Na mina lili kemmo kakali ƒui kátabɛ-ɔ na kesii kani na eli mmɔ.

Yesaia 45:4

Kores, ina ka aaagyi-mi ni, lɛ́kpali-ɔ ku lɛnyi lɛni na lɛ́sia-a na líti ɔbu líte-ɔ geen na mina kadi bekyuli Israelƒuɔ bani na lɛ́ƒuna na badi mina kabla bablane ɔsu.

Daniel 1:17

Katɔti ɔ́ya na bakloƒu ine bamɛni báda anu na bebo ababla sɔsɔ. Báka lɛku pii na bénwini bakutine geen. Na Daniel anwu ɔɔkana na uudie ana kalɔ muedi ku kɔyu kemmo ala bɔnu taati ku ana kalɔ budie.

Daniel 2:47

Na ɔga ɔmmɔ ɔ́su ɔnini, “Ɔƒɛni na lɛ́ti ka ƒula Katɔti utulo baƒiɔ bayikune bani ƒui nkya. Ɔsika anwu néte-ɔ ɔyikun na édie abɛla amɛni kalɔ.”

Daniel 2:49

Na Daniel úye kuƒi na ɔga ɔmmɔ ɔ́kɔliku Daniel bakpana ɛtɛ bani ndi Sadrak ku Mesak ku Abednego lɛnɔ kunyekɔ útése kunyekɔ kunengudi na Babilon kalɛkɛ kammɔ kemmo. Na Daniel anwu ni, únwini ɔga kesii unengu geen.

Amos 4:13

“Ami nédie abi ku ɔƒɛƒɛɛ. Na ami mɔɔyá na bekyuli baatí mina kasusu. Na ami mɔɔyá na ɔƒɛ kadi kaasá. Na mɔɔkɔ́ taayu abi ammɔ ƒui eli ku kesi kesii. Ami ndi Unwoti Katɔti Ɔyikune Ƒui ɔmmɔ!”

Mateo 24:22

Nsu ni, Katɔti ɔ́ɔƒana emeyi ammɔ. Si ɔɔɔdi lɛni ni, ukyuli ɔdi ɔsɔ uuubo ngba. Nsu bekyuli bani na Katɔti ɔ́ƒuna úse ɔsu na ɔdubɔƒana emeyi ammɔ.

Marko 13:20

Nsu Unwoti ɔ́su úse ka ɔdubɔƒana emeyi ammɔ. Ɔsika si ɔɔɔdi lɛni ni, ukyuli ɔdi biala ulébu. Nsu na nwuna bekyuli bani na ɔ́ƒuna ɔsu ni, ɔdubɔƒana emeyi amɛni.

Batalane Kabla 3:12

Amu ka Petro ɔ́nu bekyuli bammɔ ni, ɔ́su-ma ɔnini, “Israelƒuɔ, bi mɔɔbla-mii dɛye dɛye pii taasiku lɛla lɛmɛni lɛlɔ lɛni? Na bi ɔsu na bɛɛnu-bu aani bekyuli kedee badi na bɔdi? Bitakali bɛnii abu alati ɔyikun kemmo na búti bɔ́bwi ukyuli ɔmɛni!

Romaƒuɔ 8:28

Bɔgyi ka lɛla biala na Katɔti ɔɔbla ni, lɛdi lɛbuni lite bekyuli bani mɔɔyɔ́-nwu na ɔ́lɔ-ma ka babla nwuna kabla.

Korintoƒuɔ 2 4:15

Bina kadia ɔsu na ala amɛni ƒui aalɛ́ lɛni. Na si bekyuli pii baakɛ́ bɔƒɔ teebu ɔkɛnku Katɔti lɛƒɔndia ɔsu ni, lɛni kani na badubo-nwu enu lɛnɔ butaagya teebu si beeti ɔbu teete Katɔti.