Daniel 2:22 - Katɔti Ɔku Kedee

²² Awɔ muudie abɛla ani kemmo nágyu kalɔ, ɔsika kesii kani nse suu ƒui muedi ni, ɔdi bukeye ute awɔ.

Daniel 2:22 ပူးပေါင်းရင်းမြစ်များ

Ala Kalɔ Buse 41:16

Amu na Yoseƒ údie kenye ɔnini, “Naaakana ana kalɔ budie, nsu lɛla lɛni na Katɔti ɔɔwia ni, ani na ɔdubɔsu Ƒarao.”

Hiob 12:22

“Ɔɔyá na alaekpidi ani nábɛ akya kasuudikɔ ina kekpine muedi ni, aadá taalɛ keyi, na bukeye bɔƒɔ lɛla biala.

Hiob 26:6

Lɛla biala lítabɛ Katɔti na mmɔ, kesii kani na ala ƒui aayii udu.

Kɔgya 104:2

Na kalɛ na eekeye use aani awu na akya. Na ébimi katɔ áƒala kayaa aani kevo kɔdi kpakplaa kalɛ.

Kɔgya 25:14

Katɔti ɔɔdiku bekyuli bani mɔɔbu-nwu kɔkpana na uunyimene-ma bunyimi bɔni nkya anwu ku-ma ntɛ.

Kɔgya 36:9

Awɔ muute lɛla biala ngba. Na ƒula bukeye mɔɔyá na bɔɔnu nwaa.

Etemila 8:1

Ɔma mbo lɛlati lɛni na ɔkana lɛla biala kalɔ budie? Lɛnunda lɛɛbla ukyuli anumi nwaa na anumi aaƒɛnimi-nwu.

Yesaia 41:22

Na bɛlɛku bina baƒiɔ biboku na basu ala ani nálɛ ábavi ɔ́si kukuuku na bunu. Na basu ala ani ndubo abálɛ uwi ɔni mebo lɛnɔ na bɔti-nya buse ku uwi ɔni lɛnɔ na adubo bɔlɛ.

Yesaia 41:26

Bina akɔ ɔmani násu lɛla lɛmɛni udu úse na bekyuli bati batualaku lɛtɔtɔ na básu lɛnɔ ka lɛla lɛni na ɔ́su lɛdi sɔsɔ? Baƒiɔ badi bátasu ɔmɛni bétese dii. Na ukyuli ɔdi lɛnɔ uuubo na ɔsu ɔnii únu kenye kammɔ udu kudii.

Yesaia 42:9

Bɛnu! Ala ani ƒui na lɛ́su ka adubo abálɛ ni, álɛ lɛni sɔsɔ kalɛ kani na lɛ́su. Na ɔƒɛni ni, ndubo-mii ala ani nsɔ ndubo abálɛ bɔsu.

Yesaia 45:7

Ami nédie bukeye ku lɛdisa, na ami muute kusɛ kusɛ na ɔgbankpi lɛnɔ ɔɔsiáku ukyuli. Ami Unwoti mɔɔbla ɔmɛni ƒui.

Yeremia 23:24

Na abɛla iye kabɛkɔ kadi keeebo katɔ ku kalɔ kesii kadi na bina lɛla lɛdi lɛdubɔbɛ-mi.

Yeremia 33:3

Ala ani na aaagyi ƒui ku ani kalɔ na alakana bɔwia bɔti ni, ye-mi na lɛsu-ɔ nya.

Daniel 2:11

Ɔmɛni ulatɛ bɔbla amu ntu baƒiɔ bayikune bani nkya kayaa, na beeelie-bu kudɔ na kalɔ lɛlɔ mɛni.”

Daniel 2:19

Usien ɔmmɔ ni, Katɔti údie ɔga ɔmɛni kɔna kɔmmɔ ɔ́tina Daniel na kɔyu kemmo ala bɔnu kemmo ku kuna kalɔ budie. Anwuɔsu úmwi Katɔti ɔni nli mɔɔdi lɛlɔ ɔ́si katɔ kakaaka ƒui ɔ́su ɔnini,

Daniel 2:47

Na ɔga ɔmmɔ ɔ́su ɔnini, “Ɔƒɛni na lɛ́ti ka ƒula Katɔti utulo baƒiɔ bayikune bani ƒui nkya. Ɔsika anwu néte-ɔ ɔyikun na édie abɛla amɛni kalɔ.”

Daniel 5:11

Ukyuli ɔdi ɔkya ƒula lɛga kadikɔ kemmo na baƒiɔ kedee béte-nwu ɔyikun sɛsɛɛ ɔdi. Uwi ɔni na ƒ'ɔti Nebukadnesar ɔdi ɔga ni, uwi ɔmmɔ ƒui na bagyi ka ukyuli ɔmɛni ɔdi ɔnundane na ɔgyi lɛla, na ɔɔnu ala taati pla pla geen aani baƒiɔ bammɔ alati kani. Anwuɔsu na ƒ'ɔti úti-nwu únyene bevone bani mɔɔtɛmiku bekpine ayu ku ama bani mɔɔnu ayabi na beebó like mmɔ ƒui kenye.

Daniel 5:14

Muunú ka baƒiɔ béte-ɔ ɔyikun sɛsɛɛ ɔdi ɔni náya na áda anu na agyi lɛla geen.

Mateo 13:13

Lɛla lɛni ɔsu na mɔɔtina-ma ala na agba kemmo ndi ka baanu nsu balánu taati. Na lɛni kani na beenú nsu belenu kalɔ.

Yohane 1:9

Na uwi ɔmmɔ kemmo ni, bukeye geen bɔni muuti bukeye teete ukyuli biala bɔ́si bɔdubo kayawi.

Yohane 21:17

Kɔtɛdi ni, Yesu ɔ́sɔ úye Petro ɔnini, “Simon, Yohane ubidi, aayɔ́-mi?” Amu ka Yesu ɔ́sɔ úye-nwu kɔtɛdi ɔnii, “Aayɔ́-mi?” ɔsu ni, Petro lɛlɔ lɛ́bla anwu ɔlati kɔnyana, na ɔ́su Yesu ɔnini, “Blɔti, agyi lɛla biala. Na agyi lɛnɔ ka mɔɔyɔ́-ɔ!” Amu na Yesu ɔ́su-nwu ɔnini, “Taanu mina baƒonu lɛlɔ.

Yohane 8:12

Ɔmmɔ kama ni, Yesu ɔ́sɔ ɔ́tɛmiku bekyuli bammɔ na ɔ́su-ma ɔnini, “Ami ndi kayawi kamɛni bukeye. Na ukyuli ɔni nsiaku-mi kama ni, ɔdubɔkɛ bukeye bɔni muute ukyuli ngba geen, na ulese ulávi lɛdisa kemmo kudii.”

Korintoƒuɔ 1 4:5

Anwuɔsu ni, ɔdi utatɛku ɔkpanadi litemi wetédu ka uwi ɔbuni ɔmmɔ webo. Si uwi ɔni na Blɔti úbo ni, anwu ndubɔtɛku ukyuli biala litemi na limeyi likplodi lɛmmɔ lɛlɔ. Na anwu ndubudie kasuudikɔ ala abɛdi keyi na ɔdubudie ala ani na bekyuli kakali kadanku ɔtina. Mmɔ na Katɔti ɔdubumwi ukyuli biala kalɛ na ɔ́bla nwuna kabla ɔ́vinku.

Eƒesoƒuɔ 3:5

Kuuku ni, ɔyawine ɔdi ɔɔɔgyi abɛla amɛni. Nsu ɔƒɛni kani ni, Katɔti ɔ́ya na nwuna Kɔyu kúdie ala amɛni keyi ɔ́tina nwuna batalane ku kenye bediene kedee.

Lɛkpa Ulu 29:28

Na ɔkɛnku livo lɛni néƒi-nwu ku nwuna kɔnyi kati kati kɔni na úti ɔsu na Unwoti ɔ́gya-ma ɔ́lɛku bana kalɔ lɛlɔ na úƒwimi-ma utáva kɔlɔ bamba lɛlɔ. Anwuɔsu mmɔ belie ɔmwi kadi.”

Timoteo 1 6:16

Anwu lɛti nli ngba ɔni na ulekpi kudi kudii. Na uukeye ɔni na ukyuli ɔdi ulakana-nwu anumi bɔda bɔlɛ. Ukyuli ɔdi útanu-nwu kudii na ɔdi lɛnɔ ulakana-nwu bɔnu. Na bumwi ku ɔyikun ɔdi anwu ɔdi úsela ƒui. Ɔsia lɛni.

Hebriƒuɔ 4:13

Ala ani ƒui na Katɔti údie lítabɛ-nwu. Na ɔɔnu lɛla biala kalɛ na lise. Na nwuna anumi na bɔdubo bula akunta ƒui bɔbu.

Yakobo 1:17

Ala abuni ani ƒui na bubo na bɔɔnu ka adia geen sɔsɔ ni, Katɔti kudɔ na aasí. Na ulávumana iye udie-bu atu aani ɔƒɛ ku kɔbuli kɔni nédie kuse na buduo lɛdisa kemmo.

Yohane 1 1:5

Na lɛla lɛni na búnu bɔ́siku Kristo ɔmɛni kudɔ na ani na bɔɔyɔ́ ka budie kenye mɛni ni, ani ndi ka Katɔti ɔdi bukeye. Na lɛdisa lɛdi liiibo-nwu lɛlɔ kemmo na ulu biala lɛlɔ.