Daniel 2:21 - Katɔti Ɔku Kedee

²¹ Awɔ mɔɔdi bayawine ablala ƒui lɛlɔ na eete lɛlɔ badine ɔyikun na aasɔ taaƒɔ-nwu bana kudɔ. Na awɔ ndi lɛnunda ku lɛlati biala kasikɔ.

Daniel 2:21 ပူးပေါင်းရင်းမြစ်များ

Baga 1 10:24

Na kayawi bekyuli ƒui bátaawia kuƒi ka bebenu lɛla lɛdi basiku Ɔga Salomo kudɔ ɔ́si lɛnunda lɛni na Katɔti úti ɔ́kya-nwu kayi kemmo ɔsu.

Baga 1 3:28

Uwi ɔni na Israelƒuɔ ƒui bénu kalɛ na ɔga ɔ́tɛ litemi lɛmmɔ ɔ́vinku ni, báyia ɔga ɔmmɔ. Ɔsika bánu báti ka Katɔti lɛnunda na úti ɔ́tɛ litemi lɛmmɔ.

Baga 1 4:29

Katɔti úte Salomo lɛnunda ku ala kemmo bɔnu taati ku lɛlati lɛni neeebo bɔkɔku aani kalɛ na ɛpu kɔnwinimi kuse kalɛ.

Ala Alɛdi 1 22:12

Ute-ɔ lɛnunda ku lɛlati kalɛ na adi Israelƒuɔ lɛlɔ asiaku nwuna ɔda bubo lɛlɔ.

Ala Alɛdi 1 29:30

Bénweni kalɛ na ɔ́di lɛga ku ɔyikun ku ala ani nálɛku-nwu ku Israel ƒui ku kɔlɔ bamba lɛlɔ lɛnɔ bése.

Ester 1:13

Ɔƒɛni si údu ala amɛni bene udu lɛlɔ lɛni ni, ɔdi ɔga ɔmmɔ udu ka ɔlɔ nwuna benengu ku lɛku batine benengudi ƒui, na uye-ma kaduɛ unu lɛla lɛni na ɔda bubo bɔmmɔ bɔɔtina ku kalɛ na ɔbla.

Hiob 12:18

Na ɔɔƒɔ́ ɔyikun taalɛku baga enu kemmo, na beenwíni bekyuli bamba kabla bablane.

Israelƒuɔ Bɔlɛ 31:3

Na lɛ́ya na mina kɔyu kɔ́ƒɔ-nwu lɛlɔ kemmo ƒui na líte-nwu lɛnunda ku lɛlati bonwu lɛni na ɔkana uti sika ugyiedi ku ɔƒualadi ku abuala egyiedi ɔvɔ ala lidu lidu. Na uti kugyii lɛnɔ ɔnwi ala lidu lidu.

Israelƒuɔ Bɔlɛ 31:6

Na lɛ́ƒuna Oholiab ɔni nási Dan kaba kemmo lɛnɔ ka uteete-nwu kebunku. Na líti lɛnunda ku lɛlati lɛ́kya bekyuli bamba bani ndubɔbla lɛla biala aani kalɛ na líbo-ɔ ɔda.

Daniel 1:17

Katɔti ɔ́ya na bakloƒu ine bamɛni báda anu na bebo ababla sɔsɔ. Báka lɛku pii na bénwini bakutine geen. Na Daniel anwu ɔɔkana na uudie ana kalɔ muedi ku kɔyu kemmo ala bɔnu taati ku ana kalɔ budie.

Daniel 10:1

Na Persiaƒuɔ Ɔga Kores lɛga bɔdi lɛkwa lɛtɛdi kemmo ni, Daniel ɔ́kɛ linyesia lɛdi ɔ́siku Katɔti kudɔ. Na bédie-ni kalɔ na kɔyu kemmo ala bɔnu kemmo béte-nwu. Na linyesia lɛmmɔ lɛdanku kekpo kekpidi kadi, na ɔdi litemi geen lɛnɔ.

Daniel 11:6

Na akwa adi kama ni, ɔga ɔni mɔɔdi kada kakɛ lɛlɔ ku ɔga ɔni mɔɔdi katɔ kakɛ badubo bɔsa bunyimi kenye kadi. Na ɔga ɔni nkya kada kakɛ ubi ulekubi ɔdubusie utélieku ɔga ɔni nkya katɔ kakɛ. Nsu uleku ɔmmɔ lɛgadi ɔyikun ɔdubo bɔsa bɔyii udu. Na ɔmmɔ kama ni, uleku ɔmmɔ ku ɔgyani ku bebi ku kabla bablane bani na ɔdanku ƒui badubo-ma bɔdu.

Daniel 2:20

“Bula Katɔti, bemwi ƒula lɛnyi kedee ɔ́si ɔƒɛni úsela ƒui. Awɔ ndi ɔyikune ƒui na agyi lɛla biala.

Daniel 2:23

Awɔ ndi Katɔti ɔni na mina bati kukuuku bákpa. Ɔƒɛni ni, mɔɔgyá-a enu, na muumwi-ɔ. Ɔsika ábla-mi ɔnundane geen na ásu-mi kɔna kɔni na ɔga úgye ku kuna kalɔ budie.”

Daniel 4:14

Na ɔ́va ku lɛdi momoomo ɔ́su ɔnini, ‘Da kugyii kɔmmɔ va kalɔ na ekulo-ku kɔgba ƒui na ekpeli-ku evete na egyingya kuna ebi ammɔ akya. Na aya na bebuo bammɔ batɔlɔ-ku kalɔ. Na baasɛ bammɔ beveyi batɔlɔ kuna kɔgba akɔ.

Daniel 4:17

“ ‘Na Katɔti batu kedee bammɔ nédie lɛdi asa na lɛtuni lɛmmɔ líbo ukyuli ɔmmɔ lɛlɔ. Na ɔmmɔ ɔdubunwini ala bɔtɛya ute bekyuli bani ƒui nli ngba ka Unwoti Katɔti Ɔni Ntulo Ƒui mɔɔdi lɛga kadikɔ biala lɛlɔ, na anwu kani mɔɔƒuna ɔtɔnkune ɔni na uuubo kenyekɔ bonwu kadi na bekyuli anumi na uunwíni ɔga.’

Daniel 4:22

Ɔga Ɔbune, awɔ ndi kugyii kɔmmɔ. Na kalɛ na áƒɔ lɛnyi ni, ákɔ ésie katɔ katɔ ƒui, na ƒula lɛga kadikɔ káƒɔ kalɔ ƒui lɛlɔ.

Daniel 4:32

Badubo-ɔ bɔbɔku na eteesie atákya alakpi akɔ ku bebuo bammɔ na alɛ bekyuli akɔ. Na livo na adubo bɔkun akwa maatɛ aani ɔmantɛ akɔ úti útédu uwi ɔni na adubɔnu ati ka Katɔti Ɔni Ntulo Ƒui mɔɔdi kayawi lɛga kadikɔ biala lɛlɔ, na anwu mɔɔƒuna bana lɛlɔ ɔdine lɛnɔ.”

Daniel 7:25

Na ɔga ɔmɛni ɔdubo Katɔti ɔni ntulo ƒui budumi na ɔlɔ-nwu anyikpi. Na ɔdubo Katɔti bekyuli baƒunadi bammɔ kalala bɔbla. Na ɔdubo ulu biala bɔwia ka ɔvumana Katɔti ɔda bubo bɔmmɔ ku emeyi buni bɔdi uwi ɔni bése bése mmɔ. Na ɔdubɔkana na ɔbla ɔmɛni uwi klukui ɔdi aani lɛkwa linwi iye anyɔ ku kakɛ kemmo.

Luka 21:15

Ɔsika ndubuti kenye ogya etemila ku lɛnunda lite-mii kalɛ na bina bekisine badi balakana bunye bɔsiaku-mii iye batɛmi bedie-mii kudii.

Romaƒuɔ 13:1

Ɔlɛka ukyuli biala uti ɔbu ute kalɔ lɛlɔ batɔnkune. Ɔsika ɔtɔnkune ɔdi uuubo ɔyikun ɔdi si ɔɔɔdi Katɔti kudɔ na ɔ́si. Na batɔnkune bani nli ɔƒɛni ni, Katɔti néti-ma úse mmɔ.

Korintoƒuɔ 1 1:30

Katɔti náya na bɛ́bla unwi ku Yesu Kristo. Na Kristo ɔmmɔ ndi bula lɛnunda lɛni na Katɔti úti úte-bu. Na ɔkɛnku Kristo ɔmmɔ lɛlɔ ɔsu na Katɔti ɔɔnu-bu ka buse siin. Na búnwini Katɔti bekyuli kedee. Na ɔ́ƒɔ-bu lili kayu ɔ́lɛku ekpidi kemmo.

Yakobo 1:17

Ala abuni ani ƒui na bubo na bɔɔnu ka adia geen sɔsɔ ni, Katɔti kudɔ na aasí. Na ulávumana iye udie-bu atu aani ɔƒɛ ku kɔbuli kɔni nédie kuse na buduo lɛdisa kemmo.

Yakobo 1:5

Si bina akɔ ɔdi ɔɔyaki lɛnunda ni, ɔlɛka uvele Katɔti na ɔdubuti-ni ute-nwu, ɔsika Katɔti uuti-ni teete ukyuli biala ku kaƒɔ ƒaa.

Budie Taatina 19:16

Na bénweni lɛnyi lɛdi básia nwuna awu lɛlɔ ku nwuna libuili kakɛ banii BAGA ƑUI ƆGA KU BATI ƑUI ƆTI