Daniel 2:14 - Katɔti Ɔku Kedee

¹⁴ Na Ariok ndi ɔga ɔmmɔ lɛlɔ bagyumanane ɔtɔnkune ɔni nnye bekyuli bammɔ bɔdu kabla kenye. Na nka úuti ala ɔdaku ulu bɔyu utánu ka babla kabla kamɛni sɔsɔ, asa na Daniel ɔ́tɛmiku-nwu na lɛnunda kemmo.

Daniel 2:14 ပူးပေါင်းရင်းမြစ်များ

Ala Kalɔ Buse 37:36

Na uwi ɔni kemmo na Yakob ɔɔbla ɔmɛni ƒui ni, Midianƒuɔ bamɛni béeti Yoseƒ béye bete Egyipteni ɔni baalɔ Potiƒar na ɔdi Ɔga Ƒarao benengu akɔ unwi ɔni mɔɔnu bekyuli bani mɔɔgyumana ɔga unengudi lɛlɔ.

Yeremia 39:9

Babilonƒuɔ bagyumanane lɛlɔ ɔnune unengu ƒui ɔni baalɔ Nebusaradan ɔ́ya na bákpanku bekyuli bani ƒui nébu bakya Yerusalem mmɔ ku bani néeti lɛlɔ béte-nwu ƒui bátɔlɔku aani bekyuli beƒiedi kalɛ úsienku Babilon kalɔ lɛlɔ.

Yeremia 52:12

Na lɛkwa leevu-yaalenwi na kɔbuli kɔlɔndi na limeyi leevudi na Babilonƒuɔ Ɔga Nebukadnesar lɛga bɔdi kemmo ni, Nebusaradan ɔni ndi Ɔga Nebukadnesar kasusu ɔkyane ku bekpone ɔtɔnkune útéduo Yerusalem.

Yeremia 52:14

Na Nebusaradan ɔmɛni ɔ́kpanku Babilonƒuɔ bekpone ƒui na bátáƒɛ Yerusalem awodu ɔba.

Daniel 2:15

Na úye-nwu ɔnini, “Bi ɔsu na ɔga úte kalala ɔda bubo bɔmɛni udu?” Na ka Ariok údie lɛla lɛni nálɛ kalɔ ɔ́wɔlɔ ni,

Daniel 2:24

Amu na Daniel úsie Ariok ɔni ndi unengu ɔni na nka ɔdubɔnu na badu banundane bammɔ kudɔ, na ɔ́su-nwu ɔnini, “Tadu bekyuli bammɔ! Kpanku-mi sienku ɔga ɔmmɔ kudɔ. Na ndubɔsu-nwu nwuna kɔna kɔmmɔ ku kuna kalɔ.”