Daniel 12:7 - Katɔti Ɔku Kedee

⁷ Amu na Katɔti ɔtu ɔmmɔ ɔ́kɔliku nwuna enu anyɔ katɔ na ɔ́su ɔnini, “Na Katɔti ɔni nli ngba uwi ƒui lɛnyi kemmo ni, muusé kenye kpakplaa ka lɛkwa linwi ku akwa anyɔ ku kakɛ. Na lɛla biala lɛdububo kawɔlɔkɔ uwi ɔni na Katɔti bekyuli lɛbibo lɛmmɔ lɛdubɔsa.”

Daniel 12:7 ပူးပေါင်းရင်းမြစ်များ

Hiob 27:2

“Ndubunye Katɔti ɔni nli uwi ƒui anumi na lɛtɛmi lɛlɛku. Ɔyikune Ƒui ɔni néni ɔnii ulábla lɛla lɛni ndi ulu ulete-mi, na ɔ́ya na nnye muubó abi ku ɔdu.

Yesaia 62:12

Na ɔmmɔ kama badubɔlɔ-mii banii, ‘Unwoti ɔlati bekyuli bani na ɔ́ƒɔ ɔ́lɛku bubie kemmo!’ Na bekyuli badubɔtɛmi bɔsiku ƒula ɔma ɔmmɔ lɛlɔ banii kesii kabuni kani na bekyuli bilie ku ɔma ɔni na bekyuli báƒɔ-nwu kemmo geen.”

Yeremia 4:2

Na bise kenye biala na mina lɛnyi kemmo! Na bɛdi lɛla lɛni kenye na bíse lɛnɔ lɛlɔ! Na kadi bekyuli ƒui badubo-mii buteemwi na lite-mii kusɛ kusɛ.

Esekiel 20:5

“Na asu-ma ka ami Unwoti Katɔti náƒuna Israel ɔ́si kukuuku ka benwini mina kadi bekyuli. Na lídie lɛlɔ lɛ́tina bana bati kuuku na Egyipte kalɔ lɛlɔ na líse kenye kpakplaa líte-ma ka ami ndubɔdi bana ama ku bana bawɔ lɛnɔ Katɔti.

Daniel 10:5

Na ka lɛ́talaku anumi katɔ ni, lɛ́nu ukyuli ɔdi ka ɔkya awu ɔbunidi, na únyimi sika ugyiedi kabuli kani muukeye ɔda kavobi.

Daniel 11:13

Ɔsika ɔga ɔni nkya katɔ kakɛ ɔdubo bekyuli bani na bebo ɔkplu geen na bemomo bɔsala bani udu nátakya-nwu tɔ. Na akwa adi kama ni, ɔdubuse kalɔ uteekpoku kɔlɔ bamba lɛnɔ.

Daniel 12:6

Na Katɔti ɔtu ɔni nátɛmiku-mi unye sɛsɛɛ ɔ́siku-ma kudɔ na ketu kammɔ katɔ kakɛ na ɔkya awu ɔni náƒɔ kuye. Mmɔ na nkyuli inyɔ bani nnye lituvi inyɔ bɔmmɔ akɔ unwi úye ɔtu ɔmmɔ ɔnini, “Uwi ɛlɛ násɔ úbu asa na ala enengudi amɛni adubɔlɛ?”

Daniel 12:8

Línu lɛla lɛni na Katɔti ɔtu ɔmmɔ ɔ́su, nsu ńtenu-ni kalɔ. Anwuɔsu líye-nwu nnini, “Ati dɛ na ala ammɔ adubo bɔlɛ?”

Daniel 4:31

Nsu asa na útaawɔlɔ ala amɛni bɔsu ni, lɛdi lɛdi lɛ́si katɔ na líkulo-nwu kenye lɛnini, “Ɔga Nebukadnesar, lɛga kadikɔ kammɔ kasɔ kaaadi awɔ kadi.

Daniel 4:34

Na uwi ɔni bése kawɔlɔkɔ ni, lɛ́kpali Katɔti lívele-nwu na mina kasusu kásɔ kénwini kébo-mi na ɔ́bla-mi nwaa. Mmɔ na lɛ́su nnini, “Muumwi Katɔti Ɔni Ntulo Ƒui, na mɔɔbu-nwu. Anwu nli ngba uwi ƒui.” Nwuna lɛga kadikɔ kese késela uwi ƒui. Na kadubuse ɔ́si kaba úsie kaba.

Daniel 7:21

Mina anumi lɛlɔ na lise lɛmɛni líse kalɔ liikpóku Katɔti bekyuli baƒunadi, na ɔdaku-ma lɛlɔ bɔdi sɔsɔ.

Daniel 7:25

Na ɔga ɔmɛni ɔdubo Katɔti ɔni ntulo ƒui budumi na ɔlɔ-nwu anyikpi. Na ɔdubo Katɔti bekyuli baƒunadi bammɔ kalala bɔbla. Na ɔdubo ulu biala bɔwia ka ɔvumana Katɔti ɔda bubo bɔmmɔ ku emeyi buni bɔdi uwi ɔni bése bése mmɔ. Na ɔdubɔkana na ɔbla ɔmɛni uwi klukui ɔdi aani lɛkwa linwi iye anyɔ ku kakɛ kemmo.

Daniel 8:14

Mmɔ na ɔtu unyɔdi ɔmmɔ údie kenye ɔnini, “Ɔdubɔbla useyi uwi ku kadi bugye emeyi mpim inyɔ ku emeyi eti aku, asa na badubɔbla kakpakɔ kammɔ kedee bɔsɔku bute Katɔti, asa na ɔdia na basɔ bataabla lɛla lɛdi na nwuna kemmo.”

Daniel 8:24

Ɔdubo ɔyikun bɔkɛ geen, nsu ɔɔɔdi anwu ɔlati ɔyikun na ɔdi. Na ɔdubo ala bubile geen. Na ɔdubo batɔnkune bayikune udu bɔyila na kalɔ kammɔ lɛlɔ úbunku Katɔti bekyuli muedi.

Luka 21:14

Bɛklibi lɛlɔ bise kalɛ na bilékpoku lɛlɔ na ulu ɔni lɛlɔ na bɛdubuti bidie bina lɛlɔ ɔsu.

Luka 21:24

Badubo badi bɔdu ku kewii. Na badubo badi buƒie bɔtɔlɔku busienku kɔlɔ bamba lɛlɔ ƒui. Na bekyuli bani naaadi Yudaƒuɔ badubɔdi Yerusalem lɛlɔ úti útédu uwi ɔni na Katɔti ɔ́tunaku-ma.

Lɛkpa Ulu 26:19

Na ɔdubɔya na bɛyu ɔkplu bitulo bekyuli bani ƒui nkya kayawi. Na amii ndubuti ɔbu ku bumwi bite nwuna lɛnyi. Na bɛdubɔbla bekyuli kedee bite bina Unwoti Katɔti aani kalɛ na ɔ́su úse.

Lɛkpa Ulu 32:36

Unwoti ɔdubo nwuna bekyuli bukpo bɔƒɔ uwi ɔni na ɔ́nu ka bana ɔlɔkplu ɔ́yuɛ. Na ɔdubo bani muumwi-nwu kɔnyana bɔnu si ɔ́nu kalɛ na bábla kpɛtɛ kpɛtɛ.

Lɛkpa Ulu 32:40

“Ami ndi Ngba Ƒui Katɔti na lɛ́talaku mina kɔnu katɔ na muusé kenye nnii

Lɛkpa Ulu 7:6

Bɛdi Unwoti Katɔti bekyuli kedee bani na ɔ́ƒuna ɔ́bla nwuna badi na kayawi bekyuli ƒui akɔ. Na bɛ́ƒɔ-nwu kuye geen.

Petro 1 2:9

Nsu amii ni, bɛdi bekyuli bani na Katɔti ɔ́ƒuna. Na bɛdi bakpane bani muumwi Katɔti ɔni ndi Ɔga. Bɛdi Katɔti bekyuli kedee bani na ɔ́lɔ ɔnii binwini anwu badi. Na amii ndubo nwuna ablala ebendi kudu bubo. Ɔsika anwu geen nálɔ-mii ɔ́lɛku likpidi lɛdisa kemmo úsienku ngba bɔƒɔ bukeye kemmo.

Budie Taatina 12:14

Amu na Katɔti úte uleku ɔmmɔ aasɛ bonwu avwi kalɛ na uveyi uteesie nwuna keliekɔ na ketele kemmo. Mmɔ na badubo-nwu bɔgyumana akwa atɛ ku kakɛ ɔsiku kɔlakpi kɔmmɔ kudɔ.

Budie Taatina 12:6

Na uleku ɔmmɔ úkeli úsie ketele kemmo likpo lɛni na Katɔti ɔ́klibi úse-nwu. Mmɔ na badubo-nwu lɛlɔ bɔnu emeyi apim unwi eti alɔ ku leevu.

Budie Taatina 13:5

Eƒiebuo ɔmmɔ ɔ́kɛ ɔyikun na ɔ́di ala lɛlɔ abuli aavlene-anyɔ, na ɔ́talaku lɛlɔ katɔ, na údumi Katɔti geen.

Budie Taatina 4:10

benengu aavlanyɔ-ine bammɔ beebimi bana kɔgabwa taava-nwu anumi, na baayu teebi kalɔ. Na beemwi anwu ɔni nli ngba úsela ƒui, na baasu banini,

Budie Taatina 4:9

Ngba batu bammɔ beeti bumwi ku ɔbu ku linugya teete anwu ɔni nlie lɛgaboku lɛmmɔ lɛlɔ na uli ngba úsela ƒui. Na uwi biala na baabla lɛni ni,