Daniel 12:6 - Katɔti Ɔku Kedee

⁶ Na Katɔti ɔtu ɔni nátɛmiku-mi unye sɛsɛɛ ɔ́siku-ma kudɔ na ketu kammɔ katɔ kakɛ na ɔkya awu ɔni náƒɔ kuye. Mmɔ na nkyuli inyɔ bani nnye lituvi inyɔ bɔmmɔ akɔ unwi úye ɔtu ɔmmɔ ɔnini, “Uwi ɛlɛ násɔ úbu asa na ala enengudi amɛni adubɔlɛ?”

Daniel 12:6 ပူးပေါင်းရင်းမြစ်များ

Kɔgya 74:9

Na bɔsɔ bulánu akɔla ala budie taatina adi, na ƒula kenye bediene badi lɛnɔ basɔ beeebo. Na bula akɔ ɔdi ɔɔɔgyi uwi ɛlɛ ɔni na ɔmɛni ɔdubuse lɛni utédu.

Esekiel 9:2

Amu na lɛ́nu banana ɛku badi ka bási kayakun katɔdi kammɔ bálɛ na bada ekpola ekpidi. Na ukyuli maatɛdi ɔdi ɔsiaku-ma na ɔkya awu ƒuala ƒuala gyɔlɔɔ na ɔda ala ani na ɔkana na uti unweni ala. Na bekyuli bammɔ béduo bésie kakpakɔ kemmo na béténye lɛbuala ligyiedi lɛbi lɛmmɔ kudɔ.

Daniel 12:5

Mmɔ na ami, Daniel, lɛ́nu lɛ́mana na lɛ́nu ka nkyuli inyɔ bamba badi benye. Unwi unye ketu ɔvi ɔmɛni na unyɔdi lɛnɔ unye ɔvi ɔni ngye.

Daniel 12:8

Línu lɛla lɛni na Katɔti ɔtu ɔmmɔ ɔ́su, nsu ńtenu-ni kalɔ. Anwuɔsu líye-nwu nnini, “Ati dɛ na ala ammɔ adubo bɔlɛ?”

Daniel 8:13

Amu na Katɔti batu kedee bammɔ akɔ unwi úye nwuna ɔkpana ɔnini, “Limeyi lɛmani na kuƒi kɔdubɔsɔ kɔtɛ na bataabla limeyi ndi limeyi akpala ammɔ? Na kalɛ na kebweyi kamɛni káta kénye ayabi amɛni lɛlɔ kpakplaa na ɔɔda liƒu mɛni ni, uwi ɔmani na kadubɔda-ma lɛlɔ bɔkɔ taanya teesusu-ma lɛgba taakya lɛti akɔ bɔya?”

Daniel 8:16

Na lɛdi lɛdi lɛ́si Ulai Ketu kɔtu mmɔ aani ukyuli lɛdi na lɛ́su lɛnini, “Gabriel, bunku-nwu na edie ala bɔnu bɔmmɔ kalɔ atina-nwu.”

Mateo 24:3

Uwi ɔni na Yesu úsie útélie Inɔ Egyii Kɔbi lɛlɔ ni, nwuna batɛyane bébo-nwu kudɔ na básu-nwu banii ɔtina-ma uwi ɔni na ala amɛni adubɔlɛ ku ala abambadi ani lɛnɔ ndubɔlɛ na watina ka kawɔlɔkɔ kani na ɔdubɔsɔ ubo uwi údu.

Marko 13:4

“Blɔti, uwi ɔmani na lɛtɔ lɛmmɔ lɛdubɔƒɛ? Su-bu lɛla lɛni mebo asa na bɔdubɔnu bɔti ka uwi ɔmmɔ údu ka ala amɛni alɛ.”

Eƒesoƒuɔ 3:10

Na ɔkɛ nwuna baƒɔtaadine lɛlɔ ni, bayikune ku kenyekɔ biala kani mbo ɔyikun na kayaa batɛya Katɔti lɛnunda bonwu lɛni mɔɔbla kabla na lilu pii lɛlɔ na nwuna baƒɔtaadine akɔ.

Petro 1 1:12

Katɔti údie ɔ́tina kenye bediene bammɔ ka etemila ani na baasu mɛni aaadi bana uwi lɛlɔ litemi, mmomu ɔdi bina ɔdi. Na ala ani na básu mmɔ ni, abu ndi nwuna batalane na bɔdanku litemi buni lɛmmɔ bɔɔkɔ́ lɛsa teete-mii nwaa. Na bɔɔsu ala amɛni ɔkɛnku Katɔti Kɔyu kɔni na ɔ́tala ɔ́kya-bu ɔyikun kemmo. Na anumi eegyie ayu muedi ka nka beduo ala amɛni kemmo bati.

Budie Taatina 15:6

Na Katɔti batu maatɛ bani nda lɛbibo maatɛ bammɔ bálɛ bási Katɔti kakpakɔ mmɔ. Na bakya lɛwu lɛƒualadi lɛni muukeye na sika ugyiedi kɔbuli kɔ́da kɔ́mana-ma kayi.

Budie Taatina 19:14

Na katɔ bekpone ƒui bakya lɛwu lɛbuni lɛƒualadi lɛni nse sɛɛn, na belie bapɔnkɔ baƒualadi lɛlɔ na basiaku ukyuli ɔmmɔ kama.

Budie Taatina 6:10

Ayu amɛni áva ku lɛdi momoomo anini, “Blɔti, ala ƒui lɛlɔ ɔdine, awɔ nse kedee na ƒula etemila lɛnɔ adi litemi geen. Uwi ɛlɛ sɔɔn na adubunye etédu asa na bekyuli bani nádu-bu na kalɔ kamɛni lɛlɔ ni, atɛku-ma litemi na ani-ma kɔtu?”