Daniel 12:11 - Katɔti Ɔku Kedee

¹¹ “Na ɔ́si uwi ɔni na badubo bɔda limeyi ndi limeyi akpala bɔbla baya útédu uwi ɔni na badubuti lɛla lɛni na Katɔti uukisi na liisé lɛlɔ bebese mmɔ ni, ɔdubɔbla emeyi apim unwi ku emeyi eti alɔ ku aavlene (1,290).

Daniel 12:11 ပူးပေါင်းရင်းမြစ်များ

Israelƒuɔ Bɔlɛ 29:38

Amu na Unwoti ɔ́sɔ ɔ́su Mose ɔnini, “Limeyi ndi limeyi ɔlɛka adu baƒonu bagyani inyɔ bani nákɛ lɛkwa linwi.

Esekiel 4:6

“Na atu enwini na atɛ kɔdianu ɔƒɛnyi lɛnɔ emeyi 40 na ɔmmɔ lɛnɔ ɔtina kalɛ na Yuda ɔdubo abi bubo limeyi linwi biala lɛkwa linwi.

Daniel 1:12

“Na emeyi leevu ani ndubo kemmo mɛni ni, kɔku-bu nu. Si údu ɔdiwi ni, ya na beteete-bu lɛkpuna ku nwuna lɛlɔ akyala na butaadi, na butaani ntu.

Daniel 11:31

“Na ɔdubo bekpone bɔtala na besie na betébile kakpakɔ kammɔ ekisila ku kagyumanakɔ na bada limeyi ndi limeyi akpala bɔbla baya. Na ɔdubɔya na beti lɛla lɛni na Katɔti uukisi na liisé lɛlɔ bebese mmɔ.

Daniel 7:25

Na ɔga ɔmɛni ɔdubo Katɔti ɔni ntulo ƒui budumi na ɔlɔ-nwu anyikpi. Na ɔdubo Katɔti bekyuli baƒunadi bammɔ kalala bɔbla. Na ɔdubo ulu biala bɔwia ka ɔvumana Katɔti ɔda bubo bɔmmɔ ku emeyi buni bɔdi uwi ɔni bése bése mmɔ. Na ɔdubɔkana na ɔbla ɔmɛni uwi klukui ɔdi aani lɛkwa linwi iye anyɔ ku kakɛ kemmo.

Daniel 8:26

“Lɛla lɛni na ánu ásiku lɛdigye ku useyi uwi lɛlɔ ni, sɔsɔ na ɔdi. Nsu ala ammɔ aaadubo buyile bɔlɛ, anwuɔsu tasɔku-nya tasu bekyuli.”

Daniel 9:27

Na Kwasida unwi kemmo ni, kadi bamba ukyuli ɔmɛni ɔdubo lɛla kpakplaa lɛdi bunyimi ku bekyuli pii badi. Na Kwasida unwi ɔmɛni ntɛ bule kemmo ni, ɔdubɔya na lɛkpa biala ku etela kenye kekulo. Na ɔmmɔ kama ni, liƒula bonwu lɛni ndanku ala bubile bɔmɛni bɔdubo bɔda bɔlɛ mmɔ. Na ɔdubunye mmɔ butédu uwi ɔni na Katɔti ɔ́lɛ ugyii úse ka ɔyila liƒula lɛni muubile ala mɛni udu.”

Hosea 3:4

Lɛni kani na uwi ɔdubo butu asa na Israel kadi bekyuli basɔ bakɛ ɔga iye asa na basɔ babla akpala na Katɔti kakpakɔ iye Katɔti ɔtina-ma ulu ɔni lɛlɔ na basia babla lɛla lɛdi.

Mateo 24:15

“Na bɛdubɔnu lɛla lɛni na Katɔti uukisi na liisé lɛlɔ ka unye nwuna likpo kedee kalɛ na Katɔti Kenye Udiene Daniel únweni úse. Na amii bani mɔɔká ɔku ɔmmɔ ni, biduo-nwu kemmo kaduɛ na binu-nwu kalɔ.

Marko 13:14

“Na mɛni ni, bise atu kaduɛ na binu kalɔ. Si bɛ́nu ala ani udu na Katɔti ukisi ka álɛ na nwuna kakpakɔ kedee ni, bekyuli bani nkya Yuda bekeli besie batábɛ na abi lɛlɔ.

Budie Taatina 11:2

Nsu takɔku keyi, ɔsika béti mmɔ béte bekyuli bani naaadi Yudaƒuɔ. Badubo mmɔ ku ɔma ɔmmɔ ƒui lɛgba butu bɔvi abuli aavlene-anyɔ.

Budie Taatina 12:6

Na uleku ɔmmɔ úkeli úsie ketele kemmo likpo lɛni na Katɔti ɔ́klibi úse-nwu. Mmɔ na badubo-nwu lɛlɔ bɔnu emeyi apim unwi eti alɔ ku leevu.

Budie Taatina 13:5

Eƒiebuo ɔmmɔ ɔ́kɛ ɔyikun na ɔ́di ala lɛlɔ abuli aavlene-anyɔ, na ɔ́talaku lɛlɔ katɔ, na údumi Katɔti geen.