Daniel 11:4 - Katɔti Ɔku Kedee

⁴ Nsu ni, nwuna lɛga kadikɔ kammɔ kadubo bɔbwɛ kɔnakunwi bule akpa ene bɔkya kalɔ lɛƒɛnyi ine bɔmmɔ ƒui lɛlɔ. Na lɛga kadikɔ kammɔ kadubunwini lɛga kɔdikɔ ine bɔni ndubo bɔlɛ keyi, nsu ama baaadubo ɔyikun bɔkɛ aani nwuna lɛga kadikɔ kani nákya. Na nwuna badine bammɔ lɛnɔ ɔdi ɔɔɔdubo bɔsi nwuna ɔtɔ kemmo.

Daniel 11:4 ပူးပေါင်းရင်းမြစ်များ

Kɔgya 39:6

Geen ni, ukyuli ngba buuubo bɔyii taakya aani ukyuli kɔyu kɔni muuwi kalɔ. Na keeke na uutú lɛlɔ ɔnii ɔɔsála ala ute lɛlɔ. Nsu ɔɔɔgyi ukyuli ɔni ndubo ala ammɔ bɔdi.

Etemila 4:8

Ukyuli ɔdi ɔ́kya ɔni na uuubo ubi ɔnanabi iye ɔnwani ɔdi, nsu ulada lɛlɔ butu taaya, na nwuna akɛla ani na ubo lɛnɔ elemo-nwu. Amu na úye lɛlɔ ɔnini, “Ɔma geen ɔsu na muubó abi, na líni lɛla lɛbuni biala líte lɛlɔ ku kalɛ na lɛkya lɛlɔ ebiti muedi?” Bi keyi udu na kadi mɛni na ukyuli ulenu lɛla lɛdi kalɔ?

Yeremia 12:15

Nsu kama ƒui ni, ndubo kɔlɔ kɔmɛni bekyuli kɔnyana bɔnu na lɛsɔku-ma liboku bana kɔlɔ lɛlɔ.

Yeremia 12:17

Mmomu si bétenu-mi litemi ni, ndubo-ma bɔgyu budie bana kalɔ lɛlɔ na lɛyila-ma udu ƒui kede kede.”

Yeremia 18:7

Si lɛ́kya-mii ngba liƒu ka ndubɔyila kadi bekyuli bani na bebo likyulikpi udu badi

Yeremia 31:40

Na Hinmn Kɔwɛ kesii kani muusé lɛlɔ mmɔ muedi ɔdubo bunwini kesii kani ndubɔbla kedee ute-mi. Na ɔdanku kesii kani baalɔ Bapɔnkɔ Ɔban Kenye na ɔƒɛ katukɔ kakɛ ɔ́yu útéduo Kidron Kɔwɛ kemmo. Na basɔ baaadubo Yerusalem bɔbwɛ lɛnɔ kudii.”

Yeremia 45:4

Nsu na kayawi kamɛni kemmo ni, ndaku bɔbuɛ lɛtɔ lɛni ƒui na lɛ́tu, na mɔɔgyú ala ani ƒui na lɛ́lɛ.

Yeremia 49:36

Na bekisine badubo-ɔ bukpoku bɔsiku lɛƒɛnyi ƒui lɛlɔ na kekpo keƒie-ɔ na bakpanku ƒula bekyuli batakya kalɔ kadi ƒui bekyuli akɔ.

Esekiel 37:9

Amu na Unwoti ɔ́su ɔnini, “Esekiel, ɔƒaani ni, su ɔƒɛƒɛɛ anini, ‘Unwoti uudie lɛdi teete-ɔ ɔnii kpo si lɛƒɛnyi ƒui lɛlɔ na anwuna ngba ɔƒɛƒɛɛ akya bekpine bamɛni kemmo kalɛ na basɔ benwini bebelie ngba.’ ”

Daniel 7:6

Na kebweyi katɛdi kese aani ebuoƒuala. Na ubo avwi ene na nwuna kama aani aasɛ kalɛ, na eli atɛ alɛ-nwu. Na béte-nwu kenyekɔ ɔyikun ka ɔdi lɛlɔ.

Daniel 7:8

Uwi ɔni na nnye mɔɔbla kasusu taasiku ese amɛni lɛlɔ kani na lise blii lɛdi lɛ́kɔ lɛ́lɛ. Na kɔnakunwi ni, ese atɛ ágyu álɛ ana kunyekɔ na éte libliidi lɛmɛni kuƒi. Na bekyuli anumi alɛ lise blii lɛmɛni lɛlɔ ku kenye kani muutemi ku lɛmɛnɛ bɔkun pii geen.

Daniel 8:22

Na uwi ɔni na lise lɛmɛni lɛ́ƒɛ ni, lɛga kɔdikɔ ine bamba badubo, nsu ama baaadubo ɔyikun bɔkɛ aani udeedi kalɛ.

Daniel 8:8

Ɔmmɔ kama ni, Ketukpa kammɔ kásɔ kákɛ ɔyikun kébu. Nsu uwi ɔni na kɔnyi kɔmmɔ kɔ́kɔ-nwu katɔ geen ni, Ketukpa kammɔ lise lɛni mbo ogya mmɔ lɛ́ƒɛ na ene bamba ákwɛ na lideedi lɛmmɔ kenye, na ɔdi biala ɔɔtina unwi na lɛƒɛnyi ine bɔmmɔ kemmo.

Sakaria 2:6

Unwoti ɔ́su nwuna bekyuli ɔnini, “Bikeli na bɛtɔlɔ kalɔ kani nkya katɔ kakɛ mmɔ kemmo kesii kani na lígyingya-mii lɛ́kya na lɛƒɛnyi ine bɔmmɔ.

Sakaria 6:5

Mmɔ na údie kalɔ ɔnini, “Ayu ene ani nási katɔ béti lɛlɔ atátina Unwoti ɔni mɔɔdi kalɔ kammɔ ƒui lɛlɔ asa na badubusie batávi na badi.

Mateo 12:25

Na Yesu ɔ́ti bana kasusu na ɔ́su-ma ɔnini, “Lɛga kadikɔ kani néle lɛlɔ akpa akpa ni, kelénye. Na ɔma iye kaduli kani muule lɛlɔ akpa akpa na beekpóku lɛlɔ ni, kaabwɛ.

Luka 12:20

“Nsu Katɔti anwu ɔ́su-nwu ɔnini, ‘Awɔ ɔdɔlɔdi! Usien ɔmɛni kani na adubo ƒula ngba bɔda buse. Na ɔma ndubɔdi ala ani na áwia ése éte lɛlɔ mɛni?’ ”

Budie Taatina 7:1

Na ɔmɛni kama ni, lɛ́nu Katɔti batu ine badi ka benye kayawi ekpo ene ammɔ. Na bada ɔƒɛƒɛɛ ɔni muukpó taasi ekpo ene ammɔ ƒui kenye, kalɛ na ɔƒɛƒɛɛ biala ulékpo na kalɔ lɛlɔ iye ɛpu anumi iye na egyii akɔ.