Daniel 11:37 - Katɔti Ɔku Kedee

³⁷ Na ɔga ɔmɛni ɔdubo baƒiɔ bani na nwuna bati kuuku bákpa ku baƒiɔ bani na beleku bammɔ baayɔ́ teetulo ƒui buni. Na geen ni, ɔdubuti lɛlɔ unyene kesii kani na kákuku ketulo baƒiɔ bamɛni ƒui kadi ka utulo bana ɔdi biala.

Daniel 11:37 ပူးပေါင်းရင်းမြစ်များ

Ala Kalɔ Buse 3:16

Amu na Katɔti ɔ́su uleku ɔmmɔ ɔnini, “Ndubɔya na ebo abi geen uwi ɔni na ada kaƒɔ. Na adubunu ɔlɛ asa na awɔ bebi. Ina amu muedi ni, ƒula anu adubɔsia ƒ'ɔgyani lɛlɔ, na akya-nwu kalɔ.”

Ala Kalɔ Buse 3:5

Mmomu Katɔti ɔgyi ka si bɛ́di kugyii kɔmmɔ ebi ni, bɛdubo anu bɔda. Na bɛdubo bɔbla aani anwu Katɔti kalɛ. Na bɛdubɔnu lɛbuni ku likpidi lɛnɔ bɛti.”

Lɛnu Ƒui Ɔnu 7:10

Mina Ɔyɔne, awɔ ɔdi na ndi, na mɔɔnu kalɛ na mɔɔda-a ɔkwɛ geen.

Yesaia 14:13

Awɔ mɔɔsu na ƒula kayi kemmo anii, “Ndubɔkɔ lisie katɔ katɔ ntése mina liboku na mmɔ na keliekɔ kammɔ kebo kavi Katɔti ayabi, na ndubulie kɔbi kedee kɔmmɔ lɛlɔ katɔ ƒui, ntaadi katɔ bayikune bani ƒui mɔɔsála mmɔ lɛlɔ.

Yesaia 14:14

Na ndubɔkɔ lisie katɔ katɔ ƒui, na ami ku Unwoti Ɔyikune Ƒui bɔdubɔbla likeke.”

Esekiel 24:16

“Esekiel, ɔyawine ubi, ukyuli ɔni na aayɔ́ geen ni, ndubo-nwu ngba bɔƒɔ bɔsiku-nwu kudɔ. Nsu naaawia ka ewulo ku kɔnyana ala bɔka.

Esekiel 28:2

“Esekiel, ɔyawine ubi, su Tiro ɔga anini, ‘Aatalaku lɛlɔ katɔ taavili na aawia ka bekyuli banu-ɔ aani kayaa ɔyikune ɔdi na adi na Tiro ɔma unengudi ɔmmɔ ɔdi ƒula lɛga kadikɔ, nsu ukyuli keeke kani na adi.

Daniel 11:36

“Ɔga ɔmmɔ ni, lɛla lɛni mɔɔyɔ́-nwu kaƒɔ na ɔdubo butaabla. Na ɔdubo lɛlɔ katɔ bɔtalaku na ɔtina ka ubo kenyekɔ utulo baƒiɔ ƒui. Na ɔdubo Katɔti ɔlati buteedumi. Na geen ni, lɛla biala lɛdubo bɔsia kalɛ na ɔɔwia wetédu uwi ɔni na kɔnyi kɔni na Katɔti úti ɔ́kya anwu ɔlati ku nwuna bekyuli kɔ́yɔ-nwu.

Daniel 11:38

Na ɔya na bataakpa baƒiɔ bani na nwuna bati kuuku bétenu kɔku dii muedi bani na baalɔ kɔgyumanakɔ baƒiɔ. Na ɔdubute-ma ɔbu ku sika ugyiedi ku ɔƒualadi ku asɛɛbi ani muukeye ku etela bamba lidu lɛnɔ.

Daniel 8:11

Úwi kayaa bekpone bammɔ anumi kalɔ, na údie ɔbu ƒui na bana ɔtɔnkune ɔgabi ɔmmɔ lɛlɔ, na úwi-nwu anumi kalɔ na uwi ɔni na útile-nwu kuƒi na nwuna limeyi ndi limeyi akpala bɔbla lɛlɔ. Na geen ni, lɛla lɛmɛni kanukɔ kátadia bɔnu munu munu. Na úbile kakpakɔ kammɔ ekisila ƒui, na kásɔ kátamanku ka bataabla lɛkpa geen lɛmmɔ, na ɔ́kɛ kuƒi na ɔ́bla lɛla biala na ɔɔyɔ́ na mmɔ.

Lɛkpa Ulu 21:11

na ɔdi ɔ́nu uleku ɔni mɔɔdia-nwu bɔnu na bana akɔ na ɔɔyɔ́ ka uti-nwu ni, kuƒi kɔtɛ.

Lɛkpa Ulu 5:21

Taya anumi egyie-ɔ-na ƒula ukyulikpana ulekudi iye nwuna kaduli iye nwuna kabla ɔblane iye nwuna kalɔ iye nwuna ɔmantɛ bakɔ iye nwuna bebuo ala betine iye nwuna lɛla biala na ubo lɛlɔ!”

Tesalonikaƒuɔ 2 2:4

Na ɔdubɔta unye utile kɔyu ɔyikun biala ulu na ɔtina ka anwu lɛti ndi ayu ƒui utulone. Na ɔdubo bɔta muedi butélie Katɔti kakpakɔ na ɔbla lɛlɔ aani anwu ndi Katɔti ɔmmɔ.

Timoteo 1 4:3

Na baatina banii utalɛka bekyuli beti beleku. Na baasu banii batadi adila lidu lɛdi bene lɛnɔ. Nsu Katɔti nédie adila ƒui úse kalɛ na bani náƒɔ-nwu litemi geen bádi na basiaku-nwu kama ni, badi-nya ku linugya.