Daniel 11:35 - Katɔti Ɔku Kedee

³⁵ Na bana badi bani náda anu ni, badubo abi bubo kalɛ na Katɔti ɔbla-ma kedee na ɔƒɔ-ma utédu uwi ɔmmɔ kawɔlɔkɔ ɔni ndubo na nwuna lɛla lɛni na ɔ́lɛ ugyii úse kenye.

Daniel 11:35 ပူးပေါင်းရင်းမြစ်များ

Ala Alɛdi 2 32:31

Na uwi ɔni na Babilonƒuɔ batɔnkune bátala batu badi banii betéye Hesekia na ɔ́su-ma ala adi ɔsiku akɔla budie taatina ani nálɛ na nwuna kalɔ kemmo mmɔ ni, Katɔti únye ɔ́nu Hesekia na anwu ɔlati udie kenye na anwu ɔlati kasusu kenye na ɔnu si ɔmu ɔsiaku-nwu kama siin.

Agba 17:3

Ogya kemmo baakya sika ugyiedi ku ɔƒualadi taanu-nwu bɔdia. Nsu Unwoti ni, ukyuli kayi na ɔɔkɔ́ku taanu-nwu bɔdia.

Yesaia 27:9

Na ɔkɛnku ɔmɛni lɛlɔ na ndubudie kɔtu bɔni bana lɛlɔ na bana ekpidi ammɔ alɛ-ma lɛlɔ ƒui. Na lɛnɔ ni, ntu bábwɛ akpabi ani na bátu ku atabi mmɔ kpɛtɛ kpɛtɛ. Na babwɛ Asera baƒiɔ na bagyu-ma ku lɛƒiɔgyii lɛmmɔ na abi lɛlɔ kesii kani na baakyula oloƒui teete-ma mmɔ ƒui na basɔ balanu ka ɔdi unye.

Daniel 11:27

“Baga inyɔ bamɛni badubulie likpo linwi basala eli, nsu likyulikpi ku ɔkɔ sɔɔn na badubo bɔnyi bute lɛlɔ. Na bana kɔkwɛ ku kasusu ƒui kadi kalálɛ kɔsia kɔdi, ɔsika lɛla biala na ndubo libalɛ ni, Katɔti ɔ́ɔlɛ-ni ugyii úse.

Daniel 11:29

“Amu na uwi ɔni na Katɔti ɔlati ɔ́lɛ ugyii úse lɛlɔ ni, ɔga ɔni nkya kɔtɔ mmɔ ɔdubɔsɔ ɔta na utékpoku ɔga ɔni nkya kada kakɛ mmɔ ku nwuna bekyuli. Nsu na uwi ɔmɛni lɛlɔ ni, ala ƒui adububo enwini abla ɔbambadi.

Daniel 11:33

“Na uwi ɔmmɔ kemmo ni, bani mbo lɛnunda badubɔtina bekyuli pii ala. Nsu badubo badi bɔdu ku kuwii iye bakyula-ma iye beƒie-ma ala ani na bebo ƒui baƒɔ na beti badi bakya aban ɔtɔ.

Daniel 11:40

“Na kawɔlɔkɔ uwi ɔmmɔ lɛlɔ ni, ɔga ɔni nkya kada kakɛ ɔdubɔta na utékpoku ɔga ɔni nkya katɔ kakɛ. Nsu ɔga ɔmmɔ ɔdubɔlɛ ubasiaku-nwu aani ɔƒɛƒɛɛ ku nwuna kekpo kɛɛkɛ pii ku bekpone bapɔnkɔ beliene ku lɛkɔlɔ. Na geen ni, nwuna bekpone badubɔsia kɔlɔ kɔlɔ kemmo bɔlɛ aani kalɛ na ketu keeyi taagba na badi-ma lɛlɔ.

Daniel 12:3

Na bani ƒui náda anu na bana ngba bulie kemmo ni, badubukeye kede kede aani kayaa kani bɔɔnu. Na bani lɛnɔ na bátɔnku bekyuli na bábla Katɔti lɛyɔla ni, badubukeye aani ayabi.

Daniel 12:4

“Na ɔƒaani ni, Daniel, muubo-ɔ ɔda ka abɛla linyesia lɛni na ɔku ɔmɛni ɔdanku uti utédu uwi ɔmɛni kawɔlɔkɔ, ina ka bekyuli pii badubɔsia ulu biala lɛlɔ na kesi kesii banii baawia bati lɛla lɛni nkya ɔku ɔmmɔ kemmo.”

Daniel 8:10

Na ɔ́kɛ ɔyikun geen ɔni na úkpoku ayabi ani ndi kayaa bekpone ƒui lɛnɔ, na úti-ma pii úbewi kalɔ lɛlɔ, na ɔ́kɔ ɔ́nya-ma lɛlɔ úsusu ɔ́vi.

Daniel 8:17

Amu na Gabriel ɔ́ni úde-mi na lɛ́yu líbi kalɔ ku bɔyia geen. Na ɔ́su-mi ɔnini, “Ukyuli ɔyawine adi, nsu ɔdi ka enu ala bɔnu bɔmɛni kalɔ ka adanku kayawi kawɔlɔkɔ kammɔ.”

Daniel 8:19

Na ɔ́su ɔnini, “Se kɔtu na enu, na ndubɔsu-ɔ lɛla lɛni ndubo libalɛ na kayawi kawɔlɔkɔ kani na Katɔti ɔ́ƒuna úse ka udie nwuna kɔnyi keyi.

Daniel 9:27

Na Kwasida unwi kemmo ni, kadi bamba ukyuli ɔmɛni ɔdubo lɛla kpakplaa lɛdi bunyimi ku bekyuli pii badi. Na Kwasida unwi ɔmɛni ntɛ bule kemmo ni, ɔdubɔya na lɛkpa biala ku etela kenye kekulo. Na ɔmmɔ kama ni, liƒula bonwu lɛni ndanku ala bubile bɔmɛni bɔdubo bɔda bɔlɛ mmɔ. Na ɔdubunye mmɔ butédu uwi ɔni na Katɔti ɔ́lɛ ugyii úse ka ɔyila liƒula lɛni muubile ala mɛni udu.”

Habakuk 2:3

Na adubunu ala ammɔ na uwi ɔni na ami ɔlati lɛ́lɛ ugyii líse lɛlɔ, na ubo-nwu kemmo lɛnɔ lɛni kani. Na mɔɔsu-ɔ nnii ɔlɛka aƒɔ ala ani na masu-ɔ ka adubɔlɛ uwi ɔni mebo kemmo mmɔ adi. Na si ina uwi uutu muedi ni, awɔ nye taanu ulu ka adububo abálɛ lɛni kani.

Sakaria 13:9

Na ndubɔƒɔ bani nébu mmɔ lɛlɔ na lɛbla-ma kedee na lɛkɔku-ma lɛnu aani kalɛ na baaƒɔ sika ugyiedi ku ɔƒualadi taanu nwuna bɔdia. Na badubo-mi bɔkpali buvele ala na linu na libunku-ma. Na ndubɔsu nnii, ‘Mina bekyuli na bɛdi,’ na ama lɛnɔ badubɔsu banii, ‘Awɔ Unwoti ndi bula Katɔti.’ ”

Mateo 16:17

Amu na Yesu údie kenye ɔnini, “Lɛlɔ litaayɔ awɔ, Simon, Yona ubidi. Ɔsika ɔɔɔdi ɔyawine nédie litemi geen lɛmɛni ɔ́tina-a. Mmomu mina Ɔti ɔni nkya katɔ nédie ɔ́tina-a.

Mateo 26:56

Nsu ala amɛni ƒui álɛ lɛni kalɛ na ala ani na básu bése na Bunweni Kedee Ɔku kemmo ébo éte lɛni.” Amu na nwuna batɛyane ƒui békeli bátɔlɔ-nwu kudɔ.

Yohane 15:2

Ɔɔmɛnɛ kagba biala kani naaakana bɔnwu teedie kɔgba kɔkladi akɔ. Na ɔɔƒiala kɔgba kɔni mɔɔnwu lɛnɔ kemmo kalɛ na kuna akɔ kɔbla nwaa na kɔkana kutaanwu kaduɛ.

Yohane 20:25

Anwuɔsu ka úbebo ni, batɛyane bakladi bammɔ básu-nwu banini, “Abu bɔ́ɔnu Blɔti!” Amu na Toma ɔ́su-ma ɔnini, “Si ńtanu kɔbwɛlɛ eƒi lɛtaala na nwuna enu na liti mina lɛnimi lɛkya-nya kemmo na liti mina kɔnu lɛkya-nwu ɔƒɛnyi ni, lɛɛɛdubo bɔƒɔ bɔdi.”

Batalane Kabla 13:13

Ɔmmɔ kama ni, Paulo ku bani nsiaku-nwu béduo ɔkɔlɔ kemmo na bátɔlɔ Paƒo bésie Perge ɔni nkya Pamƒilia. Mmɔ na Marko Yohane ɔ́da-ma ɔ́nyonu, na ɔ́sɔ únwini úsie Yerusalem.

Lɛkpa Ulu 8:16

Na úte-mii adila ani ndi manna na kalɔ kakwiidi kammɔ kemmo. Na adila ɔmmɔ udu ni, bina bati kuuku muedi bátati-nya kudii. Na Unwoti Katɔti ɔ́bla ɔmɛni ɔnii ɔɔnu si bɛdubɔti ka anwu nda-mii, na ɔkɔku bina bɔƒɔtaadi ɔnu kalɛ na weti ala abuni wete-mii na kawɔlɔkɔ ku kaƒɔ ƒaa.

Yakobo 1:2

Banwa, lɛlɔ litaayɔ-mii si ala lidu lidu eekpóku-mii.

Budie Taatina 14:15

Amu na ɔtu ɔbambadi ɔ́lɛ ɔ́si kakpakɔ mmɔ na ɔ́va ku lɛdi momoomo ɔɔsu ukyuli ɔni nlie ɔmmɔ lɛlɔ ɔnini, “Awɔ, sala Katɔti bekyuli lɛku kayawi aani kalɛ na beeti lɛsaka taanwa edula. Ɔsika uwi údu ka basala-ma bete-nwu.”

Budie Taatina 17:17

Ɔsika Katɔti úti ɔ́kya-ma kayi kemmo kalɛ babla lɛla lɛni na anwu Katɔti ɔɔwia. Na bénu lɛlɔ kalɔ ka beti bana ɔyikun bete eƒiebuo ɔmmɔ na ɔdi lɛga uti utédu ka Katɔti etemila ani na ɔ́su úse ébo-nwu kemmo lɛni.

Budie Taatina 2:10

Bitayia lɛbibo biala lɛni mebo-mii lɛlɔ. Bise atu na binu! Ukisine ɔmmɔ ɔdubo bina akɔ badi bukpoku bɔnu na ɔya na bakya-mii ɔtɔ na bekpoku-mii emeyi leevu. Ɔlɛka bɛbla ala ulu lɛlɔ bite-mi si ina úbo úte ka bikpi muedi. Na ami ndubuti ngba bɔni nsɔ naaadubo bɔsa kudii lɛƒɔ-mii kayu.

Budie Taatina 7:14

Amu na lɛ́su-nwu nnini, “Ati, lɛɛɛgyi-ma. Awɔ ngyi bekyuli bamɛni.” Amu na ɔ́su-mi ɔnini, “Bekyuli bamɛni ndi bani nénye lɛbibo bonwu lɛmmɔ kenye, na bálɛ-nwu kemmo. Bábla sɛɛn na Koƒonu Ubi ɔmmɔ ubugya ɔsu, aani kalɛ na baaƒɔ lɛwu na lɛɛƒuala.