Daniel 11:32 - Katɔti Ɔku Kedee

³² Ɔga ɔmmɔ ɔdubuti kenyemini ku katɔlɔ ɔkpanku bekyuli bani naaasiaku Katɔti kama siin ute lɛlɔ. Nsu bani ngyi Katɔti geen ni, badubɔta benye-nwu lɛlɔ kpakplaa.

Daniel 11:32 ပူးပေါင်းရင်းမြစ်များ

Ala Alɛdi 1 28:9

“Mina ubi Salomo, mɔɔsu-ɔ kpakplaa ka kya Unwoti lili kalɔ uwi biala na asiaku-nwu kama siin na adi nwuna litemi lɛlɔ ku ƒula kayi ku kasusu ƒui aani kalɛ na lɛ́bla. Ɔgyi ƒula lili kemmo kasusu ku kakali biala na ada aabla ala. Anwuɔsu si énwini ésie-nwu kudɔ ku kayi ƒui ni, ɔdubunu ƒula buvele. Nsu si énwini kama ákya-nwu ni, anwu lɛnɔ ɔdubuni-ɔ uwi ƒui.

Nehemia 4:14

Amu na ami Nehemia lɛ́ta na ńtánu banamu bakɔdi ku benengu ku bekyuli bammɔ ƒui na lɛ́su-ma nnini, “Bitayia-ma. Bɛkali ka Katɔti ɔni nwuna lɛlɔ lɛɛda liƒu mmomu na ɔlɛka bɔyia. Na binye kpakplaa, na bikpo bite bina banwani ku bina beleku ku bina kɔduli.”

Kɔgya 9:10

Na bani ngyi kalɛ na ƒula lɛnyi libo ɔyikun badubo bana anu buti bɔsia-a lɛlɔ. Ɔsika bútenu kudii ka ɔdi ɔ́kpali-ɔ ɔnii bunku-nwu na átakpete-nwu.

Agba 19:5

Ukyuli ɔni mɔɔnyi ɔkɔ teedie etemila kenye ni, ulékeli kɔtu bɔni. Na ɔkɔ ɔnyine ɔdi ulakana na wekeli.

Agba 26:28

Unyemi ɔni mɔɔnyi ɔkɔ taasia ukyuli ni, uláwia ukyuli ɔmmɔ bɔdia. Na katɔlɔ kaadú ukyuli.

Yeremia 31:34

“Na ɔ́si ɔƒɛni ni, ukyuli ɔdi ɔsɔ ulatina ɔkpanadi iye ɔnwani ka ɔti Blɔti. Ɔsika bana ƒui badubo-mi bɔti ɔ́si ubliidi ƒui útálɛ unengudi lɛlɔ. Na ɔ́si ɔƒɛni ni, ukyuli ɔdi ɔsɔ ulatina ɔkpanadi iye ɔnwani ka ɔti Blɔti. Ɔsika bana ƒui badubo-mi bɔti ɔ́si ubliidi ƒui útálɛ unengudi lɛlɔ. Na ndubuti bana alaekpidi ani ƒui bábla lɛkyiɛ-ma. Na nsɔ lɛɛɛdubo bana ekpidi bunyimo kudii.

Daniel 11:21

“Ɔga ɔni na badubo buse na katɔ kakɛ mmɔ na udeedi kenye ni, ɔdubɔbla ukyuli ukpidi ɔni nátamanku útete lɛla lɛdi bɔbla. Na útasi baga liku lɛnɔ. Nsu ɔdubo bɔda bɔlɛ kɔnakunwi ku kenyemini ku katɔlɔ na ɔdi lɛlɔ na lɛga kadikɔ kammɔ kemmo.

Daniel 11:34

Na bana lɛbibo kemmo ni, kebunku blii kani na badubɔkɛ. Na bana kama basiakune pii badubo-ma kama bɔlɛ na bakya-ma kakya.

Sakaria 10:12

Ndubo mina bekyuli ɔyikun bɔkya na ukyuli ɔni udu na ndi ɔsu, na lɛya na basiaku-mi. Ami Unwoti násu!”

Malakai 4:2

Nsu amii bani mɔɔbu-mi ni, bina lɛlɔ bɔdi bɔdubɔbla aani kalɛ na ɔƒɛ uukeye na bukeye bɔmmɔ buute ɔlɔkplu. Na amii bɛdubo butaaƒulu taavi taaƒia aani ɔmantɛ bakɔ bebi.

Yohane 17:3

Na ngba bɔni nsɔ naaadubo bɔsa kudii mɛni kalɔ ndi ka bekyuli bamɛni bati awɔ, na bati ka awɔ lɛti pɛ ndi Katɔti geen ɔmmɔ, na bati ami Yesu Kristo ɔni na átala.

Yohane 1 5:20

Na abu bɔgyi lɛnɔ ka Katɔti Ubidi úbo kayawi kamɛni úbedie ala kalɔ úte-bu kalɛ na bɔti anwu ɔni geen ndi Katɔti. Na ɔƒaani ni, buliku anwu ɔni geen ndi Katɔti ɔmmɔ ku nwuna Ubidi Yesu Kristo lɛnɔ. Na anwu geen ndi Katɔti ɔmmɔ ɔni ndi ngba bɔni nsɔ naaadubo bɔsa kudii.

Budie Taatina 6:11

Mmɔ na úte bekyuli bamɛni ɔdi biala awu ɔƒualadi, na ɔ́su-ma ɔnii bakɛ kayi betédu uwi ɔni na kayawi bekyuli bádu bana kabla bablane bakpana bammɔ aani kalɛ na bádu ama lɛnɔ. Ɔsika bana bumomo bútedu bútawɔlɔ tɔ.