Daniel 11:31 - Katɔti Ɔku Kedee

³¹ “Na ɔdubo bekpone bɔtala na besie na betébile kakpakɔ kammɔ ekisila ku kagyumanakɔ na bada limeyi ndi limeyi akpala bɔbla baya. Na ɔdubɔya na beti lɛla lɛni na Katɔti uukisi na liisé lɛlɔ bebese mmɔ.

Daniel 11:31 ပူးပေါင်းရင်းမြစ်များ

Yeremia 19:4

Yuda kadi bekyuli béni na basɔ balakpa-mi na béti kɔwɛ kɔmɛni kemmo bénwini Baal baƒiɔ ku baƒiɔ lidu bamba bani nétebunku ama ku bana bati kuuku iye bana baga badi kudii kakpakɔ. Na bádu bekyuli na mɛni na baakyula bana bebi bani naaagyi lɛla lɛdi na bátabla lɛla lɛdi lɛnɔ teeti taakpa baƒiɔ bammɔ. Na ami ńtakali kudii nnii mɔɔsu-mii na bɛbla lɛla lɛmɛni udu bite-mi.

Yeremia 7:30

“ ‘Bítadi mina litemi lɛlɔ na uwi ɔni na bíti bina baƒiɔ bani muusé lɛlɔ mmɔ bíbese-mi kakpakɔ na bɛ́ya na kakpakɔ kemodi kammɔ keesé-mi lɛlɔ.

Kɔnyana Buwulo 1:10

Béyu Sion akɛla ƒui békeliku, na unye ɔɔnu uwi ɔni na kadi bamba bekyuli béduo nwuna kakpakɔ ina ka ɔdi ekisila bubile ka bekyuli bani naaadi Yudaƒuɔ beduo mmɔ.

Kɔnyana Buwulo 2:7

Unwoti údie nwuna lɛkpabi ku kakpakɔ kammɔ ƒui atu, na ɔ́ya na Sion bekisine bábaƒɛ awodu ku libili lɛmmɔ ƒui. Lɛsɛ ku kɔvanu kɔku kani na eenú yoo taasiku kakpakɔ kammɔ kemmo aani si limeyi lɛdi na baadi.

Esekiel 9:7

Ɔmmɔ kama ni, Unwoti ɔ́su-ma ɔnini, “Bibile kakpakɔ kammɔ ekisila na bɛla bekpine bammɔ bɛsiaku lɛlɔ na kakpakɔ kaduli geen kammɔ kemmo mmɔ. Bɛsɔ bitebile uwi ɔdi bise kabla kalɔ!” Bátɔlɔ mmɔ na bése kalɔ baadú Yerusalemƒuɔ bammɔ.

Daniel 12:11

“Na ɔ́si uwi ɔni na badubo bɔda limeyi ndi limeyi akpala bɔbla baya útédu uwi ɔni na badubuti lɛla lɛni na Katɔti uukisi na liisé lɛlɔ bebese mmɔ ni, ɔdubɔbla emeyi apim unwi ku emeyi eti alɔ ku aavlene (1,290).

Daniel 8:24

Ɔdubo ɔyikun bɔkɛ geen, nsu ɔɔɔdi anwu ɔlati ɔyikun na ɔdi. Na ɔdubo ala bubile geen. Na ɔdubo batɔnkune bayikune udu bɔyila na kalɔ kammɔ lɛlɔ úbunku Katɔti bekyuli muedi.

Daniel 8:26

“Lɛla lɛni na ánu ásiku lɛdigye ku useyi uwi lɛlɔ ni, sɔsɔ na ɔdi. Nsu ala ammɔ aaadubo buyile bɔlɛ, anwuɔsu tasɔku-nya tasu bekyuli.”

Daniel 9:27

Na Kwasida unwi kemmo ni, kadi bamba ukyuli ɔmɛni ɔdubo lɛla kpakplaa lɛdi bunyimi ku bekyuli pii badi. Na Kwasida unwi ɔmɛni ntɛ bule kemmo ni, ɔdubɔya na lɛkpa biala ku etela kenye kekulo. Na ɔmmɔ kama ni, liƒula bonwu lɛni ndanku ala bubile bɔmɛni bɔdubo bɔda bɔlɛ mmɔ. Na ɔdubunye mmɔ butédu uwi ɔni na Katɔti ɔ́lɛ ugyii úse ka ɔyila liƒula lɛni muubile ala mɛni udu.”

Hosea 3:4

Lɛni kani na uwi ɔdubo butu asa na Israel kadi bekyuli basɔ bakɛ ɔga iye asa na basɔ babla akpala na Katɔti kakpakɔ iye Katɔti ɔtina-ma ulu ɔni lɛlɔ na basia babla lɛla lɛdi.

Mateo 24:15

“Na bɛdubɔnu lɛla lɛni na Katɔti uukisi na liisé lɛlɔ ka unye nwuna likpo kedee kalɛ na Katɔti Kenye Udiene Daniel únweni úse. Na amii bani mɔɔká ɔku ɔmmɔ ni, biduo-nwu kemmo kaduɛ na binu-nwu kalɔ.

Marko 13:14

“Na mɛni ni, bise atu kaduɛ na binu kalɔ. Si bɛ́nu ala ani udu na Katɔti ukisi ka álɛ na nwuna kakpakɔ kedee ni, bekyuli bani nkya Yuda bekeli besie batábɛ na abi lɛlɔ.

Luka 21:20

“Si uwi ɔni na bɛ́nu ka bekpone báka bámana Yerusalem ni, bɛdubɔti ka ɔma ɔmmɔ bɔbwɛ uwi údu.

Budie Taatina 17:12

“Na ese leevu ani na ánu mmɔ ni, adi baga leevu bani nétese tɔ kalɔ ku lɛga bɔdi. Nsu badubo-ma kuƒi bute uwi klukui na badi lɛga ku eƒiebuo ɔmmɔ.