Daniel 11:29 - Katɔti Ɔku Kedee

²⁹ “Amu na uwi ɔni na Katɔti ɔlati ɔ́lɛ ugyii úse lɛlɔ ni, ɔga ɔni nkya kɔtɔ mmɔ ɔdubɔsɔ ɔta na utékpoku ɔga ɔni nkya kada kakɛ mmɔ ku nwuna bekyuli. Nsu na uwi ɔmɛni lɛlɔ ni, ala ƒui adububo enwini abla ɔbambadi.

Daniel 11:29 ပူးပေါင်းရင်းမြစ်များ

Yesaia 14:31

O amii Ƒilistiƒuɔ! Biteewulo na biteedumo, na bina lɛma linengudi lɛmmɔ kemmo ku bina lɛma ɔban kenye, na bɛyu biwi kalɔ ku bɔyia, na bɛnu bina bekisine uyɔ ka ɔ́si katɔ kakɛ ɔ́yu ɔdubo, na bɛnu bekpone bammɔ kalɛ na básala lɛlɔ badubo gbini gbini.

Daniel 10:1

Na Persiaƒuɔ Ɔga Kores lɛga bɔdi lɛkwa lɛtɛdi kemmo ni, Daniel ɔ́kɛ linyesia lɛdi ɔ́siku Katɔti kudɔ. Na bédie-ni kalɔ na kɔyu kemmo ala bɔnu kemmo béte-nwu. Na linyesia lɛmmɔ lɛdanku kekpo kekpidi kadi, na ɔdi litemi geen lɛnɔ.

Daniel 11:23

Na ɔdubo lɛla lɛdi bunyimiku-ma, nsu ɔkɔ ala bɔbla na adi, na ɔdubo bunyimi bɔmmɔ bubile ina ka nkyuli ɛlɛɛ badi kani na ndubo-nwu kama bɔsiaku.

Daniel 11:25

“Ɔdubo bekpone bayikune lisu bonwu lɛdi bɔsala. Na ɔdubɔkya lɛlɔ kayi geen na ɔta utékpo ɔga ɔni nkya kada kakɛ mmɔ. Na ɔga ɔni nkya kada kakɛ mmɔ lɛnɔ ɔdubɔta ku bekpone bani mbo ɔkplu betulo ɔga ɔtɔdi ɔmɛni badi ɔnii uténye ɔsiaku-nwu, nsu ulakana, ɔsika nwuna badi badubo-nwu kakya bɔkya na balɛ-nwu kama.

Daniel 11:28

Na ɔmmɔ kama ni, ɔga ɔni nkya katɔ kakɛ ɔdubunwini usie nwuna kalɔ lɛlɔ ku akɛla enengudi. Nsu si ɔkɛ ulu úsela ni, ɔdubɔta unye Katɔti bunyimi kedee bɔmmɔ lɛlɔ, na ukpoku nwuna bekyuli na ɔbla-ma lɛla biala na ɔɔyɔ́, asa na unwini uteesie nwuna kalɔ lɛlɔ.

Daniel 11:30

Lɛkɔlɔ libendi lɛdubɔsi ɔƒɛ kanukɔ libo na libekpoku-nwu na lɛya na enu aƒɛ-nwu. Na ɔmmɔ kama na ɔsɔ unwini uteesie nwuna kalɔ lɛlɔ na utédie nwuna kɔnyi ɔlɛ Katɔti bunyimi kedee bekyuli. Na bekyuli bani mmomu nálɛ Katɔti kama na baaasiaku-nwu kama siin ni, ɔdubɔnu ama kɔnyana.

Daniel 8:19

Na ɔ́su ɔnini, “Se kɔtu na enu, na ndubɔsu-ɔ lɛla lɛni ndubo libalɛ na kayawi kawɔlɔkɔ kani na Katɔti ɔ́ƒuna úse ka udie nwuna kɔnyi keyi.

Batalane Kabla 17:26

Údie bayawine ƒui ɔ́siku ukyuli unwi lɛlɔ ɔnii bulie aani ubugya unwi bebi na kayawi ƒui lɛlɔ. Anwu ɔlati nése uwi ku kadikɔ úse úte ɔdi biala.

Galatiƒuɔ 4:2

Uwi ɔni na ɔmu ɔdi ɔnamu mɛni ni, ubo bekyuli bani mɔɔnu anwu ku nwuna ala lɛlɔ úti útédu uwi ɔni na ɔti úse úse.