Daniel 11:27 - Katɔti Ɔku Kedee

²⁷ “Baga inyɔ bamɛni badubulie likpo linwi basala eli, nsu likyulikpi ku ɔkɔ sɔɔn na badubo bɔnyi bute lɛlɔ. Na bana kɔkwɛ ku kasusu ƒui kadi kalálɛ kɔsia kɔdi, ɔsika lɛla biala na ndubo libalɛ ni, Katɔti ɔ́ɔlɛ-ni ugyii úse.

Daniel 11:27 ပူးပေါင်းရင်းမြစ်များ

Samuel 2 13:26

Ka ɔ́su-nwu lɛni ni, Absalom úvele ɔti ɔnini, “Si bina ƒui bilebo ni, ya na mina ɔnwani Amnon anwu ubo.” Mmɔ ni, ɔga úye-nwu ɔnini, “Bi ɔsu na aawia ka ƒ'ɔnwani Amnon ubo mmɔ?”

Kɔgya 12:2

Na ɔkɔ kani na ɔdi biala ɔɔnyi taatɔlɔ ɔnwani. Na ɔkɔ ku kɔtɛ keeke kɔmmɔ udu kani néyi-ma inye.

Kɔgya 52:1

Bakantankpine benengudi, bilie bɛɛkun lɛmɛnɛ na likpidi lɛlɔ. Nsu Katɔti ɔda nwuna bekyuli ɔkɛnku nwuna bɔyɔ bɔni naaavumana kudii lɛlɔ.

Kɔgya 58:2

Kudii uuuse lɛni, mmomu kalɛ na binwini ala kekuma kasusu kani na biilie teeti uwi biala. Na bina enu aata pla pla kalɛ na bɛbla kalala na bayawine akɔ.

Kɔgya 62:9

Ukyuli ɔɔɔdi ku lɛla. Na use aani ɔƒɛƒɛɛ ɔni nékpo ɔ́vi kani. Bani mɔɔnu ka bebo kenyekɔ ku bani nkya-ma kalɔ ƒui lɛkooƒo bana ƒui badi. Baakali ka bebo unu si bákɔku-ma bánu. Nsu ɔƒɛƒɛɛ muedi ubo unu utulo-ma.

Kɔgya 64:6

Beeti kasusu kekpidi na baasu banini, “Bɔdubɔbla likpidi lɛmɛni na ukyuli ɔdi ulanu-bu kasusu uláti.”

Agba 12:20

Ɔkɔ etemila aaƒɔ́ bekyuli bani muuti likpidi kasusu kayi kemmo ƒui. Na bani lɛnɔ na keyi buɛɛ kasusu na beeti ni, lɛlɔyɔ mɔɔkya-ma kayi kemmo.

Agba 19:21

Adubɔkana na eti kasusu kɔkwɛ pii, nsu Unwoti lɛƒɔyɔ kani ndubo bunye.

Agba 26:23

Kɔtɛ kɔni baakya emini aabɛla kasusu kekpidi kani nkya ukyuli ɔdi kayi kemmo aani kalɛ baanwamana sika ugyiedi ntu taakwaa libui.

Esekiel 17:9

“Na ɔƒɛni ni, Esekiel, su-mi ƒula kasusu. Aabu ka kugyii kabuli kamɛni kadubo ngba bulie? Munuu kɔdigbo aasɛ udeedi ɔmmɔ ɔdubo-ku bɔgyu budie mmɔ na ude ebi ammɔ udie-ku lɛlɔ na evete ani ƒui na ɔdaku budie mmɔ ayɛyɛ? Ɔsika kɔdigbo aasɛ ɔmmɔ ɔdubɔkana na ɔdu-ku kpɛtɛ kpɛtɛ ɔni na ɔɔɔdi bekpone pii badi na ɔdubo busie butétiku.

Daniel 10:1

Na Persiaƒuɔ Ɔga Kores lɛga bɔdi lɛkwa lɛtɛdi kemmo ni, Daniel ɔ́kɛ linyesia lɛdi ɔ́siku Katɔti kudɔ. Na bédie-ni kalɔ na kɔyu kemmo ala bɔnu kemmo béte-nwu. Na linyesia lɛmmɔ lɛdanku kekpo kekpidi kadi, na ɔdi litemi geen lɛnɔ.

Daniel 11:28

Na ɔmmɔ kama ni, ɔga ɔni nkya katɔ kakɛ ɔdubunwini usie nwuna kalɔ lɛlɔ ku akɛla enengudi. Nsu si ɔkɛ ulu úsela ni, ɔdubɔta unye Katɔti bunyimi kedee bɔmmɔ lɛlɔ, na ukpoku nwuna bekyuli na ɔbla-ma lɛla biala na ɔɔyɔ́, asa na unwini uteesie nwuna kalɔ lɛlɔ.

Daniel 11:29

“Amu na uwi ɔni na Katɔti ɔlati ɔ́lɛ ugyii úse lɛlɔ ni, ɔga ɔni nkya kɔtɔ mmɔ ɔdubɔsɔ ɔta na utékpoku ɔga ɔni nkya kada kakɛ mmɔ ku nwuna bekyuli. Nsu na uwi ɔmɛni lɛlɔ ni, ala ƒui adububo enwini abla ɔbambadi.

Daniel 11:35

Na bana badi bani náda anu ni, badubo abi bubo kalɛ na Katɔti ɔbla-ma kedee na ɔƒɔ-ma utédu uwi ɔmmɔ kawɔlɔkɔ ɔni ndubo na nwuna lɛla lɛni na ɔ́lɛ ugyii úse kenye.

Daniel 11:40

“Na kawɔlɔkɔ uwi ɔmmɔ lɛlɔ ni, ɔga ɔni nkya kada kakɛ ɔdubɔta na utékpoku ɔga ɔni nkya katɔ kakɛ. Nsu ɔga ɔmmɔ ɔdubɔlɛ ubasiaku-nwu aani ɔƒɛƒɛɛ ku nwuna kekpo kɛɛkɛ pii ku bekpone bapɔnkɔ beliene ku lɛkɔlɔ. Na geen ni, nwuna bekpone badubɔsia kɔlɔ kɔlɔ kemmo bɔlɛ aani kalɛ na ketu keeyi taagba na badi-ma lɛlɔ.

Daniel 8:17

Amu na Gabriel ɔ́ni úde-mi na lɛ́yu líbi kalɔ ku bɔyia geen. Na ɔ́su-mi ɔnini, “Ukyuli ɔyawine adi, nsu ɔdi ka enu ala bɔnu bɔmɛni kalɔ ka adanku kayawi kawɔlɔkɔ kammɔ.”

Daniel 8:19

Na ɔ́su ɔnini, “Se kɔtu na enu, na ndubɔsu-ɔ lɛla lɛni ndubo libalɛ na kayawi kawɔlɔkɔ kani na Katɔti ɔ́ƒuna úse ka udie nwuna kɔnyi keyi.

Habakuk 2:3

Na adubunu ala ammɔ na uwi ɔni na ami ɔlati lɛ́lɛ ugyii líse lɛlɔ, na ubo-nwu kemmo lɛnɔ lɛni kani. Na mɔɔsu-ɔ nnii ɔlɛka aƒɔ ala ani na masu-ɔ ka adubɔlɛ uwi ɔni mebo kemmo mmɔ adi. Na si ina uwi uutu muedi ni, awɔ nye taanu ulu ka adububo abálɛ lɛni kani.

Batalane Kabla 1:7

Na Yesu ɔ́su-ma ɔnini, “Útalɛka bɛti uwi iye emeyi ani na mina Ɔti ɔ́su úse ka lɛla lɛdi lɛdubɔlɛ.

Batalane Kabla 17:31

Ɔsika anwu údie limeyi lɛdi úse lɛni lɛlɔ na ukyuli ɔni na ɔ́ƒuna úse wabatɛku-bu litemi ɔ́si bula ɔbladu lɛlɔ. Na údie Ukyuli Ɔƒunadi ɔmɛni ɔ́tina-bu nwaa ɔ́si ɔni na ɔ́gyila-nwu ɔ́siku kekpine na ɔ́sɔ úbo úbelie ngba.”

Tesalonikaƒuɔ 1 5:1

Banwa, útalɛka linweni-mii lɛla lɛdi ɔ́si uwi iye emeyi ani na ala amɛni adubɔlɛ lɛlɔ.