Daniel 11:21 - Katɔti Ɔku Kedee

²¹ “Ɔga ɔni na badubo buse na katɔ kakɛ mmɔ na udeedi kenye ni, ɔdubɔbla ukyuli ukpidi ɔni nátamanku útete lɛla lɛdi bɔbla. Na útasi baga liku lɛnɔ. Nsu ɔdubo bɔda bɔlɛ kɔnakunwi ku kenyemini ku katɔlɔ na ɔdi lɛlɔ na lɛga kadikɔ kammɔ kemmo.

Daniel 11:21 ပူးပေါင်းရင်းမြစ်များ

Kɔgya 12:8

Bekyuli bekpidi bakɛ kesi kesii beesié taasɔ, na ukyuli biala ɔɔkya bana likyulikpi lɛmmɔ ogya.

Kɔgya 15:4

Bekyuli bani na Katɔti ɔɔnu ka badi alaekpidi bablane ni, ɔɔɔdaku-ma lɛda. Mmomu bani mɔɔyia Unwoti na baadi nwuna litemi lɛlɔ ni, ɔɔbu-ma. Ukyuli ɔmmɔ udu ɔɔdi lɛla biala na ɔ́su úse lɛlɔ ina dɛ na lɛla lɛmmɔ liikpóku-nwu.

Kɔgya 55:21

Nwuna kenye kemmo etemila ebo emini aani nnɔ eku. Nsu kekpo kasusu nkya-nwu kayi. Na nwuna etemila ese ƒɛƒɛɛ aani nnɔmii. Nsu eekúlo aani kewii.

Yesaia 32:5

Basɔ balakya lili kalɔ belete badɔlɔdi ɔƒɛni amu. Na bekyuli bekpidi basɔ balákɛ kenyekɔ kadi na bekyuli akɔ aani babune.

Daniel 11:20

“Na ɔmmɔ kama ni, ɔga bamba ɔni ndubɔkya katɔ kakɛ mmɔ ɔdubɔwia ka utaaƒɔ kuyi taasiku bekyuli bammɔ kudɔ kalɛ na ɔya na nwuna lɛga kadikɔ kekeye. Nsu akwa adi kama ni, anwu lɛnɔ ɔdubo bɔwɔlɔ na ɔyii ɔkya kɔnakunwi ɔni na ɔɔɔdanku ukyuli kɔnyi ablala iye kekpo kemmo.

Daniel 11:32

Ɔga ɔmmɔ ɔdubuti kenyemini ku katɔlɔ ɔkpanku bekyuli bani naaasiaku Katɔti kama siin ute lɛlɔ. Nsu bani ngyi Katɔti geen ni, badubɔta benye-nwu lɛlɔ kpakplaa.

Daniel 11:34

Na bana lɛbibo kemmo ni, kebunku blii kani na badubɔkɛ. Na bana kama basiakune pii badubo-ma kama bɔlɛ na bakya-ma kakya.

Daniel 11:7

“Na ɔmɛni kama ni, nwuna lɛlɔ ukyuli ɔdi ɔdubo ubataadi lɛga na lɛga kadikɔ kani nkya kada kakɛ mmɔ lɛlɔ. Na ɔdubo bɔta na utékpoku lɛga kadikɔ kani nkya katɔ mmɔ na uƒie bana kɔgyumanakɔ kpakplaa kɔmmɔ ɔƒɔ.

Daniel 4:17

“ ‘Na Katɔti batu kedee bammɔ nédie lɛdi asa na lɛtuni lɛmmɔ líbo ukyuli ɔmmɔ lɛlɔ. Na ɔmmɔ ɔdubunwini ala bɔtɛya ute bekyuli bani ƒui nli ngba ka Unwoti Katɔti Ɔni Ntulo Ƒui mɔɔdi lɛga kadikɔ biala lɛlɔ, na anwu kani mɔɔƒuna ɔtɔnkune ɔni na uuubo kenyekɔ bonwu kadi na bekyuli anumi na uunwíni ɔga.’

Daniel 7:8

Uwi ɔni na nnye mɔɔbla kasusu taasiku ese amɛni lɛlɔ kani na lise blii lɛdi lɛ́kɔ lɛ́lɛ. Na kɔnakunwi ni, ese atɛ ágyu álɛ ana kunyekɔ na éte libliidi lɛmɛni kuƒi. Na bekyuli anumi alɛ lise blii lɛmɛni lɛlɔ ku kenye kani muutemi ku lɛmɛnɛ bɔkun pii geen.

Daniel 8:23

“Na uwi ɔni na baga bamɛni likyulikpi ala bɔbla bɔ́kɔ katɔ geen bútédu kesii kani na ɔlɛka bɔwɔ ni, bana ɔyiku kenye kadubo bukulo na ɔga ukpidi ɔdi ubenye-ma kenye ɔni na bekyuli beleti bana anu balasia-nwu lɛlɔ munu munu.

Daniel 8:25

Na ɔkɔ ɔni na ɔdubo butaanyi taatɔlɔ bekyuli ɔdubɔya na ɔdi lɛlɔ na ɔƒɔ lɛnyi geen. Ɔdubo bekyuli pii bɔdu kɔnakunwi na ukpoku Katɔti kayawi ƒui lɛlɔ ɔdine utulone ƒui. Nsu Katɔti ɔdubo-nwu lɛlɔ bɔdi na ususu-nwu ɔbla kpɛtɛ kpɛtɛ.

Daniel 8:9

Amu na lise linwi lɛlɔ ni, lise blii lɛdi lɛ́sɔ lɛ́kwɛ na nwuna ɔyikun ɔ́di kayawi kammɔ kada kakɛ ku ɔƒɛ kanukɔ ku Israel kalɔ kedee kammɔ muedi lɛlɔ.

Nahum 1:14

Na amii Asiriaƒuɔ ni, Unwoti ɔ́su lɛnɔ na bina lɛlɔ ɔnii, “Bina anyi adubɔyii ƒui kede kede, na bebi badi basɔ balakya-mii kama na bakɔliku-mii lɛnyi katɔ. Na ndubɔbwɛ bina baƒiɔ bani na bɛ́vɔ ku bani na bɛ́nwi bíse bina aƒiodu ƒui. Na bina likyulikpi ɔsu ni, ndubo-mii kɔƒiɔtɔ budie buse.

Samuel 1 3:13

Ɔsika lɛ́su-nwu ka ndubo anwu ku nwuna kaduli bekyuli ƒui kɔtɔ bɔdu na likpidi lɛni na ɔgyi nwaa, nsu údie atu ɔsu. Nwuna bebi ala bɔbla émo bekyuli bammɔ ƒui, nsu útakana na ɔ́bala-ma ɔsiku ɔbladu buɛ ɔmmɔ kudɔ.