Daniel 11:12 - Katɔti Ɔku Kedee

¹² Na ɔga ɔmɛni ɔdubo lɛmɛnɛ butaakun geen na bekyuli lisu bonwu lɛni na ɔ́du ɔsu. Nsu bekyuli bukpo taadi lɛlɔ bɔmɛni bɔɔɔdubo uwi ɔdi bɔƒɔ.

Daniel 11:12 ပူးပေါင်းရင်းမြစ်များ

Baga 2 14:10

Sɔsɔ na ɔdi ka ékpo ádi Edomƒuɔ lɛlɔ, na ɔmmɔ ɔsu na aakun lɛmɛnɛ. Ya ƒula lɛlɔ bɔdi buteekeye na ƒula lɛgba akɔ kani, na asɔ elie ƒula ɔma kpoo! Bi ɔsu na atáwia lɛsɛ eboku Yuda kalɔ kemodi bekyuli na awɔ ɔlati ɔmmɔ lɛnɔ ebo kalɔ?”

Ala Alɛdi 2 25:19

Amasia, aanu lɛlɔ ka ebo ɔyikun geen ka ékpo ádi Edomƒuɔ lɛlɔ ɔsu. Sɔ lie ƒula ɔma na ataakɛ ƒula kubiti. Bi ɔsu na aawia lɛlɔ lɛsɛ na adubo bɔya na awɔ ku ƒula Yuda lɛgakadikɔ ƒui bɛyii ku udu?”

Ala Alɛdi 2 26:16

Amu na ɔyikun ɔni na úbakɛ mɛni ku kalɛ na nwuna lɛnyi lísie ɔgyu ɔsu ni, Usia úse kalɔ ɔɔkɔliku lɛlɔ katɔ na ɔmmɔ náya-nwu na úbo kalɔ. Limeyi linwi ni, Usia útenu Unwoti nwuna Katɔti litemi na ɔ́ta útéduo kakpakɔ na úsie útéti oloƒui ɔdi ɔɔkyula aani akpala ute-nwu.

Ala Alɛdi 2 32:25

Nsu Hesekia úbo ɔɔtalaku lɛlɔ katɔ geen ɔni na ɔ́yiƒala Unwoti enu muedi bɔgya. Na ɔmɛni ɔdi lɛla lɛni néƒi Unwoti livo, anwuɔsu ɔ́ni Hesekia ku Yuda ku Yerusalemƒuɔ ƒui kɔtu.

Agba 16:18

Lɛlɔ katɔ bɔtalaku mɔɔgyú taatɔ asa na ukyuli ɔɔyii udu. Na kayi kekpidi buse taabla ala mɔɔyá na ukyuli uubuli.

Esekiel 28:17

Ƒula bɔdia bɔni na aadia bɔnu nátɔlɔ na énwini ukyuli ɔni na asɔ alábu lɛla lɛdi na aatina lɛlɔ. Na ka ƒula lɛnyi lísie ɔgyu ɔsu ni, ese kalɔ aabla adɔlɔla. Anwuɔsu na líkpeli-ɔ lɛ́va kalɔ na baga babambadi baamá-a.

Esekiel 28:2

“Esekiel, ɔyawine ubi, su Tiro ɔga anini, ‘Aatalaku lɛlɔ katɔ taavili na aawia ka bekyuli banu-ɔ aani kayaa ɔyikune ɔdi na adi na Tiro ɔma unengudi ɔmmɔ ɔdi ƒula lɛga kadikɔ, nsu ukyuli keeke kani na adi.

Esekiel 28:5

Agyi egulabi bɔbla kɔkwɛ lilu geen sɔsɔ na ala lɛnɔ emomo-ɔ geen, nsu ƒula akɛla áya na aatina lɛlɔ na asɔ alabu lɛla lɛdi!

Daniel 11:11

“Nsu ɔmɛni ɔdubɔya na ɔga ɔni nkya kada kakɛ mmɔ ɔkɛ kɔnyi geen na ɔta ukpoku bana bekpone pii bammɔ na ɔdi-ma lɛlɔ ƒui.

Daniel 11:13

Ɔsika ɔga ɔni nkya katɔ kakɛ ɔdubo bekyuli bani na bebo ɔkplu geen na bemomo bɔsala bani udu nátakya-nwu tɔ. Na akwa adi kama ni, ɔdubuse kalɔ uteekpoku kɔlɔ bamba lɛnɔ.

Daniel 5:23

Mmomu áta énye Unwoti ɔni nli mɔɔdi lɛlɔ ɔ́siku katɔ ƒui lɛlɔ, na áya na bététi lɛɛƒɛɛ lɛni nse nwuna kakpakɔ béboku mɛni. Na awɔ ku ƒula beleku ku bakutine benengu bɛ́ni ntɛ na nina kemmo. Na binye biimwi baƒiɔ bani na béti sika ugyiedi ku ɔƒualadi ku abuala egyiedi ku atabi ku egyiiku bávɔ iye bánwi, ina ka ala amɛni elenu na alanu iye alákana kasusu buti muedi. Ébulo anii alakya lili kalɔ elete Katɔti ɔni muute-ɔ ɔƒɛƒɛɛ ɔni na aanwuna na ɔɔdi ƒula lɛla biala na aabla lɛlɔ.

Daniel 8:25

Na ɔkɔ ɔni na ɔdubo butaanyi taatɔlɔ bekyuli ɔdubɔya na ɔdi lɛlɔ na ɔƒɔ lɛnyi geen. Ɔdubo bekyuli pii bɔdu kɔnakunwi na ukpoku Katɔti kayawi ƒui lɛlɔ ɔdine utulone ƒui. Nsu Katɔti ɔdubo-nwu lɛlɔ bɔdi na ususu-nwu ɔbla kpɛtɛ kpɛtɛ.

Lɛkpa Ulu 8:14

bɛnu kaduɛ na bilatalaku lɛlɔ katɔ na bɛyiƒala bina Unwoti Katɔti ɔni nébedie-mii na Egyipteƒuɔ kalɔ lɛlɔ kesii kani na bénye-mii lɛlɔ na bɛɛbla bana kabla.

Timoteo 1 3:6

Útalɛka ɔbla ɔƒɔtaadine ɔwɔdi kalɛ na ulatalaku lɛlɔ katɔ, na ɔkɛnku lɛlɔ bɔtina bɔmmɔ ɔsu na webuli, na Katɔti wani-nwu kɔtu aani kalɛ na ɔ́ni ukisine ɔmmɔ kɔtu.

Petro 1 5:5

Lɛni kani na ɔlɛka amii bani ndi baƒɔtaadine bawɔdi lɛnɔ biboku lɛlɔ kalɔ bite baƒɔtaadine benengu bammɔ. Na bina ƒui bɛda lɛlɔ na biboku lɛlɔ kalɔ na biteebunku lɛlɔ. Ɔsika Bunweni Kedee Ɔku ɔɔsu ɔnini, “Katɔti uléte bekyuli bani mɔɔtalaku lɛlɔ katɔ kuƒi. Mmomu uubunku bani muuboku lɛlɔ kalɔ.”