Daniel 10:9 - Katɔti Ɔku Kedee

⁹ Na uwi ɔni na línu-nwu lɛdi bɔku ni, líbuli na líti anumi ńtébi kalɔ, na líduo lɛlɛɛ kemmo lísie ɔgyu kɔnakunwi.

Daniel 10:9 ပူးပေါင်းရင်းမြစ်များ

Ala Kalɔ Buse 15:12

Ka ɔƒɛ úsela bɔnu ni, Abram úduo lɛlɛɛ kemmo úsie ɔgyu. Na kadi kábla suu na liƒu lɛ́da-nwu geen.

Ala Kalɔ Buse 2:21

Ɔmɛni ɔsu ni, Unwoti Katɔti ɔ́ya na Adam úduo lɛlɛɛ kemmo úsie ɔgyu geen. Na uwi ɔni na ɔtɛ ɔlɛɛ mmɔ ni, Katɔti údie-nwu ɔƒɛnyi likubi linwi na úti ɔlɔna útile likpo lɛmmɔ.

Hiob 33:15

Usien uwi ɔni na ukyuli ɔtɛ ɔlɛɛ momoomo na úusie ɔgyu ni, ɔɔyá na uugyé ana na uudie ayiala bonwu taatina-nwu.

Hiob 4:13

Uwi ɔni na nka lɛlɛɛ líiti-mi líselaku ɔgyu ƒui ni, kɔna kemmo liƒu ala bɔnu bɔmɛni bɔ́gyila-mi.

Lɛnu Ƒui Ɔnu 5:2

Ntɛ mɔɔlɛɛ, nsu mina kayi kenye kagyumana, na muugyé kɔna ka mina ɔyɔne úbo únye kayakun uubó-mi kɔnu taasu-mi ɔnini, “Mina kayi ku ɔyɔne, mina lɛmangbɛ ɔni na lɛla lɛdi lítebie-nwu lɛlɔ, lɛmi kayakun te-mi! Amii ani náyu usien umodi ɔmmɔ áƒɔ-mi lili.”

Daniel 10:16

Ɔmmɔ kama údie lɛlɔ nwaa aani ukyuli ɔyawine na útuku-mi enyekuli. Mmɔ na lɛ́su-nwu nnini, “Ati, ƒula ala budie taatina bɔmɛni bɔ́ya na muunú ɔlɛ geen, na mina kayi kemmo na ɔyikun biala ɔsɔ uuubo-mi lɛlɔ kemmo lɛnɔ.

Daniel 8:18

Uwi ɔni na ɔdaku bɔtɛmi ni, lɛ́yu lɛ́tɛ líbi anumi kalɔ, na líduo lɛlɛɛ kemmo lísie ɔgyu geen. Nsu Katɔti ɔtu Gabriel ɔmɛni ɔ́da-mi ɔ́tala unyene mina lɛgba lɛlɔ.

Habakuk 3:16

Ka lɛ́nu kɔyu kemmo ala budie taatina bɔmɛni ɔ́siku Unwoti linyesia lɛmɛni lɛlɔ ni, liƒu lɛni náda-mi ɔ́ya na lɛ́bla kpɛtɛ kpɛtɛ na mina enyekuli kani mɔɔtɔ́ kpakpaakpa. Na ɔ́bla-mi aani bɔyɛɛlɛ na mina ekubi ada na mina lɛlɔ kemmo, na ɔɔbla-mi gbanta gbanta. Nsu ndubɔkɛ kayi na linye kpoo ntaanu ulu teete limeyi lɛni na Unwoti ɔdubɔkyula bekisine bekpidi bamɛni.

Luka 22:45

Ka Yesu ɔ́ta na kesii kani na ɔɔkpali katɔ mmɔ ni, únwini úsie batɛyane bammɔ kudɔ. Na útánu ka batɛ baalɛɛ na kɔnyana kɔni néƒie-ma ɔsu.

Luka 9:32

Petro ku nwuna bakpana béduo lɛlɛɛ kemmo geen, nsu bágyinya bábanu lɛlɔyɔ bukeye bɔni kemmo na Yesu ɔkya ku nkyuli inyɔ bani nnye-nwu kudɔ.

Budie Taatina 1:17

Ka lɛ́nu-nwu ni, líbuli ńtáyu kalɔ aani ukpine na nwuna anumi. Nsu ukyuli ɔmɛni úti nwuna kɔdianu ɔ́sia-mi lɛlɔ na ɔ́su-mi ɔnini, “Sɔ tayia! Ami ndi Udeedi ku Ukplodi.