Daniel 10:8 - Katɔti Ɔku Kedee

⁸ Na ami lɛti kani nánu budie taatina bɔmɛni. Na lɛ́bla kpɛtɛ kpɛtɛ, na mina anumi ábla ƒuƒuu.

Daniel 10:8 ပူးပေါင်းရင်းမြစ်များ

Ala Kalɔ Buse 32:31

Uwi ɔni na ɔkɛ Paniel mmɔ ni, kadi káata, na ɔkɛ ɔɔtu ɔgba taakya ka nwuna kasɔma likubi líkpeli ɔsu.

Israelƒuɔ Bɔlɛ 3:3

Amu na Mose úye lɛlɔ ɔnii, “Bi akɔla adi mɛni? Bi ɔsu na ogya ɔɔda lɛƒoƒo lɛmɛni kemmo, nsu lɛla biala lilakywi? Ndubusie ntánu.”

Daniel 10:16

Ɔmmɔ kama údie lɛlɔ nwaa aani ukyuli ɔyawine na útuku-mi enyekuli. Mmɔ na lɛ́su-nwu nnini, “Ati, ƒula ala budie taatina bɔmɛni bɔ́ya na muunú ɔlɛ geen, na mina kayi kemmo na ɔyikun biala ɔsɔ uuubo-mi lɛlɔ kemmo lɛnɔ.

Daniel 10:17

Ƒula kabla ɔblane kani na ndi na dɛ na ndubɔkana na lɛtɛmiku ukyuli ɔni na ubo ɔyikun ɔmɛni udu ka ubo-mi ɔkplu geen muedi asa na mɔɔkana bɔnwuna?”

Daniel 7:28

Ala ani na lɛ́nu na línu lɛnɔ kawɔlɔkɔ mɛni. Na ɔ́bla-mi dɛye dɛye ku liƒu, na ɔkya-mi kasusu kemmo kpoo.

Daniel 8:27

Amu na ala amɛni ƒui kama ni, lɛlɔ líse lítu-mi geen na lɛ́bla kpɛtɛ kpɛtɛ ɔni na bɔtɛ kani na mɔɔtɛ na ńsɔ ńtakana mina ɔga ɔmmɔ kabla kadi bɔta bɔbla uwi gyɔlɔɔ ɔdi kemmo. Na ala ani na lɛ́nu mmɔ ékpoku-mi geen, nsu eeebo-mi kalɔ bunu bɔdi nwaa lɛni.

Daniel 8:7

Ketukpa kammɔ kakɛ-nwu ku kɔnyi geen na ɔni na kátu kásiaku koƒonu kɔmmɔ ni, káƒɛ koƒonu kɔmmɔ ese anyɔ ammɔ ƒui, na koƒonu kɔmmɔ ɔyikun ɔ́yuɛ na kɔsɔ kulakana lɛla lɛla bɔbla. Ketukpa kammɔ kátu-nwu lɛgba késusu-nwu kaduɛ na lɛla lɛdi lɛnɔ liiibo na ɔƒɔ ute koƒonu kɔmmɔ.

Habakuk 3:16

Ka lɛ́nu kɔyu kemmo ala budie taatina bɔmɛni ɔ́siku Unwoti linyesia lɛmɛni lɛlɔ ni, liƒu lɛni náda-mi ɔ́ya na lɛ́bla kpɛtɛ kpɛtɛ na mina enyekuli kani mɔɔtɔ́ kpakpaakpa. Na ɔ́bla-mi aani bɔyɛɛlɛ na mina ekubi ada na mina lɛlɔ kemmo, na ɔɔbla-mi gbanta gbanta. Nsu ndubɔkɛ kayi na linye kpoo ntaanu ulu teete limeyi lɛni na Unwoti ɔdubɔkyula bekisine bekpidi bamɛni.

Mateo 17:6

Uwi ɔni na batɛyane ɛtɛ bamɛni bénu lɛdi lɛmɛni ni, liƒu lɛ́da-ma geen na báyu bébi kalɔ.

Yohane 16:32

Uwi ɔdubo, na úudu lɛnɔ ɔni na bɛdubo bugyingya bɛtɔlɔ-mi kudɔ, na ɔdi biala uteesie nwuna kaduli na bɛda ami lɛti binyene. Nsu geen ni, ɔɔɔdi ami lɛti nnye. Ɔsika mina Ɔti unye-mi kudɔ.

Korintoƒuɔ 2 12:7

Nsu kalɛ na ulabla aani lɛlɔ na mɔɔtalaku katɔ na ala ebendi ani na lɛ́nu lɛlɔ ɔsu ni, Katɔti úte kuƒi na ɔ́ya na ɔlɛ ɔdi úbo-mi lɛlɔ. Satan ɔ́tala nwuna ɔtu ɔdi na ɔ́bla ɔmɛni ɔni na ɔɔyá na muunú ɔlɔna ɔlɛ ɔdi kalɛ na naaatalaku lɛlɔ katɔ.

Budie Taatina 1:17

Ka lɛ́nu-nwu ni, líbuli ńtáyu kalɔ aani ukpine na nwuna anumi. Nsu ukyuli ɔmɛni úti nwuna kɔdianu ɔ́sia-mi lɛlɔ na ɔ́su-mi ɔnini, “Sɔ tayia! Ami ndi Udeedi ku Ukplodi.