Daniel 10:6 - Katɔti Ɔku Kedee

⁶ Na nwuna ɔlɔna use aani lɛtabi lɛni náƒɔ kuye geen. Na nwuna anumi eekeye aani kalɛ na kayaa kaabwɛ ogya, na nwuna anumi ebi ese aani ogya ɔni mɔɔda na uudie linyemi. Na nwuna enu ku lɛgba lise aani abuala egyiedi ani na békuo-nya sɛɛn na eekeye. Na nwuna lɛdi lɛɛku aani kalɛ na bekyuli pii beete kudu.

Daniel 10:6 ပူးပေါင်းရင်းမြစ်များ

Israelƒuɔ Bɔlɛ 28:20

Na ɔgaala unedi kemmo ni, kya atabi ani baalɔ krisolit ku oniks ku yaspa. Na edie eƒi na sika ugyiedi asɛɛ ebi kemmo, na eti atabi ammɔ akya-nya kemmo unwi unwi, asa na aka amana lɛdiku lɛmmɔ lɛlɔ.

Lɛnu Ƒui Ɔnu 5:14

Na nwuna enu ese aani kugyii kɔgba kɔni na béti sika ugyiedi bákya-nwu bɔdia ku asɛɛ ani na áƒɔ kuye. Na nwuna ɔlɔgyii umodi use aani atu ɔtunkpɛ.

Esekiel 1:14

Na bebweyi bamɛni alati busie bɔɔbabla aani kalɛ na lɛgyakpabi liitulo taalɛ ogya kemmo.

Esekiel 1:16

Na use aani liseebi lɛni náƒɔ kuye geen na libo evete awɔdi bukeye na baalɔ-ni Krisolit. Na kɛɛkɛ ebi amɛni bubomo ku udu bɔdi unwi na kɛɛkɛ libi libliidi bamba lɛdi lɛnɔ lɛkya ɔdi biala ntɛ.

Esekiel 1:24

Si uwi ɔni na bebweyi bamɛni beeveyi ni, bana avwi aabla kɔku bonwu aani kalɛ na ɛpu ɔɔbla kɔku iye aani bekpone lisu bonwu lɛdi iye aani Unwoti Ɔyikune Ƒui muudie lɛdi. Na si uwi ɔni na bédi bénye na báda buveyi báya ni, na baƒɛ bana avwi bébi bana ɔlɔna lɛlɔ.

Esekiel 1:7

Bana lɛgba líne na línye ligeen, nsu bana kɔnitɔ kuse aani ɔmantɛ bakɔ lɛgbanvuo na liikeye aani abuala egyiedi.

Esekiel 10:9

Na lɛ́nu ebi ammɔ lɛnɔ ka ede bebweyi bammɔ. Na ebi amɛni eekeye aani sika atabi bamba ani baalɔ Krisolit.

Esekiel 40:3

Na mina ala bɔnu bɔmmɔ kemmo ni, Unwoti ɔ́ya na lɛ́ni líde suɛlɛ suɛlɛ geen na lɛ́nu ɔnana ɔdi na unye na uukeye aani lɛbuala ligyiedi lɛni na békuo na liikeye taatu anumi geen. Na unye ɔban kayakun kenwi kadi kenye na ɔda kadii ku ugyii ɔni na baakɔ́ku ala na kɔnu kɔni ku kɔni.

Esekiel 8:2

na lɛ́nu lɛla lɛdi aani ukyuli ɔyawine. Na ɔ́si nwuna kavobi mmɔ ɔ́yu ubo nwuna lɛgba kakɛ ni, use aani ogya. Na ɔ́si-nwu kavobi úti ɔ́kɔ úsie nwuna lili kakɛ use aani lɛbuala lɛni na békuo-ni kede kede na liikeye geen.

Mateo 17:2

Ɔƒɛni ka baanu ni, kavumana kadi kébo Yesu lɛlɔ. Nwuna anumi eekeye aani ɔƒɛ, na nwuna adala lɛnɔ eekeye na aatu anumi.

Mateo 28:3

Nwuna lɛlɔ liikeye aani ɔƒɛ na nwuna awu use ƒututuu.

Luka 9:29

Ka ɔdaku katɔ bɔkpali ni, nwuna anumi bɔnu bɔ́vumana na nwuna adala eekeye na aatu anumi.

Budie Taatina 10:1

Amu na lɛ́nu Katɔti ɔtu ɔyikune ɔbambadi ka ɔ́si katɔ ɔɔyu. Na ɔ́ka ɔ́mana-nwu aani kɔdi, na bukeye bɔ́ka bɔ́mana-nwu lili. Nwuna anumi eekeye aani ɔƒɛ kalɛ, na nwuna lɛgba lise aani akpa ani nnye kalɔ na aada aani ogya.

Budie Taatina 19:12

Nwuna anumi ese aani ogya na kɔgabwa pii kubi-nwu lili. Na bénweni lɛnyi lɛdi básia-nwu lɛlɔ lɛni na ukyuli ɔdi ɔɔɔgyi ntu anwu kani.

Budie Taatina 2:18

“Nweni ɔku te Tiatira baƒɔtaadine lɛkpa ɔtu anii, “Ami Yesu ndi Katɔti Ubidi. Na mina anumi aada aani ogya na mina lɛgba liikeye aani lɛbuala lɛni bákya ogya na lígyie. Ami mɔɔsu kenye kamɛni.

Budie Taatina 21:20

Ɔlɔndi baalɔ sardonik, na ɔkundi baalɔ sardis. Maatɛdi baalɔ krisolit, na maanedi baalɔ beril. Yaalenwidi baalɔ topas, na leevudi baalɔ krisopras. Leevu-unwidi baalɔ yiakint, na leevu-unyɔdi baalɔ ametist.