Daniel 10:3 - Katɔti Ɔku Kedee

³ Na ńtadi lɛla lɛbuni lɛdi iye lɛkun lɛna. Na ńtani ntɛ bɔdi lɛnɔ, na ńtawɛɛ nnɔmii bɔdi anumi iye lɛkya-mu lili lɛnɔ.

Daniel 10:3 ပူးပေါင်းရင်းမြစ်များ

Samuel 2 19:24

Na Meƒiboset ɔni na ɔdi Saul uwɔ lɛnɔ úsie útásiaku Ɔga Dawid. Na útada lɛlɔ kaduɛ munu munu. Ɔsika ɔ́si limeyi lɛni lɛlɔ na Ɔga Dawid ɔ́tɔlɔ Yerusalem úbedu ɔni na ɔ́sɔ únwini úbeduo buɛɛ mmɔ ni, útekulo nwuna kenyedɔ linwini iye ɔƒɔ nwuna lɛgba ku nwuna adala ani na ɔkya.

Hiob 33:20

Na ɔlɛ ɔmɛni udu ɔɔdu ukyuli teetédu ka uni adila muedi. Na lɛla lɛni mɔɔda-nwu kubiti geen ni, ɔsɔ ulayɔ-ni.

Daniel 10:12

Na Katɔti ɔtu ɔmmɔ ɔnini, “Daniel, tayia! Katɔti únu ƒula bɔkpali ɔ́si limeyi lideedi lɛni lɛlɔ na évele-nwu ka enu ala kalɔ, anwuɔsu na ɔ́tala-mi mɛni.

Daniel 11:8

Na ɔdubuti bana baƒiɔ bammɔ ƒui ɔtɔlɔku usienku Egyipte kalɔ lɛlɔ ku bana lɛkɛ lɛni náƒɔ-ma kuye geen aani sika ɔƒualadi ku ugyiedi. Nsu ɔdubo uwi bɔƒɔ geen asa na wasɔ wekpoku lɛga kadikɔ kamɛni. Na akwa adi kama ni,

Daniel 6:18

Na usien umodi ɔmmɔ ƒui ni, ɔga ɔmmɔ útakana bɔlɛɛ. Na útadi lɛla lɛdi lɛnɔ iye ute kuƒi na ukyuli ɔdi uduo-nwu kudɔ mmɔ ɔnii ɔɔkya-nwu ebiti adi na lɛlɔ lɛyɔ-nwu.

Amos 5:11

Na bɛɛnya bawabane taakya na bɛɛƒɔ́ eyi bonwu bonwu ku edula na bana kudɔ. Bɛ́tu lɛtɔ libendi bíte lɛlɔ, nsu bɛɛɛdubo-ni kemmo bulie. Na bíse adingyii mmo, nsu bɛɛɛdubo ntɛ bɔkɛ bɔsiku egyiibi ammɔ kemmo.

Nahum 2:9

Na bekisine bekpone bammɔ baava taasu banini, “Akɛla lidu lidu lɛ́ƒɔ ɔma ɔmmɔ kemmo tɛtɛɛtɛ. Bíyu nwuna sika ɔƒualadi bɛ́tɔlɔku, na bíƒie nwuna sika ugyiedi bɛƒɔ!

Mateo 6:17

Si biilie kɔka ni, bɛƒɔ anumi na bigyeli lili.

Luka 7:46

Awɔ étete-mi nnɔmii bɔdi anii nkya lili. Nsu anwu úti nnɔmii ƒɛƒɛɛ úwi-mi lɛgba ƒui.

Korintoƒuɔ 1 9:27

Lɛ́ya na lɛvu lɛma-mi kalɛ na mina ɔlɔna ɔkana na ɔƒɔ lɛbibo biala. Ɔsika si lɛ́kɔ litemi buni lɛmɛni lɛsa líte bekyuli bamba na búbasa bɔnii bɔɔkɔ́ku lɛlɔ ni, naaawia ka bada-mi bedie na lɛyuƒɔla lɛmmɔ kenye!