Daniel 10:16 - Katɔti Ɔku Kedee

¹⁶ Ɔmmɔ kama údie lɛlɔ nwaa aani ukyuli ɔyawine na útuku-mi enyekuli. Mmɔ na lɛ́su-nwu nnini, “Ati, ƒula ala budie taatina bɔmɛni bɔ́ya na muunú ɔlɛ geen, na mina kayi kemmo na ɔyikun biala ɔsɔ uuubo-mi lɛlɔ kemmo lɛnɔ.

Daniel 10:16 ပူးပေါင်းရင်းမြစ်များ

Israelƒuɔ Bɔlɛ 4:10

Amu na Mose ɔ́su Unwoti ɔnini, “O Unwoti, ɔ́si mina lɛnamu uwi úti úbedu ɔƒɛni ni, lɛɛɛgyi bɔtɛmi. Na úti úbedu uwi ɔni na aatɛmiku ami ƒula kabla ɔblane mɛni ni, mina bɔtɛmi bulábla nwaa. Na ndi ukyuli ɔni mɔɔwalɛ.”

Israelƒuɔ Bɔlɛ 4:13

Nsu Mose ɔ́su ɔnini, “O Unwoti, buvele nda-a, wia ukyuli bamba na atala-nwu.”

Etemila 1:18

Ɔsika kalɛ mɔɔnu ka mina lɛnunda líisie ɔgyu ni, lɛni kani na mina bɔnɔ lɛnɔ bɔɔkɔ́ katɔ. Na si ukyuli ɔnii ɔ́da anu ni, kɔnyana ku lɛbibo mɔɔkɔ́ katɔ teebu.

Yesaia 6:7

Na úti útuku-mi enyekuli na ɔ́su-mi ɔnini, “Nu, líti ogya lɛƒɛ lɛmɛni lítuku-ɔ enyekuli lɛlɔ. Na ɔƒɛni ni, Katɔti údie ekpidi ƒui na ƒula lɛlɔ.”

Yeremia 1:9

Amu na Unwoti údie nwuna kɔnu na útuku-mi kenye na ɔ́su ɔnini, “Líti etemila ani na adubo bɔsu mɔɔkya-a kenye.

Esekiel 1:26

Na ɔmmɔ kama lɛ́nu lɛla lɛdi aani lɛgaboku lɛni nse aani liseebi buni lɛni náƒɔ kuye na liikeye aani ɛpu ntu na baalɔ-ni Saƒira, na lɛ́nu aani si ukyuli na ɔdi nli-ni lɛlɔ.

Esekiel 3:27

Nsu uwi ɔdi ɔdubo ɔni na ndubɔtina-a lɛla lɛni na adubo bɔsu na adubo bɔkana na asɔ atɛmi na uwi ɔmmɔ lɛlɔ na asu bekyuli bammɔ mina litemi. Badi badubo bunu na badi lɛnɔ beni na belénu.”

Esekiel 33:22

Limeyi lɛni useyi uwi asa na ukyuli ɔmɛni ɔdububo-mi kudɔ ni, Unwoti ɔyikun ɔ́ƒɔ-mi lɛlɔ kemmo ƒui. Anwuɔsu asa na kadi keteegye uwi ɔni na ɔnana ɔmɛni úubo ɔkya ni, Unwoti ɔ́ya na lɛ́sɔ lɛ́kana na mɔɔtɛmi taasu nwuna ala.

Daniel 12:8

Línu lɛla lɛni na Katɔti ɔtu ɔmmɔ ɔ́su, nsu ńtenu-ni kalɔ. Anwuɔsu líye-nwu nnini, “Ati dɛ na ala ammɔ adubo bɔlɛ?”

Daniel 4:19

Amu na uwi klukui ɔdi kemmo ni, Daniel kasusu kéƒu-nwu na kayi lɛnɔ kákpulu-nwu na kasusu kani na ɔɔbla taasiku kɔna kɔmɛni lɛlɔ ɔsu. Nsu Ɔga ɔ́su-nwu ɔnini, “Beltesasar kasusu ketekpoku-ɔ, na kayi lɛnɔ katakpulu-ɔ na kɔna kɔmɛni ɔsu, iye lɛla lɛni na kuna kalɔ budie bɔdanku lɛlɔ.” Mmɔ na Daniel údie kenye ɔnini, “Ɔga Ɔbune, si nka ƒula bekisine lɛlɔ na égye kɔna kɔmɛni udu ni, nka kaƒɔ kadubɔyɔ-mi!

Daniel 7:15

Ala amɛni bɔnu bɔ́ya na liƒu lɛ́da ami Daniel geen, na nsɔ lɛɛɛgyi lɛla lɛni na mina kasusu kaatina-mi.

Daniel 7:28

Ala ani na lɛ́nu na línu lɛnɔ kawɔlɔkɔ mɛni. Na ɔ́bla-mi dɛye dɛye ku liƒu, na ɔkya-mi kasusu kemmo kpoo.

Daniel 8:15

Ami Daniel nnye muukpóku lɛlɔ ka linu ala bɔnu bɔmmɔ kalɔ asa na ukyuli ɔdi ɔ́da ɔ́lɛ-mi kamadɔ mmɔ.

Daniel 8:17

Amu na Gabriel ɔ́ni úde-mi na lɛ́yu líbi kalɔ ku bɔyia geen. Na ɔ́su-mi ɔnini, “Ukyuli ɔyawine adi, nsu ɔdi ka enu ala bɔnu bɔmɛni kalɔ ka adanku kayawi kawɔlɔkɔ kammɔ.”

Daniel 8:18

Uwi ɔni na ɔdaku bɔtɛmi ni, lɛ́yu lɛ́tɛ líbi anumi kalɔ, na líduo lɛlɛɛ kemmo lísie ɔgyu geen. Nsu Katɔti ɔtu Gabriel ɔmɛni ɔ́da-mi ɔ́tala unyene mina lɛgba lɛlɔ.

Daniel 8:27

Amu na ala amɛni ƒui kama ni, lɛlɔ líse lítu-mi geen na lɛ́bla kpɛtɛ kpɛtɛ ɔni na bɔtɛ kani na mɔɔtɛ na ńsɔ ńtakana mina ɔga ɔmmɔ kabla kadi bɔta bɔbla uwi gyɔlɔɔ ɔdi kemmo. Na ala ani na lɛ́nu mmɔ ékpoku-mi geen, nsu eeebo-mi kalɔ bunu bɔdi nwaa lɛni.

Daniel 9:21

asa na Katɔti ɔtu Gabriel ɔ́yu úbeduo uwi ɔni na baabla useyi uwi akpala mmɔ. Na anwu kani na lɛ́nu ḿbavi na mina kɔyu kemmo ala bɔnu kemmo mmɔ.

Luka 1:64

Mmɔ kani na Sakaria úse kalɔ ku butemi na uumwi Katɔti.

Luka 21:15

Ɔsika ndubuti kenye ogya etemila ku lɛnunda lite-mii kalɛ na bina bekisine badi balakana bunye bɔsiaku-mii iye batɛmi bedie-mii kudii.

Yohane 20:28

Ka Yesu ɔ́su-nwu lɛni ni, Toma údie kenye ɔnini, “Mina Ati ku Katɔti!”

Yosua 5:14

Na ukpone ɔmmɔ údie kenye ɔnini, “Lɛɛɛdi bana akɔ ɔdi. Mmomu Katɔti bekpone ɔtɔnkune ƒui na ndi. Na ɔƒɛni na líbo.” Amu ka Yosua únu lɛni ni, ɔ́yu ubi kalɔ kɔnakunwi na ɔ́su-nwu ɔnini, “Buvele, Ati, bi na aayɔ́ ka ami, ƒula kabla ɔblane, lɛbla lite-ɔ?”

Budie Taatina 1:13

Na ligyii lɛmmɔ akɔ ni, lɛla lɛdi linye aani ukyuli kalɛ. Na ɔkya awu gyɔlɔɔ ɔni néne útédu-nwu kanintɔ. Na sika ugyiedi kabuli káda kámana-nwu kayi.

Litemi Batɛne 13:8

Mmɔ na Manoa ɔkpali Katɔ úvele Unwoti ɔnini, “O Unwoti, ya na ƒula ɔtu ɔni na átala mmɔ ɔsɔ ubo na ubatina-bu ulu ɔni lɛlɔ bɔdubɔsia na bɔnyuɛ ubi ɔmmɔ si báwɔ-nwu.”

Litemi Batɛne 6:13

Amu na Gideon údie kenye ɔnini, “Ati, si Unwoti ulieku-bu ni, bi ɔsu na ala amɛni aalɛ́ku-bu lɛni? Wɛ na nwuna akɔla ala budie taatina akya? Ɔɔɔdi bɔsu na bati básu-bu banini, ‘Unwoti nédie-bu ɔ́lɛku Egyipteƒuɔ enu kemmo.’ Nsu ɔƒɛni amu údie-bu atu na ɔ́nyonu-bu ɔ́kya Midianƒuɔ enu kemmo.”

Litemi Batɛne 6:15

Amu na Gideon údie kenye ɔnini, “Unwoti, dɛ na ndubo bɔbla asa na makana Israelƒuɔ bukpo bɔƒɔ? Na Manase kɔdua bekyuli akɔ ni, abu nse kpɛtɛ kpɛtɛ ntulo ƒui, na ami lɛnɔ ndi ukplodi na mina ɔtɔ badi akɔ.”