Daniel 10:14 - Katɔti Ɔku Kedee

¹⁴ Na ɔƒaani ni, líbo mɛni kalɛ na lɛsɔ mbedie lɛla lɛni ndubo ƒula bekyuli bɔlɛku uwi ɔni ndubo kemmo lɛtina-a.”

Daniel 10:14 ပူးပေါင်းရင်းမြစ်များ

Ala Kalɔ Buse 49:1

Ɔmmɔ kama ni, Yakob ɔ́lɔ nwuna bebi ƒui ɔnini, “Bibasala na lɛsu-mii ala ani ndubo-mii bɔlɛku na emeyi ani nkpɛ kama adubo kemmo.

Yesaia 2:2

Na uwi ukplodi kemmo ni, kɔbi kɔni lɛlɔ na Katɔti kakpakɔ kenye ndubɔbla kɔbi kɔni náƒɔ kuye kutulo abi ƒui akɔ. Kɔdubɔkuku kɔvia abi ƒui eli, na kadi bekyuli ƒui badubukeli besie mmɔ.

Esekiel 38:16

Na adubo mina bekyuli bukpo aani liƒlukutu ku ɔƒɛƒɛɛ bonwu ɔni muutile kayaa. Na ndubo kuƒi bute na ekpo mina kadi bekyuli Israelƒuɔ kalɛ na kadi ƒui bekyuli na kalɔ lɛlɔ banu bati ka ami Unwoti nse kedee.’ ”

Daniel 10:1

Na Persiaƒuɔ Ɔga Kores lɛga bɔdi lɛkwa lɛtɛdi kemmo ni, Daniel ɔ́kɛ linyesia lɛdi ɔ́siku Katɔti kudɔ. Na bédie-ni kalɔ na kɔyu kemmo ala bɔnu kemmo béte-nwu. Na linyesia lɛmmɔ lɛdanku kekpo kekpidi kadi, na ɔdi litemi geen lɛnɔ.

Daniel 12:4

“Na ɔƒaani ni, Daniel, muubo-ɔ ɔda ka abɛla linyesia lɛni na ɔku ɔmɛni ɔdanku uti utédu uwi ɔmɛni kawɔlɔkɔ, ina ka bekyuli pii badubɔsia ulu biala lɛlɔ na kesi kesii banii baawia bati lɛla lɛni nkya ɔku ɔmmɔ kemmo.”

Daniel 12:9

Mmɔ na údie kenye ɔnini, “Daniel, sie anumi na enye ataabla ƒula kabla, ɔsika linyesia lɛmɛni kalɔ bunu bɔdubɔbla lɛbɛla uti utédu uwi ɔmmɔ kawɔlɔkɔ.

Daniel 2:28

Nsu Katɔti ɔni nli mɔɔdi ala ƒui lɛlɔ ɔ́siku katɔ kakaaka ɔdubɔkana na udie abɛla amɛni keyi. Na uwi ɔni na atɛ alɛɛ ni, ɔ́tina-a ala ani ndubo abalɛ uwi ɔni ndubo.

Daniel 8:16

Na lɛdi lɛdi lɛ́si Ulai Ketu kɔtu mmɔ aani ukyuli lɛdi na lɛ́su lɛnini, “Gabriel, bunku-nwu na edie ala bɔnu bɔmmɔ kalɔ atina-nwu.”

Daniel 8:26

“Lɛla lɛni na ánu ásiku lɛdigye ku useyi uwi lɛlɔ ni, sɔsɔ na ɔdi. Nsu ala ammɔ aaadubo buyile bɔlɛ, anwuɔsu tasɔku-nya tasu bekyuli.”

Daniel 9:22

Na údie ala kalɔ ɔ́su ɔnini, “Daniel, bubo na líbo mɛni mbebunku-ɔ na enu kɔyu kemmo ala ani na ánu mɛni kalɔ.

Hosea 3:5

Nsu kama ƒui ni, Israel ɔdubɔsɔ unwini usie nwuna Unwoti Katɔti ku nwuna Ɔga Dawid kudɔ. Badubusie Unwoti kudɔ ku bɔyia ku ɔbu. Na emeyi ekplodi ammɔ kemmo ni, badubɔnu nwuna lɛƒɔndia.

Mika 4:1

Na uwi ukplodi kemmo ni, kɔbi kɔni lɛlɔ na Katɔti kakpakɔ kenye ndubɔbla kɔbi kɔni náƒɔ kuye kutulo abi ƒui akɔ. Kɔdubɔkuku kɔvia abi ƒui eli na kadi bekyuli ƒui badubukeli besie mmɔ.

Habakuk 2:3

Na adubunu ala ammɔ na uwi ɔni na ami ɔlati lɛ́lɛ ugyii líse lɛlɔ, na ubo-nwu kemmo lɛnɔ lɛni kani. Na mɔɔsu-ɔ nnii ɔlɛka aƒɔ ala ani na masu-ɔ ka adubɔlɛ uwi ɔni mebo kemmo mmɔ adi. Na si ina uwi uutu muedi ni, awɔ nye taanu ulu ka adububo abálɛ lɛni kani.

Bumomo Bɔka 24:14

Amu na Bileam ɔ́su Balak ɔnini, “Ɔƒɛni lisela mina bekyuli kudɔ. Nsu asa na matɔlɔ ni, muubó-ɔ ɔda ɔmɛni na lɛsu-ɔ lɛla lɛni Israelƒuɔ badubo ƒula bekyuli bɔbla limeyi lɛdi.”

Lɛkpa Ulu 31:21

Na ndubɔya na ɔgbankpi lidu lidu libo-ma lɛlɔ na batu ɔnu ɔmɛni beti benyimene lɛlɔ kalɛ na báƒiɔ-mi. Ɔsika bana bawɔ muedi ƒui kani na bakya beeti balayiƒala-nwu. Ɔƒɛni ngyi-ma kasusu ƒui asa na ndubɔsu ka líiti-ma líselaku kalɔ kani na lɛ́su líse ka ndubute-ma lɛlɔ.”

Lɛkpa Ulu 31:29

Ngyi ka mina kekpima ni, bekyuli bamɛni badubo bekyuli bekpidi bunwini na badubo ala ani na lɛ́tina-ma mɛni buni. Na uwi ɔdi ɔdubo ɔni na badubo ɔgbankpi bɔsiaku, na uwi ɔdi ɔdubo ɔni na badubo Unwoti kɔnyi bɔkya na bataabla ala ani na úbo-ma ɔda ɔnii batabla.”

Lɛkpa Ulu 4:30

Na si bíduo bukpoku bɔdi kemmo na ala amɛni aalɛ́ku-mii ni, mmɔ na bɛdubunwini bisie Unwoti kudɔ na binu nwuna litemi.

Timoteo 2 3:1

Se ɔmɛni likpo ka ni, na emeyi ekplodi kemmo ni, likyulikpi lɛdubɔya na keliela kayu ɔkplu.

Hebriƒuɔ 2:3

dɛ na bɛɛkali bɛnii bɔdubɔkana na bukeli kɔtu bɔni bɔni nse nte-bu si búni ngba bɔƒɔ bonwu bɔmɛni? Bɔƒɔ bɔmɛni lɛsa na Blɔti ɔ́ka bɔkɔ bute-bu. Na bekyuli bani ƒui nénu lɛsa lɛmɛni ni, básia kama na bédie-ni básu-bu nwaa.