Daniel 10:1 - Katɔti Ɔku Kedee

¹ Na Persiaƒuɔ Ɔga Kores lɛga bɔdi lɛkwa lɛtɛdi kemmo ni, Daniel ɔ́kɛ linyesia lɛdi ɔ́siku Katɔti kudɔ. Na bédie-ni kalɔ na kɔyu kemmo ala bɔnu kemmo béte-nwu. Na linyesia lɛmmɔ lɛdanku kekpo kekpidi kadi, na ɔdi litemi geen lɛnɔ.

Daniel 10:1 ပူးပေါင်းရင်းမြစ်များ

Ala Kalɔ Buse 41:32

Na lɛla lɛni ɔsu na Unwoti Katɔti údie ɔmɛni ɔ́tina Ƒarao na kɔna kemmo kunyɔ kunyɔ ndi ka Unwoti ɔ́ɔlɛ ugyii geen ka ɔdubo lɛla lɛmɛni bɔbla. Na ɔdubo-ni kalɔ buse lɛnɔ uwi klukwii kemmo.

Ala Alɛdi 2 36:22

Ɔmɛni kama na Persia kalɔ Ɔga Kores lɛga bɔdi lɛkwa lideedi kemmo ni, Unwoti úti ɔ́sia-nwu kayi ka ute bɔti bɔdi na nwuna kalɛkɛ lɛlɔ ƒui kalɛ na Yeremia kenye kani na ɔ́su kebo-nwu kemmo na ɔ́ya na bénweni lɛla lɛmɛni bése.

Esra 3:7

Ɔmmɔ kama béti egulabi adi béte lɛtɔ batune ku banwine badi. Na béti adila ku ntu ku nnɔ ka beti besienku Sidonƒuɔ ku Tiroƒuɔ kalɛ na beti sida kugyiikɛ basia ɛpu lɛlɔ basiku Lebanon beboku Yopa. Na Persiaƒuɔ Ɔga Kores úte kuƒi kɔmɛni.

Esra 4:3

Amu na Serubabel ku Yesua ku Israel lɛtɔ benengu bammɔ bédie kenye banini, “Biiibo kuƒi ka bibebunku-bu na ɔtɔ ɔni bɔɔtu bute bula Katɔti kemmo. Abu kani bɔdu bɔkana na bɔtu ɔtɔ ɔmmɔ bute Unwoti ɔni ndi Israelƒuɔ Katɔti aani kalɛ na Persiaƒuɔ Ɔga Kores úbo-bu ɔda.”

Esra 4:5

Na báwia egulabi béte bekyuli badi kalɛ benye betile kabla kammɔ. Na bétile-ma ulu lɛni laa ɔ́si Persiaƒuɔ Ɔga Kores lɛga bɔdi uwi útédu Ɔga Dario uwi.

Esra 6:14

Anwuɔsu Yudaƒuɔ benengu bésie anumi ku bana bɔtu kabla kammɔ na bálɛ lili geen ɔkɛnku kenye udiene Hagai ku Sakaria ɔni ndi Ido kaba kemmo ubi etemila kenye budie teete-ma ɔsu. Na báwɔlɔ kakpakɔ kammɔ bɔtu aani kalɛ na Israel Katɔti ɔ́tina ku Ɔga Kores ku Dario ku Artasasta bani ndi Persiaƒuɔ baga ɔda ɔni na bébo-ma ɔsu.

Esra 6:3

“Na Ɔga Kores lɛga bɔdi lɛkwa lideedi kemmo ni, úbo ɔda ka basɔku Yerusalem kakpakɔ batu aani kesii kani na bataabla akpala. “Na kakpakɔ kammɔ bɔkuku bɔdi lɛgba bɔka liti ku aavlene na nwuna bɔbɛbɛ lɛnɔ bɔbla lɛni kani.

Yesaia 44:28

Ami násu nnii, ‘Kores ndubɔtɔnku mina bekyuli aani baƒonu ɔdane kalɛ na babla lɛla lɛni mɔɔyɔ́-mi kaƒɔ. Na badubɔsɔku Yerusalem ku kakpakɔ kammɔ batu.’ ”

Daniel 1:17

Katɔti ɔ́ya na bakloƒu ine bamɛni báda anu na bebo ababla sɔsɔ. Báka lɛku pii na bénwini bakutine geen. Na Daniel anwu ɔɔkana na uudie ana kalɔ muedi ku kɔyu kemmo ala bɔnu taati ku ana kalɔ budie.

Daniel 1:21

Na Daniel ɔ́bla kabla na mmɔ úti útédu Ɔga Kores lɛga bɔdi uwi lɛkwa lideedi kemmo.

Daniel 1:7

Na unengu ɔmmɔ ɔ́sia-ma Babilonƒuɔ anyi. Na Daniel únwini Beltesasar, na Hanania únwini Sadrak, na Misael únwini Mesak, na Asaria únwini Abednego.

Daniel 10:14

Na ɔƒaani ni, líbo mɛni kalɛ na lɛsɔ mbedie lɛla lɛni ndubo ƒula bekyuli bɔlɛku uwi ɔni ndubo kemmo lɛtina-a.”

Daniel 11:2

“Lɛla lɛni na ndubo-ɔ bɔsu mɛni lɛdi lɛla lɛni nsia ulu lɛdubo, na lɛdubo bɔlɛ na lɛla lɛdi liletile-ni kuƒi. Baga ine badi badubo lɛga bɔdi na Persia kalɔ lɛlɔ atɔ asia, nsu unedi ɔdubo lɛkɛ bɔkɛ butulo bani ntɔ-nwu ƒui. Na geen ni, na nwuna lɛkɛ ɔsu ɔdubo ɔyikun bɔkɛ geen, na ɔya na bekyuli ƒui bata benye Grikiƒuɔ lɛga kadikɔ lɛlɔ.

Daniel 12:4

“Na ɔƒaani ni, Daniel, muubo-ɔ ɔda ka abɛla linyesia lɛni na ɔku ɔmɛni ɔdanku uti utédu uwi ɔmɛni kawɔlɔkɔ, ina ka bekyuli pii badubɔsia ulu biala lɛlɔ na kesi kesii banii baawia bati lɛla lɛni nkya ɔku ɔmmɔ kemmo.”

Daniel 12:9

Mmɔ na údie kenye ɔnini, “Daniel, sie anumi na enye ataabla ƒula kabla, ɔsika linyesia lɛmɛni kalɔ bunu bɔdubɔbla lɛbɛla uti utédu uwi ɔmmɔ kawɔlɔkɔ.

Daniel 2:21

Awɔ mɔɔdi bayawine ablala ƒui lɛlɔ na eete lɛlɔ badine ɔyikun na aasɔ taaƒɔ-nwu bana kudɔ. Na awɔ ndi lɛnunda ku lɛlati biala kasikɔ.

Daniel 4:8

Kawɔlɔkɔ ni, okloƒu ɔdi na baalɔ banii Daniel ɔni na lɛ́sia mina baƒiɔ lɛnyi nnii Beltesasar úbo úbeduo na lɛ́sɔku kɔna kɔmɛni lɛ́su-nwu. Na baƒiɔ bayikune bani nse kedee ɔyikun ɔsiaku-nwu.

Daniel 5:12

Na ɔ́vumana-nwu lɛnyi lɛnɔ ɔ́sia ɔnii Beltesasar. Na ɔɔɔdi anu kani na ɔ́da na ɔgyi lɛla, mmomu ɔɔkana na uudie ana ku agyolo lɛnɔ kalɔ, na lɛla biala na libo ɔkplu dɛ ni, ɔɔkɛ́-ni kakwɛ. Anwuɔsu tala na batálɔ Daniel beboku na ɔdubudie ala bunweni bɔmmɔ kalɔ.”

Daniel 5:17

Amu na Daniel údie kenye ɔnini, “Ɔga Ɔbune, ndubɔka ala ani na bénweni básia mmɔ na lidie-nya kalɔ lɛnɔ, nsu ƒula etela ni, eteese-ɔ iye ti-nya te ukyuli bamba ɔni na aayɔ́.

Daniel 6:28

Lɛla biala lɛ́tɛ siin líte Daniel uwi ɔni na Ɔga Dario ɔɔdi lɛga ku uwi ɔni na Persia Ɔga Kores útaadi Persia lɛlɔ.

Daniel 8:16

Na lɛdi lɛdi lɛ́si Ulai Ketu kɔtu mmɔ aani ukyuli lɛdi na lɛ́su lɛnini, “Gabriel, bunku-nwu na edie ala bɔnu bɔmmɔ kalɔ atina-nwu.”

Daniel 8:26

“Lɛla lɛni na ánu ásiku lɛdigye ku useyi uwi lɛlɔ ni, sɔsɔ na ɔdi. Nsu ala ammɔ aaadubo buyile bɔlɛ, anwuɔsu tasɔku-nya tasu bekyuli.”

Luka 1:20

Nsu átaƒɔ-mi kenye kamɛni átadi. Ina ka átaƒɔ-ka átadi ni, kadubo bɔlɛ na uwi ɔni na Katɔti úse-ka úse lɛlɔ. Na ɔmɛni ɔsu adububo limu wetédu limeyi lɛni na kenye kamɛni kébo kéte lɛni sɔsɔ.”

Budie Taatina 19:9

Mmɔ na Katɔti ɔtu ɔmmɔ ɔ́su-mi ɔnini, “Nweni ala amɛni. Lɛlɔ lɛdubɔyɔ ama bani na badubɔlɔ beboku uleku ketikɔ adila kadikɔ.” Na ɔ́sɔ ɔ́su-mi ɔnini, “Etemila amɛni adi Katɔti ɔlati etemila geen.”