Daniel 1:2 - Katɔti Ɔku Kedee

² Unwoti ɔ́ya na ɔ́di lɛlɔ na úƒie Yehoiakim ɔ́tɔlɔku, na úti ala adi bene ani beeti taabla kabla na Katɔti kakpakɔ lɛnɔ ɔ́tɔlɔku. Na uwi ɔni na Babilon ɔga ɔmmɔ ɔ́sɔ únwini úsie Babilon ni, úti ala ammɔ útése ɔtɔ na nwuna baƒiɔ kakpakɔ.

Daniel 1:2 ပူးပေါင်းရင်းမြစ်များ

Ala Kalɔ Buse 10:10

Na lɛma lideedi lɛni kemmo na úse nwuna lɛga kadikɔ úse ndi Babel ku Erek ku Akad ku Kalne na kalɛkɛ kani baalɔ banii Sinear kemmo.

Ala Kalɔ Buse 11:2

Na ka bekyuli bammɔ beelie taata na béti bésela ɔƒɛ katukɔ kakɛ ni, bébedu kalɔ ƒiaa kadi lɛlɔ. Mmɔ na básɔ bátu bana keliekɔ na kesii kani baalɔ banii Sinear na bélie mmɔ.

Baga 2 24:1

Uwi ɔni na Yehoiakim ɔɔdi lɛga ni, Ɔga Nebukadnesar ɔni nási Babilon útáka Yuda ɔ́kya. Na únye Ɔga Yehoiakim lɛlɔ akwa atɛ sɔɔn na ɔɔƒɔ lɛlɔ bɔdi kayu teete-nwu. Na akwa atɛ amɛni kama ni, Ɔga Yehoiakim ɔ́ta únye ɔda bubo bɔmmɔ lɛlɔ.

Ala Alɛdi 2 36:5

Akwa aavlanyɔ-alɔ na Yehoiakim ɔ́ƒɔ asa na báƒuna-nwu ka ɔdi lɛga. Na úlie Yerusalem mmɔ ɔ́di lɛga akwa leevu-unwi. Yehoiakim útadi Unwoti nwuna Katɔti litemi lɛlɔ mmomu ɔ́bla atu ɔkplu na ɔ́bla ala ekpidi.

Ala Alɛdi 2 36:7

Nebukadnesar úti ala abuni bamba ani na áƒɔ kuye geen lɛnɔ na kakpakɔ kammɔ kemmo ɔ́tɔlɔku útése nwuna ɔga kesii na Babilon.

Esra 1:7

Na Ɔga Kores ɔ́sɔku akyami ku lɛɛƒɛɛ lɛni na Ɔga Nebukadnesar úti ɔ́tɔlɔku Yerusalem kakpakɔ mmɔ, na úti-nya útése nwuna baƒiɔ kakpakɔ ɔtɔ mmɔ úte-ma.

Yesaia 11:11

Ɔƒɛni na limeyi lɛni na Unwoti ɔlati úse úse lɛlɔ ni, ɔdubɔsɔ ɔkɔliku aƒlaga katɔ ute-ma na ɔsɔku nwuna kadi nkyuli ɛlɛɛ bani mebu ubasala ɔsiku Asiria ku Egyipte ku Patros ku Elam lɛnɔ.

Yesaia 42:24

Israelƒuɔ bábla likpidi na béni banii belenu Unwoti litemi iye basiaku nwuna ala bɔtina kama. Ɔmmɔ ɔsu na Unwoti ɔ́ya na béƒie-ma ala ƒui báƒɔ.

Yeremia 25:1

Na lɛkwa linedi kemmo uwi ɔni na Ɔga Yehoiakim ɔɔdi lɛga na Yuda kalɔ lɛlɔ ni, Ɔga Nebukadnesar lɛnɔ úse kalɔ ɔɔdi lɛga lɛkwa lideedi na Babilon kalɔ lɛlɔ. Na uwi ɔmmɔ kemmo na Unwoti ɔ́su-mi ɔnii nkɔ lɛsa nte Yuda kadi bekyuli ku Yerusalemƒuɔ. Anwuɔsu lɛ́su-ma nnini,

Yeremia 27:16

Uwi ɔni na lɛ́wɔlɔ ɔga ɔmmɔ bɔtɛmiku ni, lɛ́tɔlɔ mmɔ lísie bakpane bammɔ lɛnɔ kudɔ na ńtásu-ma ka Unwoti ɔnini, “Bitenu kenye bediene bammɔ ala ani kenye na beedie taasu-mii banii uwi ɔsɔ uletu asa na Babilonƒuɔ badubo ala ani na béti bátɔlɔku mina kakpakɔ mmɔ bɔnyonu bute-mii. Ɔkɔ na baanyi!

Yeremia 28:3

Na lɛya na basɔku ala ani na béti básiku Yerusalem bátɔlɔku bésienku Babilon kalɔ lɛlɔ beboku na akwa anyɔ kemmo.

Yeremia 35:11

Na uwi ɔmɛni kemmo kani na úbebo úte ka bulie Yerusalem, ɔsika Ɔga Nebukadnesar ku nwuna bekpone béƒie aku kalɔ kani náka kámana ƒui báƒɔ.”

Yeremia 50:2

Lɛ kati bute aƒlaga na ava momoomo kalɛ na kadi bekyuli ƒui benu anini, ‘Badubo Babilon buƒie enu enu! Na kɔƒa kɔdubo bana Marduk baƒiɔ bammɔ bukpo na liƒu liƒie-nwu geen na bebo ala ani na bávɔ béte-nwu bɔbwɛ buwi kalɔ ƒui.

Yeremia 51:44

Na ndubo Babilonƒuɔ baƒiɔ bani baalɔ Marduk kɔtu bɔni geen na lɛya na ɔdala lɛla biala na ɔ́ƒɔ úbweli. Na kadi bekyuli badi basɔ beleboku-nwu etela adi. Na Babilon awodu adubo bɔƒɛ búwi kalɔ.

Daniel 5:13

Amu ka bátákpanku Daniel béboku ni, ɔga ɔmmɔ ɔ́su ɔnini, “Básu-mi ka awɔ ndi Daniel ɔni nkya bekyuli beƒiedi bani na mina ɔti ɔ́kpanku ɔ́siku Yuda kalɔ lɛlɔ úboku mɛni akɔ!

Daniel 5:18

“Ati, Katɔti Ɔni Ntulo Ƒui ɔ́bla na ƒ'ɔti únwini ɔyikune geen na ɔ́ƒɔ lɛnyi na ɔ́ya na bekyuli baabu-nwu na uukeye lɛnɔ.

Habakuk 1:16

Na beesié taatákpa ala na baanwá teete bana lɛsawu ku lɛdaliwa lɛmmɔ bɔdi ka bákɛ lɛla lɛni na baawia ɔsu.

Sakaria 5:11

Amu na ɔ́su-mi ɔnini, “Babilon. Mmɔ na bésela batátu ɔtɔ ɔdi bete-ka na beti-ka bese mmɔ.”

Lɛkpa Ulu 32:30

Bi mɔɔlɛ́ ɔsu na ukpone ukisine unwi pɛ ɔ́bi ɔ́siaku Israelƒuɔ bekpone apim? Na bekisine bekpone inyɔ bábi básiaku Israelƒuɔ bekpone mpim leevu?

Litemi Batɛne 2:14

Na ɔkɛnku kɔnyi kati kati kɔni na Unwoti úti ɔ́kya Israelƒuɔ ɔsu ni, ɔ́nyonu-ma ɔ́kya bana bekisine enu kemmo na bébekpoku-ma na béti bana ala. Na ɔ́ya na bana bekisine bani nkya amadɔ mmɔ ƒui békpo bádi-ma lɛlɔ, na basɔ balakana na babla lɛla lɛdi.

Litemi Batɛne 3:8

Ɔ́si kalɛ na Unwoti úti kɔnyi kati kati ɔ́kya Israelƒuɔ ɔsu ni, Unwoti ɔ́nyonu-ma ɔ́kya Ɔga Kusan Risataim enu kemmo. Na Israelƒuɔ bénwini kabla bablane béte nwuna bekyuli na Naharaim Aram kalɛkɛ lɛlɔ akwa maane.

Litemi Batɛne 4:2

Anwuɔsu Unwoti ɔ́nyonu-ma ɔ́kya Kanaanƒuɔ Ɔga Yabin ɔni mɔɔdi lɛga na Hasor enu kemmo. Na Yabin bekpone ɔtɔnkune baalɔ banii Sisera na úlie Haroset-Hagoyim.

Samuel 1 5:2

Na ka béti-nwu béboku mmɔ ni, béti-nwu bétése bana baƒiɔ ɔtɔ na badi baƒiɔ benengudi bani na baakpá na baalɔ-ma Dagon. Béti Bunyimi Adaka ɔmmɔ bényene Dagon baƒiɔ bani na bávɔ bényene mmɔ kɔmadɔ.