Daniel 1:19 - Katɔti Ɔku Kedee

¹⁹ Na ɔga ɔmmɔ úye-ma kenye kemmo etemila únu, na ɔ́nu ɔ́ti ka ɔdi uuubo kenye ogya aani Daniel ku Hanania ku Misael ku Asaria. Anwuɔsu béte-ma kabla na ɔga litemi katɛkɔ.

Daniel 1:19 ပူးပေါင်းရင်းမြစ်များ

Ala Kalɔ Buse 41:46

Na uwi ɔmmɔ kemmo ni, Yoseƒ ɔ́ɔƒɔ akwa avlaatɛ asa na úbenye Ƒarao anumi na kabla kamɛni kéduo-nwu lɛkɔkɔ. Ɔmmɔ ɔsu na ɔ́tɔlɔ Ƒarao unengudi ɔmmɔ kudɔ na úsie ɔɔví kalɔ kammɔ ƒui lɛlɔ.

Baga 1 17:1

Amu na kenye udiene ɔni baalɔ Elia na ɔ́si Tisbi na Gilead kalɛkɛ kemmo úsie útásu Ɔga Ahab ɔnini, “Mɔɔsu-ɔ na Unwoti Israel Katɔti ɔni kabla na mɔɔbla na uli ngba lɛnyi kemmo ka ni, na akwa alɛɛ adi kemmo ni, amii iye ɔnantu ɔsɔ ulana ulewi kalɔ si ɔɔɔdi ami násɔ lɛ́su nnii ɔna.”

Agba 22:29

Bekyuli bani na ánu ka bebo kogyoklo geen ni, baga kabla na baabla na ɔɔɔdi bekyuli keeke.

Yeremia 15:19

Mmɔ na Unwoti ɔ́su-mi ɔnini, “Da bɔtɛmi aani ɔdɔlɔdi lɛni ya! Si ƒula kasusu kénwini kébo-mi kudɔ na ákɔ mina litemi lɛsa ni, ndubɔya na asɔ ataabla mina kenye udiene kabla. Na mɔɔnu ulu ka Yudaƒuɔ baƒɔ kenye kani na aasu-ma. Nsu tabu anii baaadubo-ɔ butaayila na bataakya-a liƒu.

Daniel 1:18

Amu ka uwi údu ka ɔga kabla ɔblane unengu ɔmɛni ɔ́kpanku bakloƒu bammɔ ƒui úboku ɔga anumi ni, úti-ma útényene Ɔga Nebukadnesar anumi.

Daniel 1:4

Na ɔga ɔmmɔ ɔ́sɔ ɔ́su-nwu ɔnini, “Nu ka bekyuli bammɔ bebo ɔlɔkplu kaduɛ na baadia bɔnu, na báda anu na bebo ababla, na badi bakutine lɛnɔ na bámanku ka babla kabla na ɔga kesii. Na atina-ma kalɛ na baatɛmi bula lɛdi ku bunweni lɛnɔ.

Daniel 1:5

Na eteete-ma adila ku ntɛ bɔni kani na beete-mi. Na atumini-ma akwa atɛ kalɛ na bakana na benwini litemi katɛkɔ kabla bablane.”

Daniel 1:6

Amu na báƒuna Yudaƒuɔ bakloƒu badi bani ndi Daniel ku Hanania ku Misael ku Asaria. Na bana ƒui bási Yuda kɔdua kemmo.

Daniel 1:7

Na unengu ɔmmɔ ɔ́sia-ma Babilonƒuɔ anyi. Na Daniel únwini Beltesasar, na Hanania únwini Sadrak, na Misael únwini Mesak, na Asaria únwini Abednego.

Daniel 3:29

Na mɔɔsu geen ka lɛɛɛdubo kuƒi bute na bekyuli bani nási kadi ƒui akɔ ku adi ƒui batɛmine akɔ ɔdi ɔsu lɛla lɛdi iye ɔtɛmi uwi-ma. Si ɔdi ɔ́bla lɛni ni, ndubɔya na bekulo-nwu eku eku na babwɛ-nwu kaduli kɔkɛ kɔkɛ. Ɔsika baƒiɔ bayikune badi beeebo ɔyikun ɔni na baƒɔ ukyuli ɔdi ngba lɛni.”