Daniel 1:17 - Katɔti Ɔku Kedee

¹⁷ Katɔti ɔ́ya na bakloƒu ine bamɛni báda anu na bebo ababla sɔsɔ. Báka lɛku pii na bénwini bakutine geen. Na Daniel anwu ɔɔkana na uudie ana kalɔ muedi ku kɔyu kemmo ala bɔnu taati ku ana kalɔ budie.

Daniel 1:17 ပူးပေါင်းရင်းမြစ်များ

Baga 1 3:12

ndubɔbla lɛla lɛni na éye-mi lite-ɔ. Na ndubute-ɔ lɛnunda ku kayi kani na eti awia ala kemmo ati. Na ukyuli ɔdi útelie dii, na ukyuli ɔdi lɛnɔ ɔsɔ ulebo lɛnɔ na wedu ƒula kalɛ.

Baga 1 3:28

Uwi ɔni na Israelƒuɔ ƒui bénu kalɛ na ɔga ɔ́tɛ litemi lɛmmɔ ɔ́vinku ni, báyia ɔga ɔmmɔ. Ɔsika bánu báti ka Katɔti lɛnunda na úti ɔ́tɛ litemi lɛmmɔ.

Ala Alɛdi 2 1:10

na aya na lɛda anu. Na ete-mi lɛlati lɛni námanku-mi aani ɔga kalɛ na meti mada ƒula kadi bekyuli bonwu bamɛni.”

Ala Alɛdi 2 1:12

Anwuɔsu ndubɔya na ada anu geen na ati lɛla lɛnɔ. Na ɔmmɔ kama lɛnɔ ni, ndubɔya na enwini ɔlakɛne geen etulo baga bani ƒui néelie bábavi ku bani masia-a kama ƒui lɛnɔ.”

Ala Alɛdi 2 26:5

Sakaria ndi ukyuli ɔni nátina Usia ala na ɔ́tina-nwu kalɛ na unu Katɔti litemi na ɔdi-ni lɛlɔ lɛnɔ. Anwuɔsu uwi ɔni kemmo na Sakaria úlie ngba ƒui ni, Usia útaadi Katɔti litemi lɛlɔ kaduɛ na Katɔti lɛnɔ ɔ́ya na ala átɛku-nwu.

Hiob 32:8

Nsu ɔƒaani ni, lɛ́nu lɛ́ti ka lɛnunda ni, Katɔti muuti-ni teete ukyuli.

Agba 2:6

Ɔsika Unwoti muute lɛnunda! Na nwuna etemila aayá na ukyuli ɔɔtí lɛla na ɔɔdá anu.

Etemila 2:26

Ukyuli ɔni mɔɔbla Katɔti lɛƒɔyɔ ni, anwu na Katɔti ɔɔyá na ɔɔdá anu na uunú ala kalɔ na ɔɔyá na lɛlɔ lɛɛyɔ́ ukyuli ɔmmɔ. Nsu si bɔɔbla likpidi ni, bɔdubo lɛlɔ bususu geen bute bula lɛdila, nsu Katɔti ɔdubɔƒɔ bula akɛla ute ukyuli ɔni mɔɔbla-nwu lɛƒɔyɔ. Na nwuna kalɔ budie bɔbambadi bɔdi buuubo buuutulo ka ɔƒɛƒɛɛ kama bɔbi taasiaku kani na ɔdi.

Yesaia 28:26

Unwoti nátina umonsene ulu ɔbuni ɔni lɛlɔ na ɔkya edula.

Esekiel 28:3

Aabu ka áda anu etulo Daniel na agyi lɛla biala.

Daniel 1:18

Amu ka uwi údu ka ɔga kabla ɔblane unengu ɔmɛni ɔ́kpanku bakloƒu bammɔ ƒui úboku ɔga anumi ni, úti-ma útényene Ɔga Nebukadnesar anumi.

Daniel 1:20

Na ɔ́si uwi ɔmmɔ úsela ni, si ɔga ɔmmɔ ɔɔwia kasusu na lɛla lɛdi lɛlɔ ni, nwuna bevone ku kasusu betine ƒui ɔdi ɔsɔ uledu bakloƒu ine bamɛni ɔdi munu munu!

Daniel 1:4

Na ɔga ɔmmɔ ɔ́sɔ ɔ́su-nwu ɔnini, “Nu ka bekyuli bammɔ bebo ɔlɔkplu kaduɛ na baadia bɔnu, na báda anu na bebo ababla, na badi bakutine lɛnɔ na bámanku ka babla kabla na ɔga kesii. Na atina-ma kalɛ na baatɛmi bula lɛdi ku bunweni lɛnɔ.

Daniel 10:1

Na Persiaƒuɔ Ɔga Kores lɛga bɔdi lɛkwa lɛtɛdi kemmo ni, Daniel ɔ́kɛ linyesia lɛdi ɔ́siku Katɔti kudɔ. Na bédie-ni kalɔ na kɔyu kemmo ala bɔnu kemmo béte-nwu. Na linyesia lɛmmɔ lɛdanku kekpo kekpidi kadi, na ɔdi litemi geen lɛnɔ.

Daniel 2:19

Usien ɔmmɔ ni, Katɔti údie ɔga ɔmɛni kɔna kɔmmɔ ɔ́tina Daniel na kɔyu kemmo ala bɔnu kemmo ku kuna kalɔ budie. Anwuɔsu úmwi Katɔti ɔni nli mɔɔdi lɛlɔ ɔ́si katɔ kakaaka ƒui ɔ́su ɔnini,

Daniel 2:21

Awɔ mɔɔdi bayawine ablala ƒui lɛlɔ na eete lɛlɔ badine ɔyikun na aasɔ taaƒɔ-nwu bana kudɔ. Na awɔ ndi lɛnunda ku lɛlati biala kasikɔ.

Daniel 2:23

Awɔ ndi Katɔti ɔni na mina bati kukuuku bákpa. Ɔƒɛni ni, mɔɔgyá-a enu, na muumwi-ɔ. Ɔsika ábla-mi ɔnundane geen na ásu-mi kɔna kɔni na ɔga úgye ku kuna kalɔ budie.”

Daniel 2:30

Na mɔɔyɔ́ ka anu ati ka ɔɔɔdi ɔni na ami náda anu ntulo bekyuli bakladi ƒui ɔsu na údie ala amɛni ɔ́tina-mi. Mmomu ɔ́bla ɔmɛni kalɛ na enu ala ani na ánu kalɔ.

Daniel 4:6

Anwuɔsu lɛ́lɔ banundane bani nkya Babilon kalɔ lɛlɔ ƒui nnii bebo mina kesii na bebedie kɔna kɔmɛni kalɔ bete-mi.

Daniel 5:14

Muunú ka baƒiɔ béte-ɔ ɔyikun sɛsɛɛ ɔdi ɔni náya na áda anu na agyi lɛla geen.

Daniel 7:1

Daniel únweni ɔku ɔdi ɔnini, Uwi ɔni na Belsasar ɔɔdi lɛga na Babilon lɛkwa lideedi kemmo ni, lígye kɔna na lɛ́nu kɔyu kemmo ala budie taatina bɔdi na mina lɛlɛɛ kemmo usien ɔdi, na línweni líse. Lɛ́nu ka ɔƒɛƒɛɛ ɔni nási kayawi lɛƒɛnyi ine bɔmmɔ ƒui uukpó, na ɛpu bonwu ɔmmɔ ɔɔnwanɛ lɛlɔ geen.

Daniel 8:1

Uwi ɔni na Ɔga Belsasar ɔɔdi lɛga na Babilon kalɔ lɛlɔ lɛkwa lɛtɛdi kemmo ni,

Bumomo Bɔka 12:6

ɔ́su-ma ɔnini, “Binu etemila ani ndubo-mii bɔsu mɛni. “Si Unwoti kenye udiene ɔdi ɔkya-mii akɔ ni, muudie lɛlɔ taatina-nwu na kɔyu kemmo ala budie bɔtina kemmo iye kɔna kemmo na mɔɔtɛmiku-nwu.

Luka 21:15

Ɔsika ndubuti kenye ogya etemila ku lɛnunda lite-mii kalɛ na bina bekisine badi balakana bunye bɔsiaku-mii iye batɛmi bedie-mii kudii.

Batalane Kabla 6:10

Nsu bana akɔ ɔdi biala útakana-nwu kenye bunye ɔ́si nwuna lɛnunda ku litela lɛni na Katɔti Kɔyu kúte-nwu ɔsu.

Batalane Kabla 7:10

na únyeku-nwu na ɔ́da-nwu údie nwuna lɛbibo ku kɔnyana buwulo kemmo. Katɔti úte-nwu lɛnunda bonwu. Anwuɔsu Egyipte Ɔga Ƒarao ɔ́yɔ-nwu litemi na úti-nwu ɔ́bla Egyipte kalɔ ƒui lɛlɔ ɔnune ku nwuna kaduli ƒui ala lɛlɔ ɔnune lɛnɔ.

Batalane Kabla 7:22

Ɔ́da-nwu na ɔ́tina-nwu Egyipteƒuɔ ala bɔbla ku bana kɔkwɛ ƒui, na ɔ́lɛ lili úbabla ukyuli geen na butemi ku kabla lidu pii kemmo.

Koloseƒuɔ 1:9

Anwuɔsu ɔ́si uwi ɔni na búnu-mii kɔku ni, bútada Katɔti bɔkpali na bina lili bútaya. Na buuvele Katɔti bɔnii ubimi bina kasusu kemmo na ɔya na bɛti nwuna lɛyɔla. Na nwuna Kɔyu kute-mii lɛnunda ku ala kalɔ bunu kalɛ na bɛti ala ani na ɔɔyɔ́ ka bɛbla.

Yakobo 1:17

Ala abuni ani ƒui na bubo na bɔɔnu ka adia geen sɔsɔ ni, Katɔti kudɔ na aasí. Na ulávumana iye udie-bu atu aani ɔƒɛ ku kɔbuli kɔni nédie kuse na buduo lɛdisa kemmo.

Yakobo 1:5

Si bina akɔ ɔdi ɔɔyaki lɛnunda ni, ɔlɛka uvele Katɔti na ɔdubuti-ni ute-nwu, ɔsika Katɔti uuti-ni teete ukyuli biala ku kaƒɔ ƒaa.