Koloseƒuɔ 4:3 - Katɔti Ɔku Kedee

³ Na uwi biala kemmo na bɛɛkpali katɔ ni, bivele Katɔti na ɔlɛmi ulu ute-bu na bɔkana na bɔsu Kristo litemi buni lɛmmɔ abɛla. Ɔmɛni ɔsu na ntɛ aban ɔtɔ.

Koloseƒuɔ 4:3 ပူးပေါင်းရင်းမြစ်များ

Mateo 13:11

Yesu ɔ́su-ma ɔnini, “Amii na Katɔti údie Katɔ Ɔga Ɔma lɛnunda abɛla ɔ́tina, na ɔɔɔdi ama.

Batalane Kabla 14:27

Ka bánya bétéduo Antiokia ni, bálɔ baƒɔtaadine bani nkya mmɔ ƒui básala lisu na bédie bana ulu busie kemmo bátina-ma. Na básu-ma ala ani ƒui na Blɔti ɔ́kɛ-ma lɛlɔ ɔ́bla ku kalɛ na ɔ́lɛmi bɔƒɔtaadi ulu úte bani naaadi Yudaƒuɔ.

Romaƒuɔ 16:25

Na ɔƒaani ni, bɛya bumwi Katɔti. Anwu ndubɔkana na ɔda-mii na binye kpakplaa aani kalɛ na mɔɔsu na litemi buni lɛni kudu na muubó kemmo ɔkɛnku Yesu Kristo lɛlɔ. Litemi buni lɛmɛni nkɛnku ala abɛdi ani na Katɔti údie keyi na ábɛ-bu na akwa pii ani návi kemmo.

Korintoƒuɔ 1 16:9

Kuƒi kɔbuni kɔkya mɛni geen ute kabla kenengudi kani náƒɔ kuye geen, ina ka bekyuli bani mɔɔta teenye-mi lɛlɔ na kabla kani mɔɔbla na mɛni bemomo.

Korintoƒuɔ 1 4:1

Bitaanu-bu aani Kristo kabla bablane bani mɔɔnu Katɔti etemila geen ani na útedie keyi dii lɛlɔ.

Korintoƒuɔ 2 2:12

Uwi ɔni na líbo ḿbakɔ Kristo litemi buni lɛmmɔ lɛsa na Troia ni, Blɔti ɔ́lɛmi kuƒi ka lɛbla nwuna kabla na mmɔ.

Eƒesoƒuɔ 3:1

Ɔmɛni ɔsu ni, ami Paulo ɔni ntɛ aban ɔtɔ ka mɔɔbla Kristo Yesu kabla na bina lili ɔsu ni,

Eƒesoƒuɔ 3:3

Línweni ɔku klukui ɔdi límene-mii ɔ́siku kalɛ na Katɔti údie nwuna ala ani nábɛ ukyuli ɔ́tina-mi.

Eƒesoƒuɔ 3:4

Na si bɛ́ka-nwu ni, bɛdubɔnu kalɛ na muunú Kristo abɛla amɛni kalɔ.

Eƒesoƒuɔ 3:9

Na lɛya bekyuli bati kalɛ na Katɔti abɛla ammɔ ani na anwu ɔni nédie ala ƒui úti ɔ́bɛla bekyuli uwi ɔni návi kemmo adubo kabla bɔbla na bekyuli akɔ.

Eƒesoƒuɔ 4:1

Anwuɔsu ka mɔɔbla Blɔti kabla na ntɛ ɔtɔ na anwu ɔsu ni, mɔɔlɛ-mii nnii bilie ngba bɔni námanku bɔlɔ bɔni na Katɔti ɔ́lɔ-mii.

Ƒilipiƒuɔ 1:19

Ɔsika ngyi ka ɔkɛnku bina katɔ bɔkpali na mina lili ku Katɔti Kɔyu kebunku kani nási Yesu Kristo kudɔ ɔsu ni, ndubɔkɛ bɔnwuna.

Ƒilipiƒuɔ 1:7

Bina ala akya-mi kayi kemmo geen uwi biala na ɔdi ulu lɛlɔ lɛnɔ ka use-mi lɛni. Ɔsika kuƒi kɔni na Katɔti úte-mi na ɔ́ya lɛ́kɛ nwuna litela ni, amii lɛnɔ bɛ́kɛ-nwu lɛlɔ kɔsia na uwi ɔni na ntɛ ɔtɔ mɛni ku uwi ɔni na mbo bɔnwuna ka likpo lite litemi lɛmmɔ na lidie-ni kenye lite bekyuli na baƒɔ-ni kpakplaa.

Koloseƒuɔ 1:26

Na litemi buni lɛni kalɔ mbo ɔkplu ku bunu mɛni ni, Katɔti úti ɔ́bala kuuku bekyuli. Nsu ɔƒɛni ni, údie-ni keyi ɔ́tina nwuna bekyuli.

Koloseƒuɔ 4:18

Ami Paulo ɔlati mina kɔnu na líti muunweni-mii kegye kamɛni. Na bitayiƒala ka ntɛ aban ɔtɔ. Na muuvele Katɔti nnii ɔya na nwuna lɛƒɔndia lɛsiaku-mii.

Tesalonikaƒuɔ 1 5:25

Banwa, bitaakpali katɔ na bula lili.

Timoteo 2 1:16

Muuvele Katɔti nnii ɔnu Onesiƒoro ku nwuna kaduli bekyuli kɔnyana, ɔsika kɔƒa kútekpo-nwu na mina lɛlɔ aani ɔtɔntɛne kalɛ. Mmomu ɔ́kya-mi lɛlɔ na úbunku-mi kaduɛ.

Timoteo 2 2:9

Muubó abi na litemi buni lɛni mɔɔsu ɔsu. Na bébo-mi lɛkpu muedi aani ukyuli ɔni na ubo lɛkanta likpidi. Nsu Katɔti litemi ni, bétebo-ni lɛkpu!

Timoteo 2 4:2

si bebo kɔnu o-o, iye beeebo kɔnu o-o ni, die litemi buni lɛmmɔ kenye. Klibi-ma, na adɔnku-ma, na akya-ma ogya. Na si eedie ala kalɔ taatina-ma ni, na ewi lɛlɔ na akɛku-ma kayi geen.

Ƒilemon 1:22

Lɛnɔ ni, klibi keduokɔ kadi se-mi. Ɔsika mɔɔƒɔ́ taadi ka Katɔti ɔdubunu ƒula katɔ bɔkpali na banyonu-mi na lɛsɔ libo-ɔ kudɔ.