Koloseƒuɔ 3:8 - Katɔti Ɔku Kedee

⁸ Nsu ɔƒɛni ni, ɔlɛka bɛda ala amɛni udu bɔbla bɛya. Anya ndi kɔnyi buti ku ala ani mɔɔtu bekyuli kayi ku bekyuli lɛlɔ kasusu kekpidi buti. Na bitalɔ lɛlɔ anyikpi, na bitaya na etemila ani mɔɔyá na ukyuli uusé lɛlɔ alɛ-mii kenye.

Koloseƒuɔ 3:8 ပူးပေါင်းရင်းမြစ်များ

Kɔgya 37:8

Da kɔnyi buti ya. Na ada livoƒi ala aya. Taya na anumi egyie-ɔ. Si ɔɔɔdi lɛni ni, ɔdubuti-ɔ butákya likpidi bɔbla kemmo.

Agba 17:14

Si ése kadɔ kalɔ ni, use aani kalɛ na baalɛmi kuƒi teete ketu kani báda-ka kavinkɔ ulu na kéyi.

Agba 19:19

Bekyuli bani muuti kɔnyi pla pla ni, badubɔƒɔ ama alati lɛtuni kayu. Si áƒɔ-ma kunwi ni, agyi anii asɔ adubo-ma bɔƒɔ kunyɔdi.

Agba 29:22

Ukyuli ɔni muuti kɔnyi pla pla ni, ɔɔkya kekpo. Na kɔnyi kɔmmɔ kɔɔyá na ɔɔbla ekpidi lidu lidu.

Mateo 5:22

Nsu ɔƒɛni ni, ami mɔɔsu-mii nnii ukyuli ɔni meti kɔnyi makya ɔnwani ni, badubɔtɛku-nwu litemi. Na ukyuli ɔni lɛnɔ masu ɔnwani ɔnii, ‘Aaadi ukyuli ɔdi’ ni, badubɔlɔ-nwu benengu anumi. Na ukyuli ɔni masu ɔnwani ɔnii, ‘Ɔdɔlɔdi na adi’ ni, Katɔti ɔdubɔni-nwu kɔtu na lɛgyavonku lɛmmɔ kemmo.

Marko 7:22

ɔdivo ku kasusu kekpidi buti ku ɔkɔ bɔnyi ku ɔlɔna ala ɔkwɛ bɔda bɔni muukpó kɔƒa ku lɛnungyie na bekyuli bamba ala lɛlɔ ku linyeda ku lɛlɔ bɔtina ku kɔdɔlɔ.

Romaƒuɔ 13:13

Bɛya na bɔda bula lɛlɔ kaduɛ aani bekyuli bani nkɛ mɔɔví bukeye kemmo. Na ɔɔɔdi adikpi emeyi bɔdi ku ntɛ bukpi ku lɛyalɛ ala ku likyulikpi ala ku lɛlɔ ntɛ bule ku lɛnungyie.

Korintoƒuɔ 1 3:3

Ɔsika bɛmu bilie ngba aani bekyuli bani néti bana kasusu básia kayawi kamɛni lɛlɔ ala lɛti pɛ lɛlɔ. Na si lɛnungyie lɛkya-mii akɔ na bɛɛdɔ ni, ɔmmɔ lɛti muedi ɔɔtina ka kayawi kamɛni lɛlɔ ala na bilie bite.

Korintoƒuɔ 2 12:20

Mɔɔyia ka si líbo mmɔ ni, ndububo mbanu ka bɛ́vumana kalɛ na mɔɔwia-mii lɛnu. Na lɛni kani na amii lɛnɔ bɛdubɔnu ka lɛ́vumana kalɛ na amii lɛnɔ bɛɛwia ka bɛnu. Mɔɔyia ka ndububo mbanu ka bɛɛdɔ, na bɛɛbla lɛnungyie likpidi, na biiti kɔnyi taakya lɛlɔ, na bɛɛwia kalɛ na ɔdia ute amii lɛti pɛ, na biidumi lɛlɔ, na bɛɛlɔ lɛlɔ anyikpi, na bɛɛtalaku lɛlɔ katɔ, na biiƒú na lɛla biala kemmo.

Galatiƒuɔ 5:15

Nsu si bɛɛtu lɛlɔ akpɛlɛ ka bibile lɛlɔ ni, na bɛti ka lɛkpa lɛmmɔ lɛdubo udu bɔyii ƒui.

Galatiƒuɔ 5:20

ku lɛƒiɔkpa ku kabɔ bɔdu ku bekyuli bukisi ku kekpo ku bekyuli bani muukpó kogyulo ku kɔnyi buti ku awɔ lɛti lɛkɛ ku unyeƒi ku lɛlɔ bule akpa akpa

Galatiƒuɔ 5:26

Na bitaya na bɔtalaku lɛlɔ katɔ iye butaakya lɛlɔ kɔnyi iye buteekpoku lɛlɔ kogyulo.

Eƒesoƒuɔ 4:22

Bátina-mii lɛla lɛdi na bina ngba bɔkukudi bulie lɛlɔ. Ani ndi ka bɛda udu ɔkukudi ɔni mɔɔtɔ́lɔ-mii teesienku ɔlɔna ɔkwɛ adala ekpidi kemmo mmɔ bɛya.

Eƒesoƒuɔ 4:25

Anwuɔsu bɛda ɔkɔ bɔnyi bɛya. Na ukyuli ɔdi biala ɔsu nwuna ɔkpanadi litemi geen. Ɔsika bula ƒui bɔdi Kristo lɛlɔ ekpo bute lɛlɔ.

Eƒesoƒuɔ 4:26

Si bíti kɔnyi ni, bitaya na bina kɔnyi kɔya na bɛbla likpidi. Na bitaya na ɔƒɛ ɔ́nu ɔkya-mii na bina kɔnyi kemmo.

Eƒesoƒuɔ 4:29

Bitasu etemila ani muusé lɛlɔ, mmomu bɛsu etemila ani mɔɔkya ukyuli ɔkplu kalɛ na ɔ́manku. Na si bekyuli bénu bina etemila ni, na bakɛ kɔsia.

Eƒesoƒuɔ 5:4

Lɛni kani na utalɛka bitatɛmi kɔyalɛtɛ, ɔsika atɛ ekpidi ku adɔlɔla na adi. Mmomu biti linugya biteete Katɔti.

Koloseƒuɔ 3:5

Anwuɔsu ni, bɛdu ɔlɔna kemmo ɔkwɛ adala biala nkya-mii lɛlɔ kemmo. Na bitasiaku-nya kama aani lɛsɔnɔdi ku ala ani muusé lɛlɔ ku ɔlɔna ɔkwɛ adala ani muuti ukyuli teesienku likpidi bɔbla kemmo na aayá na ukyuli uuti kasusu kekpidi ku ɔdivo udu biala ɔni ndi lɛƒiɔkpa.

Koloseƒuɔ 3:9

Bitatɔlɔ lɛlɔ, ɔsika bɛ́da udu ɔkukudi ɔni nákya-mii kemmo mmɔ bídie.

Timoteo 1 1:13

Ina ka líkpoku-nwu na lɛ́tɛmi enyekpi ku edumi na nwuna lɛlɔ dii asa na ḿbenwini kayi ni, Katɔti ɔ́nu-mi kɔnyana. Ɔsika uwi ɔmmɔ kemmo ni, ńtaƒɔ-nwu tɔ ńtadi na ńtati lɛla lɛni lɛnɔ na ńtaabla.

Timoteo 1 1:20

Na bana akɔ badi ndi Himeneo ku Aleksandro. Lɛ́ni-ma kɔtu na líti-ma líte ukisine ɔmmɔ kalɛ na bebo abi na nwuna enu kemmo. Ɔmɛni ndubɔya na batɛya lɛla na bada enyekpi bɔtɛmi taasiku Katɔti lɛlɔ baya.

Hebriƒuɔ 12:1

Anwuɔsu ka bubo bekyuli pii bamɛni udu bani muudie bɔƒɔtaadi bɔmɛni kenye ni, bɛya buti ala ani muutile-bu kuƒi mmɔ ku ekpidi ani mɔɔbala-bu uwi pii buvaakun. Na bukeli usi ɔni ntɛ-bu anumi ku lɛnungyie.

Yakobo 2:7

Na ama ndi bekyuli bani muutemi enyekpi taasiku lɛnyi lɛni na baalɔ-mii na lɛ́ƒɔ-mii kuye lɛnɔ lɛlɔ.

Petro 1 2:1

Anwuɔsu bɛda kasusu kekpidi ƒui buti na bekyuli lɛlɔ bɛya. Na bɛsɔ bitanyi ɔkɔ iye bɛtɔlɔ bekyuli. Anumi etegyie-mii bekyuli ala lɛlɔ. Na bitalɔ lɛlɔ anyikpi.

Petro 2 2:18

Baasu etemila keeke taatalaku lɛlɔ katɔ. Na bada ɔlɔna ɔkwɛ adala baatɔ́lɔ bani nétetu tɔ uwi ka báda ngba bukpidi bulie báya.

Petro 2 2:7

Katɔti údie Lot ɔni nse siin, ɔsika ngba bukpidi ku lɛyalɛ ala ani na bekyuli bammɔ baabla áda-nwu ɔƒɛ.

Yuda 1:13

Bese aani ɛpu ntu bɔni mɔɔnwanɛ lɛlɔ ku avlɔvɔ. Bana kɔƒa ala na bada baatina lɛlɔ aani kalɛ na avlɔvɔ aata. Na bese aani ayabi ani mɔɔkpa na kayaa na aayii. Bekyuli bamɛni udu geen na Katɔti ɔ́klibi kasuudikɔ kammɔ úse ka uti-ma ɔkya mmɔ uwi ƒui.

Yuda 1:8

Lɛni kani na ala ani na bekyuli bekpidi bani na bébeduo-mii akɔ baanu na ana ani na baatɛ teegye kemmo ni, áya na baabla alaekpidi ani mɔɔyá bana ɔlɔna uusé lɛlɔ. Báta bénye Katɔti lɛlɔ na baatɛmi enyekpi na bagadine lɛlɔ.

Budie Taatina 16:9

Na bekyuli bákywi ɔ́si ogya liwulu kpakplaa lɛmmɔ ɔsu. Na béwida Katɔti lɛnyi, ɔsika nwuna ɔyikun ɔsu na lɛbibo lɛmɛni líbo-ma lɛlɔ. Nsu ɔmɛni kama ƒui ni, bétenwini kama bátakya bana ekpidi na bemwi Katɔti.