Koloseƒuɔ 3:4 - Katɔti Ɔku Kedee

⁴ Bina ngba ƒui ndi Kristo. Na si Kristo ɔ́da ɔ́lɛ kayawi kamɛni kemmo ni, amii ku-nwu ƒui bɛdubɔdi lɛga bɛsala ku kubiti.

Koloseƒuɔ 3:4 ပူးပေါင်းရင်းမြစ်များ

Kɔgya 17:15

Nsu ami ndubɔnu-ɔ anumi, ɔsika ntabla lɛla likpidi lɛdi. Na si lɛ́ta mina kalɛɛkɔ ni, ndubɔnu kalɛ na ese na lɛlɔ lɛyɔ-mi.

Kɔgya 73:24

Awɔ mɔɔtɔnku-mi ɔkɛnku kasusu kani na aakya-mi kemmo. Na kawɔlɔkɔ ni, adubɔƒɔ-mi na liduo ƒula bukeye kemmo.

Mateo 13:43

Na Katɔti bekyuli ama badubukeye aani ɔƒɛ na bana Katɔti ɔma. Si bɛɛyɔ́ ni, biti lɛla lɛni lɛ́su mɛni!

Luka 17:30

“Lɛni kani na ɔdubo buse na limeyi lɛni lɛlɔ na ami Ukyuli Ɔyawine Ubi ndubɔda lɛlɛ.

Yohane 11:25

Amu na Yesu ɔ́su-nwu ɔnini, “Ami mɔɔyá na bekyuli basɔ baata teebelie ngba. Ukyuli biala ɔni mɔɔƒɔ́-mi taadi ɔdubulie ngba si ina úkpi muedi.

Yohane 14:3

Anwuɔsu si lísie ńtáklibi-ku lɛ́wɔlɔ ni, ndubɔsɔ linwini libo na mbakpanku-mii ntése mina kudɔ na amii lɛnɔ bilie mmɔ.

Yohane 14:6

Amu na Yesu údie kenye ɔnini, “Ami ndi ulu ɔmmɔ ku litemi geen lɛmmɔ ku ngba bɔmmɔ. Na ɔdi ulakana Katɔti kudɔ buduo, amu ntu mina lɛlɔ na ɔ́sia.

Yohane 17:24

“Ati, awɔ néti-ma éte-mi. Na mɔɔwia ka belie-mi kudɔ na kesii kani na nkya kalɛ na banu kalɛ na ákɔliku-mi lɛnyi katɔ. Ɔmɛni ndi lɛnyi lɛni na éte-mi. Ɔsika aayɔ́-mii kukuuku asa na édie kayawi ku kana lɛla biala.

Yohane 20:31

Na amɛni kani na línweni líse kalɛ na bɛƒɔ bɛdi ka Yesu ndi Ukyuli Ɔƒunadi ɔmmɔ. Na anwu ndi Katɔti Ubidi ɔni na si bɛ́ƒɔ-nwu bɛ́di ni, na ɔya na bilie ngba na nwuna ɔyikun kemmo.

Batalane Kabla 3:15

Amii bɛ́ya na bádu ukyuli ɔni muute bekyuli ngba. Nsu Unwoti ɔ́sɔ ɔ́gyila-nwu ɔ́lɛku bekpine akɔ! Na abu alati bɔ́nu-nwu ku bula anumi!

Romaƒuɔ 8:18

Mɔɔnu taati geen ka abi ani na buubó ɔƒaani ni, aaadi lɛla lɛdi na kalɛ na Katɔti ɔdubɔya na bukeye kudɔ.

Romaƒuɔ 8:19

Ala ani na Katɔti údie ƒui aanu ulu kpakplaa teete uwi ɔni na Katɔti ɔdubudie nwuna bebi ɔtina.

Korintoƒuɔ 1 1:7

Ɔmɛni ɔsu ni, bilayaki litela lɛdi ɔni na binye bɛgya ka Katɔti ɔya na Blɔti Yesu Kristo ɔ́da ɔ́lɛ.

Korintoƒuɔ 1 15:43

Si uwi ɔni na báva-nwu ni, údubie na use kpɛtɛ kpɛtɛ. Na si uwi ɔni na bágyila-nwu básiku kekpine ni, ɔdubɔdia bɔnu na ɔyu ɔkplu.

Korintoƒuɔ 2 4:17

Na abi blii suɛ ani na buubó na uwi klukui ɔmɛni kemmo na kayawi mɛni ni, adubɔya na bɔkɛ ɔbu ku lɛlɔyɔ bonwu lɛni nsɔ naaadubo bɔsa kudii na katɔ. Na lɛdubutulo abi ani na búbo ƒui.

Galatiƒuɔ 2:20

Ami ku Kristo na bákana bámana ugyii lɛlɔ. Ɔsɔ ɔɔɔdi ami nli ngba, mmomu Kristo nli ngba na mina kemmo. Na ngba bɔni na nli ɔƒɛni ni, nli-mu ɔkɛnku ɔyikun ɔni na lɛ́kɛ ka lɛ́ƒɔ Katɔti Ubidi ɔmmɔ lɛ́di ɔsu. Anwu néti nwuna ngba ɔ́kpa na mina lili, ɔsika ɔɔyɔ́-mi.

Ƒilipiƒuɔ 3:21

Na ɔdubɔvumana bula kayawi ɔlɔna kpɛtɛ kpɛtɛ ɔmɛni na ɔbla-nwu aani nwuna ɔlɔna ɔni muukeye mmɔ kalɛ ɔkɛnku ɔyikun ɔni na ubo na ɔɔyá na lɛla biala liiboku lɛlɔ kalɔ teete-nwu kenye.

Tesalonikaƒuɔ 1 4:17

Ɔmɛni kama ni, Katɔti ɔdubutiku abu bani nébu buli ngba na uti-bu utásalaku bekyuli bani náta na butásiaku Blɔti na kayaa. Na bɔdubulieku Blɔti uwi ƒui.

Timoteo 1 6:14

Na mɔɔsu-ɔ nnii da ala amɛni kaduɛ kalɛ na ukyuli ɔdi ulasu lɛla likpidi lɛdi na ƒula lɛlɔ wetédu uwi ɔni na Yesu Kristo wasɔ webo.

Timoteo 2 1:1

Ami Paulo ɔni nkɛnku Katɔti lɛƒɔyɔ lɛlɔ na ndi Yesu Kristo ɔtalane ni, ami muunweni-ɔ ɔku ɔmɛni taasiku ngba bɔni na bɔdubɔkɛ na Blɔti Yesu Kristo lɛlɔ na abu ku-nwu unwi bɔbla kemmo.

Timoteo 2 4:8

Na ɔ́si ɔƒɛni ni, Katɔti ɔ́ɔklibi mina kabwa kani mɔɔtina ka lílie ɔƒɔtaadine ngba ulu lɛlɔ úse-mi. Ɔdi kabwa kani na Blɔti ɔni mɔɔtɛ bula ƒui litemi ulu lɛlɔ ɔdubo-mi bute limeyi likplodi lɛmmɔ. Na ɔɔɔdi ami lɛti pɛ ndubɔkɛ-ka, mmomu ami ku bani ƒui lɛnɔ nsia anu bete Blɔti bɔsɔ bubo bɔmmɔ.

Tito 2:13

Lɛni na bɔdubuti butaanu ulu bute limeyi libendi lɛni lɛlɔ na bɔsia anu. Limeyi lɛmmɔ lɛlɔ na Utulone Blɔti, bula Ɔƒɔne, Yesu Kristo bukeye bɔdubɔda bɔlɛ.

Hebriƒuɔ 9:28

Lɛni kani na Kristo lɛnɔ úti lɛlɔ ɔ́kpa kunwi pɛ kani na údie bekyuli pii na bana ekpidi kemmo. Na ɔdubɔsɔ ubo kunyɔdi. Na ɔɔɔdi ɔni na ɔsɔ ubebo abi na ekpidi ɔsu. Mmomu kalɛ na uti ngba bɔƒɔ uboku bekyuli bani na benye bagya-nwu.

Petro 1 1:13

Anwuɔsu ni, bɛda lɛlɔ bise bite kabla. Na binye kagyumana na bitaanu ulu teete lɛbuni lɛni na Katɔti ɔdubɔbla ute-mii lɛlɔ uwi ɔni na Yesu wasɔ webo wabaƒɔ-mii ngba.

Petro 1 5:4

Na uwi ɔni na Kristo ɔni ndi Baƒonu Ɔdane Unengudi ƒui wada walɛ ni, na wete-mii kagabwa kani muukeye na kana udu ulávumana.

Yohane 1 2:28

Mina bebi bayɔne, biliku Kristo kalɛ na si uwi ɔni na ɔ́da ɔ́lɛ ni, bɔdubɔkana na bunye-nwu anumi ku kaƒɔ ƒaa na kɔƒa kulékpo-bu limeyi lɛmmɔ lɛlɔ.

Yohane 1 3:2

Mina banwa bayɔne, ɔƒɛni ni, búnwini Katɔti bebi. Nsu bekyuli bani udu na bɔdubo bunwini ni, Katɔti útedie-nwu tɔ keyi. Nsu bɔgyi ka si lebo lɛni na Kristo ɔ́da ɔ́lɛ ni, bɔdubo bɔbla aani nwuna kalɛ. Ɔsika bɔdubo-nwu bɔnu kalɛ geen na use.

Yohane 1 5:12

Ukyuli ɔni mbo kɔna ku Ubidi ɔmmɔ ni, ubo ngba bɔmɛni. Na ukyuli ɔni neeebo kɔna ku Katɔti Ubidi ɔmmɔ ni, uuubo ngba bɔmmɔ.

Yuda 1:24

Na anwu ɔni ndubɔkana na uƒie-mii ɔda na bilebuli ni, ɔdubɔkana na ɔbla-mii kedee lɛnɔ. Na lɛlɔ lɛyɔ-mii na ɔya na bɛkana na binye nwuna anumi ani muukeye lɛtɔtɔ na bilásɔ.

Budie Taatina 2:7

“Si bibo atu ni, na binu lɛla lɛni na Katɔti Kɔyu kɔɔsu baƒɔtaadine akpa ammɔ. Anwu ɔni madi ekpidi lɛlɔ ni, ndubute-nwu ulu na ɔdi ngba kugyii kɔni nnye Katɔti Paradiso kemmo mmɔ ebi.”

Budie Taatina 22:1

Ɔmmɔ kama ni, ɔ́tina-mi ketu kani ntu muute ngba. Ketu kammɔ kaagbá taasi Katɔti ku Koƒonu Ubi ɔmmɔ lɛgaboku kudɔ. Na buukeye aani asogya.

Budie Taatina 22:14

“Lɛlɔ lɛdubɔyɔ bekyuli bani náklibi lɛlɔ bése aani kalɛ na baaƒɔ lɛwu sɛɛn. Ama ndubɔkɛ kuƒi ka badi kugyii kɔni muute ngba mmɔ ebi. Na badubɔsia kayakun mmɔ beduo Katɔ Ɔga Ɔma ɔmmɔ kemmo.