Koloseƒuɔ 3:3 - Katɔti Ɔku Kedee

³ Ɔsika use aani bíkpi na bɛkya Katɔ Ɔga Ɔma ku Kristo.

Koloseƒuɔ 3:3 ပူးပေါင်းရင်းမြစ်များ

Mateo 11:25

Uwi ɔmmɔ kemmo ni, Yesu ɔ́sɔ ɔ́kpali katɔ ɔnini, “Ati, katɔ ku kalɔ Unwoti, mɔɔgyá-a enu. Éti ala amɛni ábɛla banundane ku bakutine, na édie-nya átina bani nétesie anumi na lɛlati lɛdi kemmo.

Yohane 14:19

Kébu blii na kayawi bekyuli basɔ balanu-mi. Nsu amii bɛdubo-mi bɔnu. Na ka nli ngba ɔsu ni, amii lɛnɔ bɛdubulie ngba.

Yohane 3:16

“Ka Katɔti ɔɔyɔ́ bayawine geen ɔsu ni, úti Ubidi unwi pɛ ɔmmɔ úte. Na ukyuli biala ɔni mɔɔƒɔ́-nwu taadi ni, ulayii. Mmomu ɔdubɔkɛ ngba bɔni nsɔ naaadubo bɔsa kudii.

Yohane 4:14

Nsu ntu bɔni na ndubute ni, utukwɛ ɔsɔ ulada ukyuli ɔni mani-mu. Mmomu bɔdubunwini libiɔ lɛni mɔɔyu na bana lɛlɔ kemmo, na ɔdubute-ma ngba bɔni nsɔ naaadubo bɔsa kudii.”

Yohane 5:21

Ɔsika kalɛ na mina Ɔti ɔɔgyila bekpine na beelie ngba ni, lɛni kani na ami Ubidi lɛnɔ muuti ngba teete bani na mɔɔyɔ́ ka lite ngba.

Yohane 5:24

“Na mɔɔsu-mii geen ka ni, ukyuli ɔni muunú-mi litemi na ɔɔƒɔ́ Katɔti ɔni nátala-mi taadi ni, uli ngba bɔni nsɔ naaadubo bɔsa kudii. Na Katɔti uládu-nwu kɔtɔ na nwuna ekpidi ɔsu. Mmomu ɔ́ɔvia kukpi ntu úduo ngba bɔwɔdi kemmo.

Yohane 5:40

Nsu biiní ka bibo-mi kudɔ na lɛya na bɛkɛ ngba bɔmmɔ.

Romaƒuɔ 5:10

Na si Katɔti ɔ́sɔku abu ku-nwu ntɛ ɔ́klibi ɔkɛnku ubidi kukpi lɛlɔ na uwi ɔni kemmo na nka bɔdi-nwu bekisine mmɔ ni, na uwi ɔni na abu ku-nwu ntɛ bɔdia mɛni ni, Katɔti ɔdubɔnu-bu kɔnyana utulo ƒui na bɔkɛ ngba bɔƒɔ ɔkɛnku Kristo ɔmmɔ lɛlɔ.

Romaƒuɔ 5:21

Anwuɔsu kalɛ na likpidi lɛ́ya na kukpi kɔ́di bekyuli lɛlɔ ni, lɛni kani na Katɔti lɛƒɔndia lɛdubɔya na bɔbla siin na buduo ngba bɔni nsɔ naaadubɔsa kudii lɛga bɔdi kalɔ ɔkɛnku Blɔti Yesu Kristo lɛlɔ.

Romaƒuɔ 6:11

Na lɛni kani na ɔlɛka amii lɛnɔ bitaanu lɛlɔ ka bíkpi na likpidi lɛsɔ liládi-mii lɛlɔ. Na ɔlɛka bilie ngba bite Katɔti na amii ku Kristo Yesu unwi bɔbla kemmo.

Romaƒuɔ 6:2

Oowo! Kudii! Ɔsika búkpi, na likpidi lɛsɔ liládi-bu lɛlɔ! Na bi ɔsu na ɔ́sɔ ɔlɛka bulie butaabla ala ekpidi?

Romaƒuɔ 8:2

Ɔsika ɔkɛnku Kristo Yesu lɛlɔ ni, ɔda bubo bɔni nkɛnku Katɔti Kɔyu kɔni muute bekyuli ngba bɔ́ya na lɛ́lɛ ɔda bubo bɔni ndanku likpidi bɔbla ku kukpi kalɔ.

Korintoƒuɔ 1 15:45

Ɔsika ɔkya Bunweni Kedee Ɔku kemmo ka ni, “Ukyuli udeedi ɔni ndi Adam ni, Katɔti nédie-nwu na úte-nwu ngba aani ɔyawine.” Na Adam ukplodi ɔmɛni anwu ni, ɔdi Kɔyu kɔni muute ngba geen.

Korintoƒuɔ 1 2:14

Ukyuli biala ɔni na Katɔti Kɔyu kɔmɛni kútaƒɔ-nwu lɛlɔ kemmo ni, ulakana na waƒɔ etela ani na Katɔti Kɔyu kuute. Na ukyuli ɔmmɔ lɛnɔ ulénu ala ammɔ kalɔ, ɔsika ala ammɔ adi-nwu adɔlɔla sɔɔn. Na Katɔti Kɔyu lɛlɔ kani na ukyuli ɔdubɔsia na ɔnu etela ammɔ ɔti kalɛ na áƒɔ kuye.

Korintoƒuɔ 2 5:14

Kristo bɔyɔ bɔni na ubo ute-bu mɔɔdi-bu lɛlɔ. Ɔƒɛni ka bɔ́nu bɔ́ti ka ukyuli unwi nékpi na bekyuli ƒui lili ɔsu ni, ɔmɛni ɔɔtina ka bula ƒui bútu kukpi kɔmmɔ kenye bɔ́nu.

Korintoƒuɔ 2 5:7

Na bula ngba bɔni na bulie mɛni ni, bɔkɛnku bɔƒɔtaadi lɛlɔ. Na ɔɔɔdi lɛla lɛni na buti bula anumi bɔnu bɔti.

Galatiƒuɔ 2:20

Ami ku Kristo na bákana bámana ugyii lɛlɔ. Ɔsɔ ɔɔɔdi ami nli ngba, mmomu Kristo nli ngba na mina kemmo. Na ngba bɔni na nli ɔƒɛni ni, nli-mu ɔkɛnku ɔyikun ɔni na lɛ́kɛ ka lɛ́ƒɔ Katɔti Ubidi ɔmmɔ lɛ́di ɔsu. Anwu néti nwuna ngba ɔ́kpa na mina lili, ɔsika ɔɔyɔ́-mi.

Eƒesoƒuɔ 3:9

Na lɛya bekyuli bati kalɛ na Katɔti abɛla ammɔ ani na anwu ɔni nédie ala ƒui úti ɔ́bɛla bekyuli uwi ɔni návi kemmo adubo kabla bɔbla na bekyuli akɔ.

Ƒilipiƒuɔ 4:7

Na Katɔti ɔni muute keyi buɛɛ bɔni ntulo ɔyawine kalɔ bunu ɔdubɔgyumana bina kayi ku kasusu ƒui ɔni na biliku Kristo Yesu.

Koloseƒuɔ 1:5

Uwi ɔni na básu-mii litemi geen lɛni ndi litemi buni lɛmmɔ kudeedi ni, bínu ala abuni ani nse nte-mii na katɔ. Na ka bɛsia-nya anu ɔsu ni, bina bɔƒɔtaadi ku bina bɔyɔ bunye ala ani bɛsia anu mɛni lɛlɔ.

Koloseƒuɔ 2:20

Kristo kukpi kɔɔtina ka amii ku-nwu nékpi, na úkpo ɔ́ƒɔ-mii ɔ́lɛku kayawi kamɛni ala bɔtina ulu lɛlɔ kemmo. Na si use lɛni ni, bi ɔsu na bɛɛbla lɛlɔ aani si bɛmu bɛsiaku kayawi kamɛni ɔda bubo bɔmmɔ kama, na bɛmu bɛɛdi bana ala ani na bényimi lɛlɔ?

Koloseƒuɔ 2:3

Kristo ɔmmɔ kemmo na Katɔti úti nwuna lɛlati ku lɛnunda ƒui ɔ́bɛla ɔ́kya.

Koloseƒuɔ 3:4

Bina ngba ƒui ndi Kristo. Na si Kristo ɔ́da ɔ́lɛ kayawi kamɛni kemmo ni, amii ku-nwu ƒui bɛdubɔdi lɛga bɛsala ku kubiti.

Hebriƒuɔ 7:25

Anwuɔsu ni, ukyuli biala ɔni muubo Katɔti kudɔ ɔkɛnku-nwu lɛlɔ ni, Yesu ɔmmɔ ɔɔkana na ɔɔƒɔ́-ma ngba uwi ƒui ɔsika ɔdubo buteevele teete-ma na Katɔti kudɔ.

Petro 1 3:4

Mmomu ni, bɛya na kalɛ na bɛda lɛlɔ ku udu buɛɛ udie bina bɔdia ɔtina. Ɔmɛni ndi udu ɔni mɔɔda kubiti uwi biala na ɔ́ƒɔ Katɔti kuye geen.

Petro 1 4:2

Na si bɛ́da lɛlɔ bíse lɛni ni, ɔdubɔya na bilie ngba ɔ́si ɔƒɛni úsela bitaabla lɛla lɛni mɔɔyɔ́ Katɔti kaƒɔ. Na ɔlɔna kemmo ala asɔ alátaada-mii ɔkwɛ.

Yohane 1 3:2

Mina banwa bayɔne, ɔƒɛni ni, búnwini Katɔti bebi. Nsu bekyuli bani udu na bɔdubo bunwini ni, Katɔti útedie-nwu tɔ keyi. Nsu bɔgyi ka si lebo lɛni na Kristo ɔ́da ɔ́lɛ ni, bɔdubo bɔbla aani nwuna kalɛ. Ɔsika bɔdubo-nwu bɔnu kalɛ geen na use.

Budie Taatina 2:17

“Si bibo atu ni, na binu lɛla lɛni na Katɔti Kɔyu kɔɔsu baƒɔtaadine akpa ammɔ. Anwu ɔni madi ekpidi lɛlɔ ni, ndubo-nwu adila ani na Katɔti ɔ́bala úse adi bute. Na ndubute-nwu lɛtabi lɛƒualadi lɛdi lɛnɔ lɛni lɛlɔ na bénweni lɛnyi lɛwɔdi básia lɛni na ukyuli ɔmmɔ kani ndubɔti-ni.”