Koloseƒuɔ 3:24 - Katɔti Ɔku Kedee

²⁴ Bɛgyi ka Blɔti ndubute-mii lɛyuƒɔla lɛni na ɔ́su úse ka wete nwuna bekyuli. Na Kristo ndi Unwoti ɔni geen kabla na bɛɛbla.

Koloseƒuɔ 3:24 ပူးပေါင်းရင်းမြစ်များ

Ala Kalɔ Buse 15:1

Ɔmmɔ kama ni, Abram ɔ́nu kɔyu kemmo lɛla lɛdi na Katɔti ɔ́su-nwu ɔnini, “Abram, sɔ tayia! Ami ndi ƒula katamikukɔ ku kesii kani na adubɔkɛ ƒula lɛyuƒɔla linengudi.”

Agba 11:18

Bekyuli bekpidi ni, uwi klukui kani na bana lɛkɛ liilie. Nsu bekyuli babuni akɛla ni, eetu uwi.

Mateo 10:41

Ukyuli biala ɔni maƒɔ Katɔti kenye udiene ka ɔdi kenye udiene ute Katɔti ɔsu ni, anwu ku kenye udiene ɔmmɔ badubɔkɛ lɛyuƒɔla linwi na Katɔti kudɔ. Na ukyuli ɔni maƒɔ ukyuli ɔni nse siin ka use siin ɔsu ni, anwu ku ukyuli ɔmmɔ badubɔkɛ lɛyuƒɔla linwi na Katɔti kudɔ.

Mateo 5:12

Ebiti ada-mii na lɛlɔ lɛnɔ lɛyɔ-mii, ɔsika bibo lɛyuƒɔla bonwu na katɔ. Lɛni kani na békpoku Katɔti kenye bediene bani nágyu batɔ-mii.

Mateo 5:46

Si bekyuli bani mɔɔyɔ́-mii kani na amii lɛnɔ bɛɛyɔ́ ni, Katɔti ɔɔɔdubo-mii kayu kadi bɔƒɔ. Lɛni kani na kuyi baƒɔne lɛnɔ baabla.

Mateo 6:16

“Na si biilie kɔka ni, bitabla anumi nyanyaanya aani anumi lɛlɔ bekyuli kalɛ. Baanyina anumi kalɛ na ukyuli biala ɔnu-ma ɔti ka beelie kɔka sɔsɔ. Mɔɔsu-mii nwaa nnii báaƒɔ bana lɛyuƒɔla ƒui báwɔlɔ.

Mateo 6:5

“Na si bɛɛkpali katɔ ni, bitabla ala aani anumi lɛlɔ bekyuli kalɛ. Ama baayɔ́ ka bata benye Yudaƒuɔ kasalakɔ ku ɔma kemmo ekpo ekpo asa bakpali katɔ kalɛ na bekyuli ƒui banu-ma. Mɔɔsu-mii geen nnii báakɛ bana lɛyuƒɔla biala ƒui.

Luka 14:14

Ɔmɛni ɔdubɔya na Katɔti ute-ɔ kusɛ kusɛ. Ɔsika bekyuli bammɔ baaadubo-ɔ kayu kadi bɔkana bɔƒɔ. Katɔti ndubɔƒɔ-ɔ kayu na limeyi lɛni lɛlɔ na bekyuli babuni badubɔsɔ bata bási bekpine akɔ.”

Luka 6:35

Mmomu ni, bɛyɔ bina bekisine na bɛbla-ma lɛbuni. Bivo ala bite-ma, na bina anu atasia ka badubɔsɔku bete-mii kokooko. Si bɛ́bla lɛni ni, bɛdubɔkɛ lɛyuƒɔla bonwu. Na badubɔlɔ-mii banii Katɔti Ɔni Ntulo Ƒui bebi. Ɔsika Katɔti ubo kaƒɔ buni ute bani na ala alaƒɔ-ma anu ku belikplune lɛnɔ muedi.

Yohane 12:26

Ukyuli biala ɔni mɔɔwia ka ɔbla-mi kabla ni, ɔdi ka ɔsiaku-mi. Na kesii kani na nlie ni, mmɔ na mina kabla ɔblane ɔmmɔ lɛnɔ welie. Na ukyuli biala ɔni mɔɔbla-mi kabla ni, mina Ɔti ɔdubute-nwu ɔbu.

Batalane Kabla 20:32

“Na ɔƒaani ni, líti-mii mɔɔkya Blɔti lɛkɔkɔ nnii ɔnu-mii lɛlɔ. Na nwuna litemi lɛni muubunku bekyuli mɛni lɛkya bina bɔƒɔtaadi ɔkplu kalɛ na wabla-mii katɔ ala badine aani bani na ɔ́ƒuna úte nwuna lɛlɔ.

Romaƒuɔ 1:1

Ami Paulo, ɔni ndi Yesu Kristo kabla ɔblane na ndi ɔtalane ɔni na Katɔti ɔ́ƒuna ka lɛkɔ-nwu litemi buni lɛsa ni, ami muunweni ɔku ɔmɛni.

Romaƒuɔ 14:18

Ɔsika ukyuli ɔni mɔɔbla Kristo kabla na ulu ɔmɛni lɛlɔ ni, ɔɔyɔ́ Katɔti kaƒɔ na bekyuli lɛnɔ baabu-nwu.

Korintoƒuɔ 1 11:23

Ɔsika lɛla lɛni na lɛ́ƒɔ lɛ́siku Blɔti kudɔ ni, ani kani na lɛ́tina-mii. Na usien ɔmmɔ asa na badubɔkya-nwu kakya ni, úti bodobodo,

Korintoƒuɔ 1 3:8

Kavumana kadi keeebo ukyuli ɔni náva ku ɔni néwi-ka ntu kemmo. Katɔti kani ndubɔƒɔ bana ƒui kayu na bana kabla kenye.

Korintoƒuɔ 1 7:22

Si aabla ukyuli bamba kabla asa na Blɔti ɔ́lɔ-ɔ ni, énwini ukyuli ɔni na ebo bɔnwuna na Blɔti kudɔ. Na lɛni kani na si aabla awɔ ɔlati kabla asa na Blɔti ɔ́lɔ-ɔ ni, énwini ukyuli ɔni mɔɔbla Blɔti kabla.

Galatiƒuɔ 1:10

Na kabla kani na mɔɔbla mɛni ni, bɛɛkali bɛnii bekyuli bumwi na mɔɔwia? Munuu Katɔti bumwi na mɔɔwia? Munuu mɔɔbla-ka kalɛ na kaƒɔ kayɔ bekyuli? Na si bekyuli lɛyɔla kabla na mɔɔbla ni, nka lɛɛɛdi Kristo kabla ɔblane.

Eƒesoƒuɔ 6:6

Ka bɛdi Kristo kabla bablane ɔsu ni, biti bina ɔyikun ƒui bɛbla lɛla lɛni na Katɔti ɔɔwia. Na ɔɔɔdi bana anumi na ɔdi ka bɛbla lɛla lɛdi biti bɛtina bekyuli kalɛ na bemwi-mii.

Eƒesoƒuɔ 6:8

Si ukyuli ɔdi ɔɔbla ukyuli bamba kabla iye ɔɔbla anwu ɔlati kabla ni, ɔlɛka ɔbla-ka kaduɛ. Ɔsika ɔdubɔƒɔ lɛyuƒɔla ɔsiku Blɔti kudɔ.

Koloseƒuɔ 2:18

Bitaya na anumi lɛlɔ ukyuli ɔni mɔɔsiaku katɔ batu ɔdi ɔtɔlɔ-mii na utile-mii ngba bɔƒɔ kuƒi. Bekyuli bamɛni baakun lɛmɛnɛ ka bánu budie taatina bɔdi bɔni na sɔsɔ ni, bɔɔɔkɛnku Katɔti Kɔyu lɛlɔ.

Hebriƒuɔ 10:35

Anwuɔsu bitaya na enu áƒɛ-mii na kalɛ na biisé kayi kemmo. Ɔsika bɛdubɔkɛ lɛyuƒɔla bonwu geen.

Hebriƒuɔ 11:6

Na ukyuli ɔdi lɛlɔ liláda Katɔti kubiti si uuubo bɔƒɔtaadi. Ɔsika ukyuli biala ɔni muubo Katɔti kudɔ ni, ɔdi ka ɔƒɔ ɔdi ka Katɔti ɔkya na ɔɔƒɔ kayu buni teete bekyuli bani mɔɔwia-nwu kama ulu kpakplaa.

Hebriƒuɔ 9:15

Ɔmɛni ɔsu na Kristo ndi ukyuli ɔni nnye bunyimi bɔwɔdi bɔmɛni kenye kalɛ na bekyuli bani na Katɔti ɔ́lɔ ka babla anwu badi ni, bana kɔnu kutuku linyese lɛni ndi ngba bɔni nsɔ naaadubo bɔsa kudii. Ɔmɛni uubo teete lɛni, ɔsika Kristo kukpi ɔsu na Katɔti uuti ekpidi ani na bekyuli bábla na bunyimi bɔkukudi kemmo taakyiɛ-ma.

Petro 1 1:4

Na bɔɔnu anumi ka bɔdubɔdi ala ani na Katɔti ɔ́klibi úse na katɔ, na adi ala ani neeebie na alanyi taakpi iye ayii udu lɛnɔ.

Petro 2 1:1

Ami Simon Petro ɔni ndi Yesu Kristo kabla ɔblane ku ɔtalane ni, ami muunweni ɔku ɔmɛni lite amii baƒɔtaadine ƒui bani na abu ku-mii ƒui bɔdi benwi ku Katɔti. Na ɔ́ya na bula ƒui bɔ́ƒɔ bula Ɔti ku Ɔƒɔne Yesu Kristo ɔni nse siin bɔ́di.

Yuda 1:1

Ami Yuda ɔni ndi Yesu Kristo kabla ɔblane na ndi Yakobo ɔnwani ni, muunweni ɔku ɔmɛni lite amii bani nénu Katɔti bɔlɔ. Na ka bɛ́siaku-nwu ɔsu ni, ɔɔyɔ́-mii. Na Blɔti Yesu Kristo lɛnɔ ɔɔgyumana-mii geen.

Rut Keliela Ɔku 2:12

Muuvele Blɔti nnii ɔƒɔ-ɔ kayu na lɛla lɛni na ábla mɛni ɔsu. Na nsɔ muuvele Unwoti Israel Katɔti ɔni kudɔ na ébo mɛni ka ɔgyumana-a na ɔƒɔ-ɔ kayu ƒui.”