Koloseƒuɔ 3:23 - Katɔti Ɔku Kedee

²³ Na lɛla biala na bɛɛbla ni, bɛbla-ni ku kaƒɔ nwaa aani si Blɔti na bɛɛbla bite na ɔɔɔdi bekyuli.

Koloseƒuɔ 3:23 ပူးပေါင်းရင်းမြစ်များ

Kɔgya 103:1

O Katɔti, ndubumwi-ɔ lɛnyi kedee ku mina kayi ƒui.

Kɔgya 119:10

Mɔɔkya ɔkplu ka liti mina ɔyikun ƒui lɛbla ƒula kabla. Anwuɔsu gyumana-mi kalɛ na neeenwini kama naaakya ƒula ɔda bubo kudii.

Kɔgya 119:145

Unwoti, nu-mi bɔkpali, ɔsika mina kayi kemmo ɔkwalɛ ƒui na muuwulo taasiku. Ndubɔdi ƒula ɔda bubo lɛlɔ.

Kɔgya 119:34

Die-mu kalɔ te-mi na lɛsiaku-mu kama. Na madi-mu lɛlɔ lɛnɔ ku mina kayi ƒui.

Etemila 9:10

Kabla biala na ɔdi aabla ni, nye-ka lɛlɔ kpakplaa. Ɔsika uwi uletu asa na adubo-ka bɔda búwi na atɔlɔ etéduo kekpine, kesii kani na ukyuli ɔdi ɔsɔ ulabla kabla kadi iye ulie uteeti kasusu kadi iye ɔti lɛla lɛdi muedi.

Yeremia 3:10

Na ɔni násɔ úbie útulo ƒui ndi ɔni na Yuda ɔ́nyi ɔkɔ ɔ́bla lɛlɔ aani si bunwini na ɔ́sɔ únwini úbo-mi kudɔ.

Mateo 6:16

“Na si biilie kɔka ni, bitabla anumi nyanyaanya aani anumi lɛlɔ bekyuli kalɛ. Baanyina anumi kalɛ na ukyuli biala ɔnu-ma ɔti ka beelie kɔka sɔsɔ. Mɔɔsu-mii nwaa nnii báaƒɔ bana lɛyuƒɔla ƒui báwɔlɔ.

Romaƒuɔ 14:6

Ukyuli ɔni mɔɔbu limeyi lɛdi ni, Blɔti na uute ɔbu. Na ukyuli ɔni na adila adi lɛnɔ na ɔɔdi ni, Blɔti na uute ɔbu, ɔsika ɔ́gya Katɔti enu na ana lili. Na ukyuli ɔni néni na uládi adila adi lɛnɔ ni, ɔɔbla lɛni teeti taabu Blɔti. Na ɔɔgyá Katɔti enu.

Romaƒuɔ 14:8

Si buli ngba ni, bulie bute Blɔti. Na si búkpi lɛnɔ ni, búkpi búte Blɔti. Anwuɔsu si buli o-o iye búkpi o-o ni, Blɔti ɔdi kani na bɔdi.

Eƒesoƒuɔ 5:22

Amii beleku biboku lɛlɔ kalɔ bite bina bagya aani kalɛ na biiboku lɛlɔ kalɔ teete Blɔti.

Koloseƒuɔ 3:17

Na lɛla biala lɛni na bɛɛsu iye bɛɛbla kemmo ni, bɛbla-ni na Blɔti Yesu lɛnyi kemmo. Na bitaagya Katɔti enu taasiaku Blɔti Yesu lɛlɔ.

Petro 1 1:22

Ka bɛɛdi litemi geen lɛmmɔ lɛlɔ na bɛ́bla lɛlɔ sɛɛn ka Katɔti úti bina ekpidi ɔ́kyiɛ-mii na bɛɛyɔ́ lɛlɔ ɔƒɛni ɔsu ni, bɛya na bina baƒɔtaadine bakpana bɔyɔ bɔkɔ katɔ bubu ku kayi ƒui.

Petro 1 2:13

Unwoti ɔni na biimwi ɔsu ni, biboku lɛlɔ kalɔ bite bina lɛlɔ badine ƒui ku Roma aban ɔgadine unengu na kalɔ kammɔ lɛlɔ

Petro 1 2:15

Ɔsika lɛni na Katɔti ɔɔyɔ́ ɔnii bɛbla lɛbuni na biti bɛdu ala ani na badɔlɔdi baasu kɔƒa ka baaagyi lɛla lɛdi ɔsu.