Koloseƒuɔ 3:17 - Katɔti Ɔku Kedee

¹⁷ Na lɛla biala lɛni na bɛɛsu iye bɛɛbla kemmo ni, bɛbla-ni na Blɔti Yesu lɛnyi kemmo. Na bitaagya Katɔti enu taasiaku Blɔti Yesu lɛlɔ.

Koloseƒuɔ 3:17 ပူးပေါင်းရင်းမြစ်များ

Baga 1 18:32

Na úti atabi ammɔ ɔ́tu lɛkpabi na Unwoti lɛnyi kemmo na úku ubu ɔ́mana lɛkpabi lɛmmɔ kalɛ na ntu alɔkumbui anyɔ eduo ubu ɔmmɔ kemmo.

Agba 3:6

Nu-nwu ti na ƒula lilu ƒui lɛlɔ, na ɔdubɔtɔnku-ɔ na ƒula kasiakɔ ƒui.

Mika 4:5

Kadi bamba bekyuli badubɔsiaku bana baƒiɔ, nsu abu amu bɔdubɔsiaku bula Unwoti Katɔti uwi ndi uwi.

Mateo 28:19

Anwuɔsu biteesie kayawi kadi biala bekyuli akɔ na bɛtina-ma ala kalɛ na benwini mina batɛyane. Na bɛkpila-ma ntu na Ati ku Ubi ku Katɔti Kɔyu lɛnyi kemmo.

Batalane Kabla 19:17

Lɛla lɛni nálɛ mɛni lígyingya na líyi Eƒeso ƒui ɔni na Yudaƒuɔ ku ɔma ɔmmɔ bekyuli ƒui bénu. Ɔmɛni ɔsu ni, liƒu lɛ́da-ma geen, na Blɔti Yesu lɛnyi lɛ́sɔ lɛ́ƒɔ kuye líbu.

Batalane Kabla 4:30

Tuku bekyuli na abwi-ma, na abla akɔla pii ebu na ƒ'ubidi Yesu Kedee lɛnyi kemmo.”

Romaƒuɔ 1:8

Kudeedi ni, nkɛnku Yesu Kristo lɛlɔ mɔɔgyá mina Katɔti enu na bina ƒui lili, ɔsika kayawi bekyuli ƒui beenú kalɛ na bɛ́ƒɔ Kristo bɛ́di.

Korintoƒuɔ 1 10:31

Nsu nyimo ka lɛla biala na ɔdi aabla iye aadi iye aaní ni, ɔlɛka abla ana ƒui kalɛ na eti ɔbu ete Katɔti.

Eƒesoƒuɔ 1:17

Muuvele nnii Katɔti ɔni ndi Blɔti Yesu Kristo Ɔti na ɔdi bula Ɔti Buni geen ute-mii nwuna Kɔyu kɔni ndubɔya na bɛda anu na udie Katɔti ɔmmɔ ɔtina-mii. Na ɔya na bɛti-nwu kaduɛ bibu.

Eƒesoƒuɔ 5:20

Na bɛgya Katɔti ɔni ndi bula Ɔti enu na Blɔti Yesu Kristo lɛnyi kemmo uwi biala na lɛla biala ɔsu.

Ƒilipiƒuɔ 1:11

Na bɛnwu ebi ani mɔɔtina ka bise siin na bina ngba bulie kemmo ka bɛ́ƒɔ Blɔti Yesu Kristo bɛ́di ɔsu, na biti ɔbu ku bumwi bite Katɔti.

Ƒilipiƒuɔ 2:11

Na ukyuli biala ɔdubudie kenye ɔnii Yesu Kristo ndi Blɔti. Na beti bumwi bete Unwoti Katɔti.

Koloseƒuɔ 2:7

Binye kpakplaa na nwuna kemmo aani kalɛ na kugyii ugyiitu ɔɔnyí kalɔ kemmo. Na bina bɔƒɔtaadi buteesie anumi teebu aani kalɛ na bɔ́tina-mii mmɔ. Na bitaagya Katɔti enu uwi ndi uwi.

Koloseƒuɔ 3:15

Na bɛya Kristo ɔni muute keyi buɛɛ ɔdi lɛga na bina kayi kemmo. Ɔsika Katɔti ɔ́lɔ-bu ɔsala ɔnii bula ƒui bɔbla ɔlɔna unwi na bɔkɛ keyi buɛɛ. Na bitaagya enu.

Koloseƒuɔ 3:23

Na lɛla biala na bɛɛbla ni, bɛbla-ni ku kaƒɔ nwaa aani si Blɔti na bɛɛbla bite na ɔɔɔdi bekyuli.

Tesalonikaƒuɔ 1 1:1

Ami Paulo ku Silivano ku Timoteo búnweni ɔku ɔmɛni buute amii bani ndi Katɔti ku Blɔti Yesu Kristo badi na Tesalonika. Na bɔɔkpali katɔ bɔnii Blɔti lɛƒɔndia ku keyi buɛɛ kasiaku-mii.

Tesalonikaƒuɔ 1 5:18

Na biti enugya bite Blɔti na lɛla biala kemmo. Ɔsika amɛni ndi ala ani na Katɔti ɔɔwia taasiku amii bani ƒui nsiaku Yesu Kristo kama.

Tesalonikaƒuɔ 2 2:17

Buuvele-nwu bɔnii, ute-mii ɔyikun na ɔkya-mii kayi ogya kalɛ na bɛsu na bɛbla ala abuni ƒui lɛnɔ.

Hebriƒuɔ 1:5

Ɔsika ni, Katɔti útasu nwuna ɔtu ɔdi dii ɔnini, “Awɔ ndi mina ubi. Na ɔmwi ni, línwini-ɔ ɔti.” Na ɔ́sɔ útasu ɔtu ɔdi ɔnini, “Ami madi-nwu kɔti, na anwu wadi mina ubi.”

Hebriƒuɔ 13:15

Anwuɔsu ni, bɛya na bɔsia Kristo lɛlɔ na buteeti linugya akpala teete Katɔti. Na akpala ammɔ ndi kalɛ na buubó nwuna lɛnyi kedee kudu ku bula kenye.

Petro 1 2:5

Biti lɛlɔ bite Katɔti na ɔtu Kɔyu kemmo kakpakɔ aani kalɛ na ɔtune uuti atabi taatu ɔtɔ. Bɛdubɔbla bakpane kedee bani muuti Kɔyu kemmo akpala ani námanku teete Katɔti ɔkɛnku Yesu Kristo lɛlɔ.

Petro 1 2:9

Nsu amii ni, bɛdi bekyuli bani na Katɔti ɔ́ƒuna. Na bɛdi bakpane bani muumwi Katɔti ɔni ndi Ɔga. Bɛdi Katɔti bekyuli kedee bani na ɔ́lɔ ɔnii binwini anwu badi. Na amii ndubo nwuna ablala ebendi kudu bubo. Ɔsika anwu geen nálɔ-mii ɔ́lɛku likpidi lɛdisa kemmo úsienku ngba bɔƒɔ bukeye kemmo.

Petro 1 4:11

Lɛsa ɔkɔne biala ni, utaakɔ Katɔti litemi buni lɛmmɔ lɛsa. Na ukyuli ɔni muubunku bekyuli ni, uti ɔyikun ɔni na Katɔti úte-nwu ƒui uteebunku-ma. Na bekyuli basia Yesu Kristo lɛlɔ bemwi Katɔti na ulu biala lɛlɔ. Bumwi ku ɔyikun ɔdi Yesu Kristo ɔdi uwi ƒui. Ɔsia lɛni.

Yohane 1 2:23

Na ukyuli ɔni muuní Ubi ɔmɛni taasu ka ɔɔɔdi Katɔti Ubidi ni, anwu ku Katɔti beeebo kɔna. Na ukyuli ɔni muudie kenye taasu ka ɔ́ƒɔ Ubi ni, ɔ́ƒɔ Katɔti lɛnɔ.

Yohane 1 3:18

Mina bebi bayɔne, bitaya na bɔyɔ lɛlɔ ku kenyekplu. Mmomu biteebunku lɛlɔ geen.