Koloseƒuɔ 3:16 - Katɔti Ɔku Kedee

¹⁶ Bɛya na Kristo litemi buni lilie-mii kayi kemmo kaduɛ. Na bitaatina ala na bitaalɛ lɛlɔ na lɛnunda kemmo. Bitaatu Bunweni Kedee Ɔku kemmo lɛnu ku baƒɔtaadine lɛnu ku lɛnu lɛni nkɛnku Katɔti Kɔyu ala lɛlɔ teeti taagya Katɔti enu ku bina kayi ƒui.

Koloseƒuɔ 3:16 ပူးပေါင်းရင်းမြစ်များ

Baga 1 3:28

Uwi ɔni na Israelƒuɔ ƒui bénu kalɛ na ɔga ɔ́tɛ litemi lɛmmɔ ɔ́vinku ni, báyia ɔga ɔmmɔ. Ɔsika bánu báti ka Katɔti lɛnunda na úti ɔ́tɛ litemi lɛmmɔ.

Ala Alɛdi 1 25:7

Bekyuli bamɛni ƒui bumomo bɔdi nkyuli eti alɔ ku avlaatɛ-maane. Na bana ƒui badi bekyuli bani na bagyi lɛnu bɔtu ku agyala lɛlɔ kabla geen.

Nehemia 12:46

Na ɔ́si Dawid ku lɛnu ɔnwine Asaƒ uwi ni, bekyuli bákya bani mɔɔtɔnku lɛnu bediene na baatina-ma bumwi lɛnu ku linugya lɛnu lɛni beeti teemwi Katɔti.

Hiob 23:12

Na ńtalɛ nwuna ɔda bubo bɔdi lɛnɔ kama. Mmomu bɔ́ƒɔ-mi kuye geen, na nsiaku-mu kama lɛnɔ siin.

Kɔgya 119:11

Lɛ́klibi ƒula litemi lɛ́kya mina kayi kemmo kalɛ na naaabla likpidi lɛdi naaaƒiɔ-ɔ.

Kɔgya 119:54

Na uwi klukui ɔni na líbo ngba bulie mɛni kemmo ni, lɛ́nwi lɛnu lɛ́siku ƒula ɔda bubo etemila lɛlɔ.

Kɔgya 138:1

O mina Unwoti, ndubɔgya-a enu na limwi-ɔ ku mina kayi ƒui na lɛlɔ badine ku bayikune bamba bani náka bámana-a anumi.

Kɔgya 28:7

Unwoti mɔɔgyumana-mi na uute-mi ɔyikun. Nwuna lɛlɔ na mina kayi kasia na úbunku-mi sɔsɔ. Ɔmmɔ ɔsu na kayi kaayɔ́-mi geen. Na ndubɔtu enugya ɔnu lite-nwu.

Kɔgya 32:7

Awɔ ndi mina kabɛkɔ. Na adubɔgyumana-mi na ɔgbankpi uwi. Na ndubudie lɛnu lɛtina kalɛ na éti áƒɔ-mi.

Kɔgya 71:23

Awɔ nédie-mi, anwuɔsu ndububo kudu ku lɛlɔyɔ na lidie ɔnu ku mina kaƒɔ ƒui limwi-ɔ.

Agba 14:8

Banundane ni, baanu uwi ɔni ntɔ anumi ɔdubo ƒui taati lɛla lɛni ndubo libalɛ. Nsu badɔlɔdi ama bana lɛlɔ kani na baatɔ́lɔ.

Agba 18:1

Ukyuli ɔni muudie lɛlɔ lɛti ni, nwuna lɛla biala lɛ́ƒɔ-nwu anu. Na ngba ulu buni bamba biala kasusu na baakya-nwu ni, ulátunaku-mu munu munu!

Lɛnu Ƒui Ɔnu 1:1

Salomo lɛnu ƒui ɔnu ɔni na ɔ́nwi na bɔdubo bunu mɛni.

Yesaia 10:2

Na balátɛ litemi ulu lɛlɔ teete bawabane ku bekpinele ku bekpinebi kalɛ kɔnu kutuku-ma bana ala lɛlɔ.

Yesaia 26:1

1Na limeyi lɛmmɔ lɛlɔ ni, badubɔtu kɔgya kɔmɛni na Yuda badubɔtu ɔnu bedie banini, “Ɔƒɛni amu bɔ́kɛ kagyumanakɔ ɔma unengudi kpakplaa. Na Katɔti ɔ́ya na awodu ku awodu akpa ani náka ámana-nwu adi ngba bɔƒɔ.

Yesaia 30:29

Na Unwoti bekyuli badubo ɔnu budie aani kalɛ na beedie ɔnu si baadi limeyi kedee na usien. Unwoti ndi lɛtakpɛ lɛni lɛlɔ na Israel kadi bekyuli békpo bana kama. Na lɛlɔ lɛdubɔyɔ nwuna kadi bekyuli geen aani kalɛ na baakɛ lisu ku atoloyii bɔvwi si bákɔ bésela abi lɛlɔ kesii kani na beesié taatákpa-nwu mmɔ.

Yesaia 5:1

Ndubudie ɔnu lite mina ɔyɔne ɔsiku nwuna adingyii kemo lɛlɔ. Mina ɔyɔne ubo adingyii kemo kadi na kɔbi kaƒɔna kalɔ buni lɛlɔ.

Yeremia 15:16

Uwi ɔni na átɛmiku-mi ni, ebiti áda-mi geen ka lɛbla lɛsiaku lɛni kani, ɔsika awɔ Unwoti Ɔyikune Ƒui ɔdi na ndi.

Mateo 26:30

Amu na bátu ɔnu ɔdi béti bemwi Katɔti, na bávi bálɛ bésie Inɔ Egyii Kɔbi lɛlɔ.

Luka 2:51

Amu na Yesu ɔ́siaku-ma na bátɔlɔ bésie Nasaret, na úboku lɛlɔ kalɔ úte-ma. Na ala amɛni ƒui éduo uni kasusu kemmo úsie ɔgyu.

Yohane 15:7

Si biliku-mi na mina etemila ákɛ keliekɔ na bina lɛlɔ kemmo ni, bivele lɛla biala na bɛɛwia, na ndubute-mii.

Romaƒuɔ 10:17

Anwuɔsu ni, bɔƒɔtaadi bunye litemi lɛmmɔ bunu lɛlɔ. Na litemi lɛmmɔ bunu lɛkɛnku Kristo litemi lɛlɔ.

Romaƒuɔ 15:14

Banwa, ami ɔlati lɛ́ƒɔ lɛ́di geen ka ala abuni bɔbla bɔ́ƒɔ-mii lɛlɔ kemmo ƒui. Na bɛgyi ala ƒui kalɛ na biti ala ammɔ bɛtina lɛlɔ.

Korintoƒuɔ 1 14:15

Anwuɔsu bi na ɔdi ka lɛbla? Ndubɔkpali katɔ ku mina kɔyu bɔdi, nsu ndubɔkpali katɔ ku mina kasusu lɛnɔ. Na ndubudie lɛnu ku mina kɔyu, nsu ndubudie lɛnu ku mina kasusu lɛnɔ.

Korintoƒuɔ 1 14:26

Banwa, mɔɔwia ka liti lɛla lɛdi libunku ɔmɛni na bina bɔsa kemmo. Si uwi ɔni na bɛ́sa bɛnii bɛɛkpali katɔ ni, ɔdi ubo ɔnu ɔni na ɔɔyɔ́ ka udie, na ɔdi lɛnɔ ubo lɛla lɛdi na ɔɔyɔ́-ka ɔtina. Na ɔdi lɛnɔ ɔɔyɔ́ ka udie Katɔti lɛla lɛdi ɔtina. Na ɔdi lɛnɔ ɔdanku kenye kadi na adi lidu lidu kemmo, na ɔdi lɛnɔ kalɛ na udie ala ammɔ kalɔ. Nsu ɔlɛka bɛbla ala amɛni ƒui kalɛ na ute baƒɔtaadine lɛkpa lɛmmɔ kebunku.

Eƒesoƒuɔ 1:17

Muuvele nnii Katɔti ɔni ndi Blɔti Yesu Kristo Ɔti na ɔdi bula Ɔti Buni geen ute-mii nwuna Kɔyu kɔni ndubɔya na bɛda anu na udie Katɔti ɔmmɔ ɔtina-mii. Na ɔya na bɛti-nwu kaduɛ bibu.

Eƒesoƒuɔ 5:17

Ɔmɛni ɔsu ni, bitabla lɛlɔ aani bekyuli badɔlɔdi. Mmomu bɛwia na bɛti ala ani geen na Blɔti ɔɔyɔ́ ka bɛbla.

Eƒesoƒuɔ 5:19

Na biti Bunweni Kedee Ɔku kemmo lɛnu etemila bɛtɛmiku lɛlɔ, na bidie bɔƒɔtaadi lɛnu ku lɛnu lɛni ndanku Katɔti Kɔyu ala. Bɛtu lɛnu ku agyala biti bimwi Blɔti na bina kayi kemmo.

Eƒesoƒuɔ 5:26

Ɔ́bla ɔmɛni kalɛ na ɔbla nwuna ɔyɔne ɔmmɔ kedee. Na etemila ani na ɔ́su-nwu ɔsu ni, ɔ́bla-nwu sɛɛn aani kalɛ na beeti ntu taakpila ukyuli.

Koloseƒuɔ 1:28

Na ɔmɛni ɔsu na bɔɔsu Kristo lɛlɔ litemi lɛmmɔ teete ukyuli biala. Na bɔɔlɛ-ma na bɔɔtina-ma ala na lɛnunda ƒui kemmo kalɛ na ɔdi biala ɔda ɔlɛ Katɔti anumi na use siin ɔkɛnku lɛla lɛni na Kristo ɔ́bla úte ɔdi biala kenye.

Koloseƒuɔ 1:9

Anwuɔsu ɔ́si uwi ɔni na búnu-mii kɔku ni, bútada Katɔti bɔkpali na bina lili bútaya. Na buuvele Katɔti bɔnii ubimi bina kasusu kemmo na ɔya na bɛti nwuna lɛyɔla. Na nwuna Kɔyu kute-mii lɛnunda ku ala kalɔ bunu kalɛ na bɛti ala ani na ɔɔyɔ́ ka bɛbla.

Koloseƒuɔ 4:6

Bɛya na bina butemi bɔdia bunu na ɔda kubiti. Bɛya na Katɔti lɛnunda lɛkya-mii kemmo kalɛ na bɛti ala kenye budie bite ukyuli biala.

Tesalonikaƒuɔ 1 4:18

Anwuɔsu biti etemila amɛni bitaasia lɛlɔ kɔnu.

Tesalonikaƒuɔ 2 3:15

Nsu bitekisi ukyuli ɔmmɔ. Mmomu bɛlɛ-nwu aani bina ɔnwani kalɛ.

Timoteo 1 6:17

Su ama bani mbo kayawi ala pii anii batatalaku lɛlɔ katɔ na beteti bana anu batasia ala ani udu naaakana-ma bɔƒɔ lɛlɔ. Mmomu beti bana anu basia Katɔti lɛlɔ. Anwu muute-bu lɛla biala ku kaƒɔ ƒaa kalɛ na bɔkɛ lɛlɔyɔ.

Timoteo 2 3:15

Ka ɔ́si-ɔ lɛnamu uwi ni, áti Bunweni Kedee Ɔku kemmo etemila ani náya-a na áda anu na ebo ngba bɔƒɔ etemila ɔkɛ Kristo bɔƒɔtaadi lɛlɔ.

Tito 3:6

Katɔti úti nwuna Kɔyu úte-bu ku kuna ɔyikun pii ɔ́siaku bula Ɔƒɔne Yesu Kristo lɛlɔ.

Yakobo 1:5

Si bina akɔ ɔdi ɔɔyaki lɛnunda ni, ɔlɛka uvele Katɔti na ɔdubuti-ni ute-nwu, ɔsika Katɔti uuti-ni teete ukyuli biala ku kaƒɔ ƒaa.

Yakobo 3:17

Na lɛnunda lɛni nási Katɔti kudɔ ni, lise sɛɛn. Na lɛdanku keyi buɛɛ na ɔɔyá na ati kalɛ na ada lɛlɔ na ayɔ ƒula bakpana lɛnɔ. Ɔɔyá na ƒula ablala aanwu ebi buni na aanu bekyuli kɔnyana. Na ulánu bekyuli anumi taabla lɛla lɛdi. Mmomu aabla ala ulu lɛlɔ geen.

Yakobo 5:13

Si bina ɔdi ɔkya lɛbibo kemmo ni, ɔlɛka ɔkpali Katɔti na ɔdububunku-nwu. Na si lɛlɔ mɔɔyɔ́ ɔdi lɛnɔ ni, utaatu lɛnu teemwi Katɔti.

Yohane 1 2:14

Amii bebi bati ni, muunweni-mii ɔku ɔmɛni ɔsika bɛgyi Kristo ɔni nkya ɔ́si kayawi kalɔ kesekɔ. Na amii bakloƒu ni, muunweni-mii ɔku ɔmɛni ɔsika bibo ɔyikun na Katɔti litemi lɛmmɔ lɛ́ƒɔ-mii lɛlɔ kemmo, na bɛ́ɛdi ukisine ɔmmɔ lɛlɔ.

Yohane 1 2:24

Bɛnu kaduɛ na bɛya na ala ani na bínu ɔ́si kalɔ kesekɔ mmɔ áƒɔ-mii lɛlɔ kemmo ƒui. Na si bɛda-nya kaduɛ ni, bɛdubulieku Ubidi ku Ɔti ɔmmɔ ƒui uwi biala.

Yohane 1 2:27

Nsu amii ni, Kristo Kɔyu kɔ́ƒɔ-mii lɛlɔ kemmo, na Kɔyu kɔmɛni kɔmu kɔkya-mii lɛlɔ kemmo. Anwuɔsu ni, bɛsɔ biláwia ka ukyuli ɔdi ɔsɔ ɔtina-mii ala adi lɛnɔ. Ɔsika nwuna Kɔyu kɔɔtina-mii ala amɛni ƒui. Na ala ani na kɔɔtina adi litemi geen lɛmmɔ, na ɔɔɔdi ɔkɔ. Anwuɔsu biliku Kristo aani kalɛ na Kɔyu kɔmmɔ kɔ́tina-mii.

Yohane 2 1:2

Ɔsika litemi geen lɛmmɔ lɛ́ƒɔ abu ku-mii ƒui lɛlɔ kemmo na lɛdubulie-bu kudɔ uwi ƒui.

Budie Taatina 14:3

Na nkyuli mpim eti anyɔ ku aavlene-ine bamɛni badi bekyuli bani na bédie básiku kayawi na bákɛ ngba bɔƒɔ. Na bana ƒui benye lɛgaboku ku Katɔti ngba batu ine bammɔ anumi ku benengu bammɔ anumi. Na béteedie ɔnu ɔwɔdi ɔni na ama lɛti pɛ kani nákana-nwu bɔtɛya.

Budie Taatina 15:3

Na lɛnu lɛni na beedie mmɔ ni, lɛdi Mose ɔni ndi Katɔti kabla ɔblane ku Koƒonu Ubi ɔmmɔ lɛnu. Na beedie banini, “Blɔti ɔni mbo ɔyikun ƒui, ƒula ala bɔbla ébomo, na bulakana-nya kalɔ bunu. Na ƒula ablala ese siin, na ƒula etemila adi litemi geen. Awɔ ndi Uwi Ƒui Ɔga.

Budie Taatina 19:10

Mmɔ ni, lɛ́yu líbi kalɔ na nwuna lɛgba akɔ na límwi-nwu aani Katɔti kalɛ. Nsu ɔ́su-mi ɔnini, “Tabla lɛni! Ami lɛnɔ kabla ɔblane ɔkpana na ndi aani ƒula kalɛ ku ƒula banwa bakladi bani nsiaku Blɔti Yesu ala bɔtina kama. Katɔti kani na ɔlɛka emwi lɛni. Ɔsika ala ani na Yesu ɔ́tina ni, ana kenye budie ndi Kɔyu ɔyikun ɔni nákya Katɔti kenye bediene lɛlɔ kemmo.”

Budie Taatina 5:9

Bédie ɔnu ɔwɔdi ɔdi banini, “Awɔ námanku ka aƒɔ kakunkɛ kammɔ na amami kɔma kɔmmɔ. Ɔsika awɔ na bádu. Na ɔkɛnku ƒula ubugya akpala ɔsu ni, áƒɔ bekyuli lili kayu, na ásɔku-ma éte Katɔti. Awɔ náƒɔ-ma ásiku kadi ƒui bekyuli ku adi lidu biala batɛmine ku bekyuli lidu ƒui akɔ na kalɔ biala lɛlɔ.