Koloseƒuɔ 3:15 - Katɔti Ɔku Kedee

¹⁵ Na bɛya Kristo ɔni muute keyi buɛɛ ɔdi lɛga na bina kayi kemmo. Ɔsika Katɔti ɔ́lɔ-bu ɔsala ɔnii bula ƒui bɔbla ɔlɔna unwi na bɔkɛ keyi buɛɛ. Na bitaagya enu.

Koloseƒuɔ 3:15 ပူးပေါင်းရင်းမြစ်များ

Kɔgya 100:4

Bɛsia kakpakɔ kayakun na biduo Unwoti kudɔ ku linugya ku bumwi lɛnu.

Kɔgya 107:22

Ɔlɛka babla enugya akpala bete-nwu. Na bedie lɛlɔyɔ lɛnu bebo ala ebendi ani na ɔ́bla kudu batina kadi ƒui.

Kɔgya 116:17

Ndubuti linugya etela mbakpa lite-ɔ.

Kɔgya 29:11

Unwoti Katɔti uute nwuna kadi bekyuli ɔyikun. Na uute-ma kusɛ kusɛ na keyi kaayɔ́ku-ma.

Yesaia 26:3

Ukyuli ɔni na nwuna anu ku kasusu kasia-a lɛlɔ kpakplaa ni, adubɔda-nwu kɔkɔɔkɔ na uulie na atu bɔyɔ kemmo, ɔsika ƒula lɛlɔ na úkpo kama.

Yesaia 27:5

Na si use lɛni na békeli bébekpi-mi kɔtɔ na báwia ka buwi kenye ntu na bɔbla unwi ni, ɔdia-ma utulo.”

Yesaia 57:15

Bula Katɔti ɔni nse kedee uli katɔ kakaaka ƒui úsela uwi ƒui, na anwu mɔɔsu ɔnini, “Ina ka katɔ kakaaka kesii kani nse kedee na nli ni, nkya-mii akɔ mɛni ka libunku bani ƒui néboku lɛlɔ kalɔ na béti bana anu ƒui básia-mi lɛlɔ na baanu-mi anumi.

Yesaia 57:19

Na lɛya na bese kalɔ beteedie lɛnu teemwi-mi. Na mɔɔsu kpakplaa nnii wɛ na ɔdi ulie iye wɛ na uuulie ni, ami Unwoti ndubɔbwi ɔdi biala na ɔkɛ keyi buɛɛ.

Yona 2:9

Nsu ami ndubɔtu lɛnu limwi-ɔ na liti akpala lite-ɔ na lɛdi mina linyese lɛlɔ! Ɔsika ngba bɔƒɔ bɔɔsí Unwoti kudɔ.”

Yohane 14:27

“Keyi buɛɛ na lɛ́da muusé-mii. Na mina keyi buɛɛ na líti muute-mii. Ɔɔɔdi aani kalɛ na bayawine beete ukyuli keyi buɛɛ kalɛ. Kayi ku kasusu ketekpoku-mii na ala ani ndubo bɔlɛ lɛlɔ. Na bitayia.

Yohane 16:33

Ala amɛni na lɛ́su-mii kalɛ na kayi kasɔ kelékpoku-mii si biliku-mi. Kayawi bekyuli badubo bɔya na bibo abi. Nsu binye kpakplaa! Ɔsika lɛ́ɛdi kayawi kamɛni lɛbibo biala lɛlɔ.”

Romaƒuɔ 1:21

Ɔsika ina ka bekyuli bagyi Katɔti ni, beléte-nwu ɔbu ɔni námanku-nwu aani Katɔti kalɛ. Na balagya-nwu enu lɛnɔ. Mmomu bana kasusu kéƒu na baabla adɔlɔla. Na lɛdisa lɛ́ƒɔ-ma.

Romaƒuɔ 14:17

Ɔsika Katɔ Ɔga Ɔma ni, ɔɔɔdanku bɔdi ku bɔni. Mmomu ɔdanku lɛlɔ bɔbla siin ku keyi buɛɛ ku lɛlɔyɔ na Katɔti Kɔyu kemmo.

Romaƒuɔ 15:13

Muuvele nnii Katɔti ɔni ndi bula lɛnunsia ɔya na lɛlɔyɔ lɛƒɔ-mii lɛlɔ kemmo ƒui, na bɛkɛ keyi buɛɛ aani kalɛ na bíti bina lɛlɔ bɛ́sia-nwu lɛlɔ kenye, kalɛ na Katɔti Kɔyu ɔyikun ɔya na bina lɛnunsia lɛƒɔ-mii lɛlɔ kemmo ƒui.

Romaƒuɔ 5:1

Na ɔƒɛni ni, ka Katɔti ɔ́bla-bu siin ɔkɛnku bula bɔƒɔtaadi lɛlɔ ɔsu ni, Katɔti úte-bu keyi buɛɛ ɔkɛnku Blɔti Yesu Kristo lɛlɔ.

Korintoƒuɔ 1 10:17

Na ina ka bumomo ni, bɔdi ɔlɔna unwi pɛ. Ɔsika bodobodo unwi kani na bula ƒui bɔɔdi.

Korintoƒuɔ 1 7:15

Nsu si ukyuli ɔni naaadi ɔƒɔtaadine mmɔ ɔɔwia ka ɔtɔlɔ ɔni ndi ɔƒɔtaadine ɔmmɔ kudɔ ni, ɔkana na ɔtɔlɔ ƒaa. Na ulu ɔmɛni udu lɛlɔ ni, uleku ɔƒɔtaadine ɔmmɔ iye ɔnana ni, ubo kuƒi ka ɔbla lɛla lɛni na ɔɔyɔ́. Katɔti ɔ́lɔ-bu ɔnii bubelie ngba ku keyi buɛɛ.

Korintoƒuɔ 2 4:15

Bina kadia ɔsu na ala amɛni ƒui aalɛ́ lɛni. Na si bekyuli pii baakɛ́ bɔƒɔ teebu ɔkɛnku Katɔti lɛƒɔndia ɔsu ni, lɛni kani na badubo-nwu enu lɛnɔ butaagya teebu si beeti ɔbu teete Katɔti.

Korintoƒuɔ 2 9:11

Katɔti ɔdubɔya na bɛkɛ ala pii na lilu pii lɛlɔ kalɛ na amii lɛnɔ biteete bekyuli bamba ala pii. Na bekyuli bammɔ badubɔgya Katɔti enu na bina etela ani na búti búsienku-ma ɔsu.

Eƒesoƒuɔ 4:16

Anwu náya na ɔlɔna ɔmmɔ kɔkɛ ƒui kɔ́sala. Na ɔlɔna umodi ɔmmɔ ɔdanku lɛlɔ na ɔlɔna ekpo ani násala ɔsu. Anwuɔsu si ɔlɔna kakɛ biala kábla kaduɛ kalɛ na ɔ́manku ni, ɔlɔna umodi ɔmmɔ ɔɔyu ɔkplu na bɔyɔ kemmo.

Eƒesoƒuɔ 4:4

Ɔlɔna unwi pɛ ku Kɔyu kunwi pɛ nkya aani kalɛ na Katɔti ɔ́lɔ-bu na bubo lɛnunsia linwi pɛ na bɔlɔ bɔmmɔ kemmo.

Eƒesoƒuɔ 5:1

Ka bɛdi Katɔti bebi bani na ɔɔyɔ́ ɔsu ni, amii lɛnɔ bɛkya ɔkplu na bɛlɛ-nwu.

Eƒesoƒuɔ 5:20

Na bɛgya Katɔti ɔni ndi bula Ɔti enu na Blɔti Yesu Kristo lɛnyi kemmo uwi biala na lɛla biala ɔsu.

Koloseƒuɔ 2:7

Binye kpakplaa na nwuna kemmo aani kalɛ na kugyii ugyiitu ɔɔnyí kalɔ kemmo. Na bina bɔƒɔtaadi buteesie anumi teebu aani kalɛ na bɔ́tina-mii mmɔ. Na bitaagya Katɔti enu uwi ndi uwi.

Koloseƒuɔ 3:17

Na lɛla biala lɛni na bɛɛsu iye bɛɛbla kemmo ni, bɛbla-ni na Blɔti Yesu lɛnyi kemmo. Na bitaagya Katɔti enu taasiaku Blɔti Yesu lɛlɔ.

Tesalonikaƒuɔ 1 5:18

Na biti enugya bite Blɔti na lɛla biala kemmo. Ɔsika amɛni ndi ala ani na Katɔti ɔɔwia taasiku amii bani ƒui nsiaku Yesu Kristo kama.

Timoteo 1 2:1

Lɛla lideedi lɛni na mɔɔyɔ́ ka bɛti ndi ka bitaakpali katɔ na biteevele na bekyuli ƒui lili. Na biteeti amii ku-ma ƒui awiala taava Katɔti anumi.

Timoteo 1 6:12

Nye bɔƒɔtaadi kabla lɛlɔ kpakplaa na adi lɛlɔ na akɛ ngba bɔni nsɔ naaadubo bɔyii kudii. Ngba bɔmɛni ɔsu na Katɔti ɔ́ƒuna-a uwi ɔni na édie ƒula lɛlɔ kalɔ na baƒɔtaadine bakladi anumi.

Hebriƒuɔ 13:15

Anwuɔsu ni, bɛya na bɔsia Kristo lɛlɔ na buteeti linugya akpala teete Katɔti. Na akpala ammɔ ndi kalɛ na buubó nwuna lɛnyi kedee kudu ku bula kenye.

Budie Taatina 7:12

Na báyu bébi kalɔ na lɛgaboku lɛmmɔ anumi na beemwi Katɔti, na baasu banini, “Ɔsia lɛni! Bula Katɔti uukeye, na ubo lɛnunda ku ɔbu ku kenyekɔ ku ɔyikun, na ɔ́manku bumwi ku linugya ɔ́si ɔƒɛni úsela ƒui! Ɔsia lɛni.”