Koloseƒuɔ 3:12 - Katɔti Ɔku Kedee

¹² Amii lɛnɔ bɛdi Katɔti bekyuli bani na ɔ́ƒuna mmɔ badi. Ɔmɛni ɔsu bitaabla lɛƒɔndia teete bekyuli, na bitaanu bekyuli kɔnyana, na biteeboku lɛlɔ kalɔ, na bitaanyuɛ lɛlɔ ku kayi buɛɛ.

Koloseƒuɔ 3:12 ပူးပေါင်းရင်းမြစ်များ

Yesaia 42:1

Unwoti ɔnini, “Aanu mina kabla ɔblane ɔni na lɛ́ƒuna, mɔɔyɔ́-nwu geen na nnye-nwu kama kpakplaa lɛnɔ. Líti mina Kɔyu lɛ́kya-nwu lɛlɔ kemmo, na ɔdubuti ala bɔbla ulu lɛlɔ siin buboku kayawi kadi bekyuli ƒui.

Yesaia 45:4

Kores, ina ka aaagyi-mi ni, lɛ́kpali-ɔ ku lɛnyi lɛni na lɛ́sia-a na líti ɔbu líte-ɔ geen na mina kadi bekyuli Israelƒuɔ bani na lɛ́ƒuna na badi mina kabla bablane ɔsu.

Yesaia 63:15

Unwoti, nwini anumi na anu-bu na kalɔ mɛni asiku ƒula keliekɔ kedee na katɔ kakaaka kesii kani muukeye mmɔ. Wɛ na ƒula bɔyɔ ku ɔyikun ala ani na aabla teete-bu mmɔ bɔ́vi? Éni na asɔ aaada-bu kɔkɔɔkɔ ku kɔnyana bɔnu.

Yesaia 65:22

Ukyuli ɔdi uláƒɔ bana lɛtɔ lɛni bátu iye bana mmo bɔni na bése. Na mina kadi bekyuli baƒunadi bamɛni badubulie babi lɛlɔ aani egyii na badi ala ani na ama alati béti bana enu bábla.

Yesaia 65:9

Ndubo Yakob kaba kemmo bawɔ bɔƒuna ku Yuda lɛnɔ. Na ama na ndubɔya na beti mina abi ammɔ ƒui benwini bana ɔdi. Na mina bekyuli baƒunadi bamɛni na ndubɔya na beti bana kalɔ kammɔ na belie-ka lɛlɔ.

Yeremia 31:20

Israel kadi bekyuli, ami ɔlati mina bebi bani mɔɔyɔ́ geen na bɛdi. Ɔɔɔdi ami na mɔɔyɔ́ teetulo ƒui na kadi bekyuli akɔ yoo? Ina ka muubó-mii lɛnimi enwu ku kɔnyi taasu ka ndubo-mii bɔtina ni, bɔyɔ na mɔɔyɔ́ ka bɛni bide-mi na lɛnu-mii kɔnyana. Ami Unwoti násu.

Yeremia 31:3

Uwi ɔdi návi ni, Unwoti údie lɛlɔ ɔ́tina-mi na ɔ́su ɔnini, “Israel, ndubo butaayɔ-ɔ uwi ndi uwi, anwuɔsu na lɛ́kɛku-ɔ kayi buɛɛ na muuwiku-ɔ lɛlɔ ku kɔnyana bɔnu.

Esekiel 16:8

“ ‘Na uwi ɔni na lɛsɔ lɛnu-ɔ na ɔmmɔ kama ni, na éedu kalɛ na ati ɔnana. Ɔmmɔ ɔsu líti mina awu gyɔlɔɔ ɔmmɔ kakɛ kadi líbi-ɔ lɛlɔ na lɛ́bɛla-a kasɔngya líti lɛ́tina-a ka ndubo-ɔ bɔgyumana. Na líse-ɔ kenye kpakplaa na búnyimi ka enwini Unwoti Katɔti ami ɔdi na ntaanu-ɔ lɛlɔ.

Mateo 24:22

Nsu ni, Katɔti ɔ́ɔƒana emeyi ammɔ. Si ɔɔɔdi lɛni ni, ukyuli ɔdi ɔsɔ uuubo ngba. Nsu bekyuli bani na Katɔti ɔ́ƒuna úse ɔsu na ɔdubɔƒana emeyi ammɔ.

Mateo 24:24

Ɔsika bekyuli badubɔta banyi ɔkɔ banii ama ndi Ukyuli Ɔƒunadi ɔmmɔ, na badi lɛnɔ basu banii Katɔti kenye bediene badi. Na badubɔbla akɔla budie bɔtina ebendi lidu lidu, kalɛ na si nka bakana ni, beti batɔlɔ bekyuli bani na Katɔti ɔ́ƒuna úse muedi.

Mateo 24:31

Badubɔvwi kakpɛɛ. Na Ukyuli Ɔyawine Ubi ɔdubɔtala nwuna batu na basi katɔ betédie bekyuli baƒunadi ƒui basiku kayawi kesii biala.

Marko 13:20

Nsu Unwoti ɔ́su úse ka ɔdubɔƒana emeyi ammɔ. Ɔsika si ɔɔɔdi lɛni ni, ukyuli ɔdi biala ulébu. Nsu na nwuna bekyuli bani na ɔ́ƒuna ɔsu ni, ɔdubɔƒana emeyi amɛni.

Marko 13:22

Ɔsika ama bani ndubɔbla lɛlɔ aani Kristo ku Katɔti kenye bediene kedee pii badubudie lɛlɔ keyi. Badubɔbla akɔla ku ayiala pii kalɛ na si bakana ni, na batɔlɔ Katɔti bekyuli bani na ɔ́ƒuna lɛnɔ.

Marko 13:27

Na ndubɔtala mina katɔ batu na kayawi lɛƒɛnyi ine lɛmmɔ lɛlɔ na basala mina bekyuli bani na lɛ́ƒuna lise mmɔ básiku kalɔ kawɔlɔkɔ kamɛni utédu kawɔlɔkɔ kani ngye.

Luka 1:78

Bula Katɔti use buɛɛ, na ɔɔnu kɔnyana. Ɔdubɔtala Ɔƒɔne ɔkya-bu ɔni muukeye aani kalɛ na ɔƒɛ ɔɔtu.

Luka 18:7

Na ɔƒɛni ni, bɔtɛ na Katɔti ulatɛ litemi uledie nwuna bekyuli bani muuwulo taakpali-nwu usien ku ɔƒɛ banii ubunku-ma? Munuu bɛɛkali bɛnii ɔdubɔkpɛ kama ku bana bɔƒɔ?

Romaƒuɔ 1:7

Ɔmɛni ɔsu na muunweni ɔku ɔmɛni lite amii bani ƒui nkya Roma na Katɔti ɔɔyɔ́-mii, na ɔ́lɔ-mii ka bɛbla nwuna badi. Katɔti ku Blɔti Yesu Kristo lɛƒɔndia ku keyi buɛɛ kasiaku-mii.

Romaƒuɔ 13:14

Mmomu biti Blɔti Yesu Kristo bɛkya aani awu, na bɛda kasusu bidie ɔlɔna ala keeke ani mɔɔda-mii ɔkwɛ lɛlɔ.

Romaƒuɔ 9:11

Nsu ni, Katɔti ubo ulu ɔni na ɔɔsia taaƒuna bekyuli. Na kalɛ na ubo-nwu kemmo lɛni ɔsu ni, Katɔti ɔ́su lɛla lɛdi úse asa na badubɔwɔ nta bamɛni iye asa na nta bammɔ bati lɛbuni ku likpidi. Na ulu ɔni lɛlɔ na ɔɔsia mmɔ ɔɔɔkɛnku bana kabla kadi lɛlɔ. Mmomu ɔ́su Rebeka ɔnini, “Ubi unengudi ɔdubunwini ɔnamudi kabla ɔblane.”

Korintoƒuɔ 1 13:4

Bɔyɔ bɔɔkɛ́ kayi na bɔɔbla kaƒɔ buni. Buuubo lɛnungyie na bulákun lɛmɛnɛ iye bɔtalaku lɛlɔ katɔ.

Korintoƒuɔ 2 6:6

Búdie lɛlɔ bɔ́tina ka bɔdi kabla bablane babuni na kalɛ na bɔda lɛlɔ sɛɛn ku kalɛ na bɔgyi Katɔti litemi buni lɛmmɔ. Buuwi lɛlɔ buɛɛ ku bula ablala na bekyuli akɔ, na bɔɔbla lɛƒɔndia. Katɔti Kɔyu kɔɔkya-bu lɛlɔ kemmo, na bɔɔyɔ́ bekyuli ku kaƒɔ nwaa.

Galatiƒuɔ 5:6

Na si bɔ́bla unwi ku Kristo ni, lego bukulo ku tekulo ɔsɔ uuubo kɔsia kɔdi. Lɛla lɛni bɔɔwia ndi bɔƒɔtaadi bɔni mɔɔtina kalɛ na bɔɔyɔ́ lɛlɔ.

Eƒesoƒuɔ 1:4

Ɔsika ɔkɛnku Kristo ɔmmɔ lɛlɔ na Katɔti ɔ́ƒuna-bu úse asa na údie kayawi kalɛ na bɔlɛ sɛɛn na nwuna anumi na bɔƒiɔ bɔdi bulakya-bu lɛlɔ.

Eƒesoƒuɔ 4:2

Biteeboku lɛlɔ kalɔ uwi biala kemmo na bɛda lɛlɔ buɛɛ na bɛyala lɛkɔ na biteebunku lɛlɔ biti bɛtina ka bɛɛyɔ́ lɛlɔ sɔsɔ.

Eƒesoƒuɔ 4:24

Na biti udu ɔni mɔɔtina ka bise siin bɛda. Ɔsika Katɔti údie-mii ka bɛbla kedee aani anwu kalɛ.

Eƒesoƒuɔ 4:32

Mmomu ni, bitaanyuɛ lɛlɔ, na bina lɛlɔ litaakywi-mii kaƒɔ. Na biteeti bina bɔƒiɔ taakyiɛ lɛlɔ aani kalɛ na Katɔti úti ɔ́kyiɛ-mii ɔkɛnku Kristo lɛlɔ.

Ƒilipiƒuɔ 1:8

Na Katɔti ɔlati nnye-mi kama ka litemi geen na mɔɔsu nnii bina ala akya-mi kayi kemmo geen aani kalɛ kani na Yesu Kristo ɔɔyɔ́-mii kalɛ.

Koloseƒuɔ 3:10

Na bínwini bekyuli bawɔdi. Na Katɔti ɔɔyá na bɛɛdia teebu, na bina udu ɔbla aani anwu ɔdi kalɛ na bɛti-nwu geen.

Tesalonikaƒuɔ 1 5:15

Bɛnu kaduɛ na ɔdi uteti likpidi utaƒɔ likpidi kayu. Mmomu uwi biala kemmo ni, bitaabla lɛbuni teete lɛlɔ ku bekyuli ƒui.

Timoteo 2 1:9

Blɔti ɔmmɔ náƒɔ-bu ngba na ɔ́lɔ-bu ɔnii bunwini nwuna bekyuli. Ɔɔɔdi bula lɛbuni lɛni na bɔ́bla ɔsu. Mmomu ni, Katɔti ɔmmɔ ɔlati kasusu ku lɛƒɔndia lɛni na ubo ute-bu ɔsu. Na ɔkɛ Yesu Kristo lɛlɔ na bɔ́kɛ Katɔti lɛƒɔndia lɛmɛni asa na údie kayawi.

Timoteo 2 2:10

Ɔmɛni ɔsu na mɔɔƒɔ́ lɛla biala teebweli na Katɔti bekyuli baƒunadi ɔsu, kalɛ na ama lɛnɔ bakɛ bɔƒɔ bɔni na Yesu Kristo lɛlɔ kani na bɔɔsia na buuti ngba ƒui lɛlɔ bɔyɔ teete-bu.

Tito 1:1

Ami Paulo ɔni ndi Katɔti kabla ɔblane ku Yesu Kristo ɔtalane ni, ami muunweni-ɔ ɔku ɔmɛni. Katɔti ɔ́ƒuna-mi na ɔ́tala-mi ɔnii mbunku nwuna bekyuli baƒunadi bɔƒɔtaadi na lɛtɔnku-ma na banu litemi geen lɛni na bula bɔƒɔtaadi ulu ɔɔtina bati.

Petro 1 1:2

Unwoti Katɔti ɔlati náƒuna-mii na nwuna bɔyɔ kenye. Na ɔ́ya na nwuna Kɔyu kɔ́bla-mii nwuna bekyuli kedee ka bɛ́di Yesu Kristo litemi lɛlɔ ɔsu. Na nwuna ubugya ɔ́bla-mii lɛlɔ sɛɛn. Muuvele nnii Katɔti lɛƒɔndia ku keyi buɛɛ kasiaku bina ƒui uwi biala kemmo.

Petro 2 1:10

Banwa, ɔmɛni ɔsu ni, binye kpakplaa bibu. Na lɛla lɛni na Katɔti ɔ́lɔ-mii na ɔ́ƒuna-mii ɔnii bɛbla ni, bɛkya-ni ɔyikun uwi biala kalɛ na bina bɔƒɔtaadi bulayuɛ.

Yohane 1 4:19

Bɔɔyɔ́ Katɔti ku bekyuli ɔsika Katɔti náka-bu bɔyɔ.

Yohane 2 1:13

Ƒula ɔnwani ulekubi ɔni lɛnɔ na Katɔti ɔ́ƒuna bebi beegyele-ɔ kaduɛ.

Budie Taatina 17:14

Na badubɔta na bekpoku Koƒonu Ubi ɔmmɔ. Nsu Koƒonu Ubi ɔmmɔ ku nwuna bekyuli baƒunadi ku nwuna baƒɔtaadine geen badubo-ma lɛlɔ bɔdi. Ɔsika anwu ndi Blɔti ɔni ndi Bati Ƒui Ɔti ku Baga Ƒui Ɔga.”