Koloseƒuɔ 3:11 - Katɔti Ɔku Kedee

¹¹ Ɔmɛni ɔsu kavumana kadi keeebo bani ndi Yudaƒuɔ ku bani naaadi Yudaƒuɔ ntɛ, iye bani muukúlo ago ku bani neeekulo ntɛ. Lɛni kani na kavumana kadi keeebo bani ndi baƒɔ ku bani nási Sitia ku bekyuli bani mɔɔbla bekyuli bamba kabla ku bani mɔɔbla ama alati kabla ntɛ. Mmomu Kristo ndi-bu lɛla biala, na ulie ɔdi biala lɛlɔ kemmo.

Koloseƒuɔ 3:11 ပူးပေါင်းရင်းမြစ်များ

Kɔgya 117:2

Ɔsika ɔɔbla-bu lɛƒɔndia, na ɔɔdi nwuna litemi lɛlɔ teete nwuna bekyuli uwi ƒui. Bɛya na bumwi Unwoti.

Yesaia 49:6

Unwoti ɔ́su-mi ɔnini, “Ndubo-ɔ kabla kenengudi kɔnu bɔkya butulo ka akpanku Yakob adua ammɔ ƒui ku Israelƒuɔ bani nébu eboku-mi kani. Mmomu ndubɔbla-a na enwini bukeye ete kadi bamba bekyuli ƒui kalɛ na bayawine ƒui bakɛ ngba bɔƒɔ.”

Yesaia 52:10

Unwoti údie nwuna ɔyikun bonwu keyi ɔ́tina kadi bekyuli ƒui. Na ɔƒaani ni, ukyuli biala ɔdubɔnu ɔti bula Unwoti Katɔti ɔni mɔɔƒɔ́ ukyuli ngba.

Yeremia 16:19

Lɛ́kpali Katɔti lívele nnini, “Bula Ɔti, awɔ ndi ukyuli ɔni muute-mi ɔyikun na aagyumana-mi kpakplaa si líduo lɛbibo kemmo. Bekyuli badubɔsi ɔlɔgyu bebo-ɔ kudɔ na babasu-ɔ banini, ‘Bula bati kuuku bákpa baƒiɔ bani neeebo kɔsia kɔdi na balásu litemi geen lɛdi lɛnɔ,

Esekiel 47:22

Kadubo Israelƒuɔ kadi bunwini ku baƒɔ bani ƒui nkya-ma kudɔ na báwɔ béte Israelƒuɔ. Ɔdi ka banu baƒɔ bamɛni aani Israelƒuɔ bebi na bada-ma lɛni kani na bele kalɔ kammɔ

Hosea 2:23

Na ndubɔnu-nwu kɔnyana anwu ɔni na nka lɛ́lɔ nnii kɔnyana tanu. Na ama banii na nka nnii baaadi mina badi ni, badubunwini mina badi. Na ama lɛnɔ badubɔsu banii, ‘Awɔ ndi bula Katɔti.’ ”

Amos 9:12

Mmɔ na Edom bekyuli bani nébu ku kadi ƒui bekyuli bani na lɛ́lɔ aani mina badi badubɔwia-mi kama ulu. Lɛni na Unwoti ɔni mɔɔbla ala amɛni ƒui ɔ́su úse.

Mika 4:2

Kadi bekyuli badubɔsi kɔlɔ pii lɛlɔ bebo na babasu banini, “Bɛya na bɔkɔ busie Unwoti, Yakob Katɔti, kɔbi lili na nwuna kakpakɔ na ɔtina-bu nwuna lilu na bɔsia-ni lɛlɔ.” Ɔsika Sion mmɔ na badubɔtina-bu ala na bunu Unwoti litemi bɔsiku Yerusalem.

Sakaria 2:11

Na si uwi ɔni na úbo-nwu kemmo lɛni ni, kadi bekyuli pii badubunwini bebo Unwoti kudɔ na benwini nwuna bekyuli na uwi ɔmmɔ lɛlɔ, na badubɔnu bati ka Unwoti kenye udiene na ɔdi sɔsɔ.

Malakai 1:11

Ɔ́si ɔƒɛ katukɔ útédu ɔƒɛ kanukɔ ni, bekyuli badubumwi-mi lɛnyi na bakyula oloƒui na kadi biala bekyuli akɔ na kalɔ lɛlɔ, na badubɔbla akpala ani námanku bete-mi.

Yohane 14:23

Mmɔ na Yesu údie kenye ɔnini, “Ukyuli biala ɔni mɔɔyɔ́-mi ni, ɔdubɔdi mina ala ani mɔɔtina lɛlɔ. Na mina Ɔti ɔdubɔyɔ-nwu. Na ami ku mina Ɔti bɔdububo-nwu kudɔ na abu ku-nwu bɔsɔ bulie.

Yohane 15:5

“Ami ndi kɔdingyii kɔmmɔ, na amii ndi kuna kɔgba. Ukyuli ɔni nliku-mi na ami lɛnɔ nliku-nwu ni, ɔɔnwu ebi pii. Ɔsika bilakana lɛla lɛdi bɔbla si liiibo-mii kemmo.

Yohane 17:23

Ami nliku-ma, na awɔ eliku-mi. Ya na babla unwi bawɔlɔ kalɛ na kayawi bekyuli banu bati ka awɔ nátala-mi, na aayɔ́-ma kalɛ kani na aayɔ́-mi.

Batalane Kabla 15:17

Mmɔ asa na bekyuli bani nébu ku ama bani naaadi Yudaƒuɔ ƒui bani na lɛ́lɔ aani mina badi badubɔwia-mi kama ulu. Lɛni na Unwoti ɔni mɔɔbla ala amɛni ƒui ɔ́su úse.

Batalane Kabla 28:2

Amu na kalɔ kamɛni lɛlɔ bekyuli báƒɔ-bu kaduɛ. Ka ɔnantu ku kɔyɔ uwi na ɔdi ɔsu ni, básala-bu ogya bonwu ɔdi na ketudɔ mmɔ na béte-bu eduo.

Batalane Kabla 28:4

Amu ka kalɔ kamɛni lɛlɔ bekyuli bánu ka kɔlakpi kɔmɛni kɔ́ƒa-nwu kɔnu lɛlɔ ni, básu lɛlɔ banini, “Bekyuli ɔdune na ukyuli ɔmɛni ɔdi. Anwuɔsu baƒiɔ baláya-nwu wakɛ ngba ina ka úkeli ɛpu kemmo kukpi.”

Romaƒuɔ 1:14

Kabla kamɛni ndi kayu kani nda bekyuli ƒui, Grikiƒuɔ ku bani naaadi Grikiƒuɔ ku bekyuli bani náda anu ku bani nádɔlɔ.

Romaƒuɔ 10:12

Ɔmɛni ɔɔtina ka ni, kavumana kadi keeebo Yudaƒuɔ ku bani naaadi Yudaƒuɔ ntɛ. Na Blɔti ɔdi bula ƒui Ɔti, na uute bekyuli bani ƒui mɔɔkpali-nwu ala abuni.

Romaƒuɔ 3:22

Katɔti ɔɔyá na bekyuli baabla siin si báƒɔ Yesu Kristo bádi. Ɔɔbla ɔmɛni teete bekyuli bani ƒui náƒɔ Kristo bádi. Na ulákya kavumana kadi na bekyuli bammɔ ntɛ.

Romaƒuɔ 3:29

Munuu ni, Yudaƒuɔ lɛti pɛ ɔdi na Katɔti ɔdi? Na ɔɔɔdi bani naaadi Yudaƒuɔ ama ɔdi? Ɛɛn, ɔdi ama lɛnɔ ɔdi.

Korintoƒuɔ 1 12:13

Lɛni kani na use na abu bani ndi Yudaƒuɔ ku kadi bamba bekyuli akɔ ku bani mɔɔbla bekyuli bamba kabla ku bani mɔɔbla ama alati kabla lɛnɔ akɔ. Kɔyu kunwi kɔmmɔ kani na béti bábla-bu ntu bɔkpila ɔdi ɔmmɔ na bɔdi ɔlɔna unwi. Na Kɔyu kunwi kɔmmɔ na béte bula ƒui na bɔ́ni.

Korintoƒuɔ 1 14:11

Nsu si ɔdi ulénu lɛdi lɛni na mɔɔtɛmi kalɔ ni, na línwini ɔƒɔ na nwuna kudɔ, na anwu lɛnɔ únwini ɔƒɔ na mina kudɔ.

Korintoƒuɔ 1 7:19

Ɔsika si ɔdi ékulo lego iye étekulo lego ni, ɔmmɔ ɔɔɔda. Mmomu kalɛ na abla lɛla lɛni na Katɔti ɔ́su-bu ka bɔbla ni, anwu nda.

Galatiƒuɔ 2:20

Ami ku Kristo na bákana bámana ugyii lɛlɔ. Ɔsɔ ɔɔɔdi ami nli ngba, mmomu Kristo nli ngba na mina kemmo. Na ngba bɔni na nli ɔƒɛni ni, nli-mu ɔkɛnku ɔyikun ɔni na lɛ́kɛ ka lɛ́ƒɔ Katɔti Ubidi ɔmmɔ lɛ́di ɔsu. Anwu néti nwuna ngba ɔ́kpa na mina lili, ɔsika ɔɔyɔ́-mi.

Galatiƒuɔ 5:6

Na si bɔ́bla unwi ku Kristo ni, lego bukulo ku tekulo ɔsɔ uuubo kɔsia kɔdi. Lɛla lɛni bɔɔwia ndi bɔƒɔtaadi bɔni mɔɔtina kalɛ na bɔɔyɔ́ lɛlɔ.

Eƒesoƒuɔ 1:23

Baƒɔtaadine bamɛni badi Kristo ɔlɔna na beedie-nwu keyi na ulu biala lɛlɔ ka anwu ndi ukyuli ɔni náƒɔ lɛla biala kemmo ƒui.

Eƒesoƒuɔ 2:14

Ɔsika Kristo ɔlati úte-bu bɔnwuna uwi ɔni na úti Yudaƒuɔ ku bani naaadi Yudaƒuɔ ƒui ɔ́sala. Na údie bukisi bɔni nse anii kowodu na ɔkya bana ntɛ.

Eƒesoƒuɔ 2:15

Úti nwuna ɔlɔna ɔ́kpa úte Katɔti aani ala ani na beti bakpa bedie ekisila ani na Yudaƒuɔ ɔda bubo ƒui bɔdanku. Lɛla lɛni ɔsu na úti lɛlɔ ɔ́kpa ndi ka uti bana akpa anyɔ bammɔ ɔsala na babla benwi na nwuna kemmo, na keyi buɛɛ kebo-ma akɔ.

Eƒesoƒuɔ 3:17

Na muuvele nnii Kristo ɔsia bina bɔƒɔtaadi lɛlɔ na ulie-mii kayi kemmo kalɛ na si bina bɔyɔ bɔni na bibo búdie litu na bɔda kalɔ kpakplaa aani kugyii kalɛ ni,

Eƒesoƒuɔ 3:6

Na lɛbɛla lɛmmɔ ndi ka bani naaadi Yudaƒuɔ lɛnɔ benwini Katɔti ala badine aani bekyuli bani na ɔ́ƒuna kalɛ na babla ɔlɔna ɔmmɔ kakɛ kadi. Na ɔkɛnku Kristo Yesu lɛlɔ ni, badubɔkɛ ala ani na Katɔti ɔ́su nwuna bekyuli úse.

Eƒesoƒuɔ 6:8

Si ukyuli ɔdi ɔɔbla ukyuli bamba kabla iye ɔɔbla anwu ɔlati kabla ni, ɔlɛka ɔbla-ka kaduɛ. Ɔsika ɔdubɔƒɔ lɛyuƒɔla ɔsiku Blɔti kudɔ.

Koloseƒuɔ 2:10

Na Katɔti ɔɔyá na bɔɔlɛ́ lili taawɔlɔ ɔkɛnku abu ku Kristo unwi bɔbla ɔsu. Na Kristo ɔmɛni mɔɔdi bayikune ku kenyekɔ biala lɛlɔ.

Yohane 1 5:20

Na abu bɔgyi lɛnɔ ka Katɔti Ubidi úbo kayawi kamɛni úbedie ala kalɔ úte-bu kalɛ na bɔti anwu ɔni geen ndi Katɔti. Na ɔƒaani ni, buliku anwu ɔni geen ndi Katɔti ɔmmɔ ku nwuna Ubidi Yesu Kristo lɛnɔ. Na anwu geen ndi Katɔti ɔmmɔ ɔni ndi ngba bɔni nsɔ naaadubo bɔsa kudii.

Yohane 2 1:9

Ukyuli ɔni náda ɔ́via Kristo ala bɔtina na ulásia-nya kama ni, uuubo kɔna ku Katɔti. Nsu ukyuli ɔni nsiaku Kristo ala bɔtina bɔmmɔ kama ni, uliku Katɔti ku Ubidi lɛnɔ.