Koloseƒuɔ 2:8 - Katɔti Ɔku Kedee

⁸ Bɛnu kaduɛ kalɛ na ukyuli ɔdi uleti nwuna kayawi lɛnunda lɛni neeebo kɔsia kɔdi ulátɔlɔ-mii. Ɔsika lɛnunda lɛmmɔ ni, lɛsiaku bati kuuku ɔdi bɔbla ku kayawi kamɛni ala bɔtina kama na ɔɔɔdi Kristo kudɔ na ɔ́si.

Koloseƒuɔ 2:8 ပူးပေါင်းရင်းမြစ်များ

Lɛnu Ƒui Ɔnu 2:15

Bula adingyii ebi kemo kani na búse éwi anwula, anwuɔsu ɔlɛka buƒie beƒukutu bani nkya muubile kemo kammɔ edula.

Yeremia 29:8

“Bina bekyuli badi bakya Babilon mmɔ na badi like bebone na bɛ́ɛsu-ma ka bebo like na basu-mii lɛla lɛni ndubo libalɛ uwi ɔni mebo kemmo. Nsu bɔkpanku kani na badubo-mii bɔkpanku butáyila. Na bina kenye bediene bammɔ lɛnɔ ni, bitaya na bese-mii lisusu. Ɔsika ina ka beedie ala kenye teete-mii na mina lɛnyi kemmo ni, ɔkɔ banyine na badi ɔsiku ńtasu-ma lɛla lɛdi.

Mateo 10:17

Bɛsia lɛlɔ anu, ɔsika bekyuli badubudie-mii bete na beƒie-mii besienku litemi katɛkɔ. Na badubo-mii bubo lɛnɔ na Yudaƒuɔ kɔsakɔ.

Mateo 16:6

Mmɔ na Yesu ɔ́su-ma ɔnini, “Bɛnu kaduɛ na Ƒarisiƒuɔ ku Sadukiƒuɔ bɔnyii bɔni baakya ala kemmo na uuƒu lɛlɔ.”

Mateo 7:15

“Bɛnu kaduɛ na ɔkɔ banyine bani nábla lɛlɔ aani Katɔti kenye bediene. Beebo-mii kudɔ aani baƒonu bani nse buɛɛ. Nsu na bana lɛlɔ kemmo geen ni, badi begiti.

Batalane Kabla 17:18

Amu na uwi ɔdi ni, anwu ku bekyuli lisu lɛdi bani ndi Epikuroƒuɔ ku Stoaƒuɔ bani nlie nte kayawi lɛnunda bákya ku Paulo unyeƒi na básu banini, “Bi na ɔnana ɔmɛni uutemi taasu?” Amu na babambadi lɛnɔ básu banini, “Use aani kalɔ bamba baƒiɔ badi lɛlɔ kɔtɛ na ɔɔtɛmi.” Na bekyuli bammɔ básu lɛni ɔsika bénu ka Paulo ɔ́su litemi buni ɔ́siku Yesu ku nwuna bɔsɔ taata lɛlɔ ɔsu.

Batalane Kabla 17:32

Nsu uwi ɔni na bénu ka Paulo ɔ́tɛmi ɔ́siku bɔsɔ taata lɛlɔ ni, bana akɔ badi báma-nwu. Na badi lɛnɔ básu banini, “Bɔsɔ bɔɔyɔ́ ka bunu etemila adi bɔsiku ukyuli bɔsɔ taata lɛlɔ.”

Romaƒuɔ 16:17

Banwa, mɔɔlɛ-mii kpakplaa nnii binye kagyumana na bekyuli bani muuti bule taakya bekyuli ntɛ lɛlɔ. Na beeti ala bamba ani náta énye bula ala ani na bɔɔtina lɛlɔ teetile-mii kuƒi. Bɛda lɛlɔ bɛmami-ma lɛlɔ.

Korintoƒuɔ 1 10:12

Ɔdi biala ɔni mɔɔkali ɔnii unye kpakplaa ni, ɔnu kaduɛ kalɛ na ulebuli.

Korintoƒuɔ 1 8:9

Bɛnu kaduɛ na bina kuƒi kɔni na bibo lɛlɔ kalɛ na uleboku ukyuli ɔni na nwuna bɔƒɔtaadi buuubo ɔkplu kalɔ na wabla likpidi lɛdi.

Korintoƒuɔ 2 10:5

Bɔɔdi unyeƒi ku lɛla biala mɔɔtalaku lɛlɔ katɔ na liitile bekyuli kuƒi ka bati Katɔti lɛlɔ. Na buƒie kasusu biala na kasia Kristo ulu lɛlɔ.

Galatiƒuɔ 1:14

Na anumi égyie-mi étulo mina ligyekpa na ntɔ-ma na Yudaƒuɔ bɔkpa ulu ɔmmɔ kemmo. Na mina bati kuuku ɔdi kama kani na mina kasusu kasia kpakplaa ka lɛbla.

Galatiƒuɔ 4:3

Lɛni kani na use abu lɛnɔ uwi ɔni na bɔdi banamu. Na ala ani na baatina na kayawi mɛni nátaadi-bu lɛlɔ.

Galatiƒuɔ 4:9

Nsu ɔƒɛni ɔni na bɛgyi Katɔti mɛni iye lɛsu nnii Katɔti ɔgyi-mii mɛni ni, bi ɔsu na bɛ́sɔ bíti lɛlɔ biite ɔyikun ɔmmɔ bene udu? Munuu bɛɛyɔ́ ka ɔda bubo bɔdi bɔsɔ butaadi-mii lɛlɔ?

Galatiƒuɔ 5:15

Nsu si bɛɛtu lɛlɔ akpɛlɛ ka bibile lɛlɔ ni, na bɛti ka lɛkpa lɛmmɔ lɛdubo udu bɔyii ƒui.

Eƒesoƒuɔ 2:2

Na bɛ́siaku kayawi ala ekpidi kama ku ukisine ɔni mɔɔdi ayu ekpidi ƒui lɛlɔ na kayaa, na anwu kani mɔɔdi batuɔkplune ƒui lɛlɔ ɔƒɛni.

Eƒesoƒuɔ 4:20

Na amii ni, ɔɔɔdi ɔmmɔ udu na bɛ́tɛya na Kristo lɛlɔ!

Eƒesoƒuɔ 5:6

Bitaya na ukyuli ɔdi uti etemila ekpludi adi ɔtɔlɔ-mii. Ɔsika ala ammɔ udu lɛlɔ ɔsu na Katɔti kɔnyi kuubo bekyuli bani mbo atuɔkplu mmɔ lɛlɔ.

Lɛkpa Ulu 6:12

bɛnu kaduɛ kalɛ na bina kasusu kalálɛ bina Unwoti ɔni náda-mii údie Egyipte kalɔ lɛlɔ kesii kani nka bénye-mii lɛlɔ na bɛɛbla-ma kabla mmɔ.

Ƒilipiƒuɔ 3:2

Bɛnu ala ekpidi bablane bani mɔɔbla ala aani bakpɛwe bebuo bekpine mmɔ bɛti. Badi bekyuli bani nnye-mii lɛlɔ ka ɔlɛka bikulo bina ago.

Koloseƒuɔ 2:18

Bitaya na anumi lɛlɔ ukyuli ɔni mɔɔsiaku katɔ batu ɔdi ɔtɔlɔ-mii na utile-mii ngba bɔƒɔ kuƒi. Bekyuli bamɛni baakun lɛmɛnɛ ka bánu budie taatina bɔdi bɔni na sɔsɔ ni, bɔɔɔkɛnku Katɔti Kɔyu lɛlɔ.

Koloseƒuɔ 2:20

Kristo kukpi kɔɔtina ka amii ku-nwu nékpi, na úkpo ɔ́ƒɔ-mii ɔ́lɛku kayawi kamɛni ala bɔtina ulu lɛlɔ kemmo. Na si use lɛni ni, bi ɔsu na bɛɛbla lɛlɔ aani si bɛmu bɛsiaku kayawi kamɛni ɔda bubo bɔmmɔ kama, na bɛmu bɛɛdi bana ala ani na bényimi lɛlɔ?

Koloseƒuɔ 2:22

Ala ani ƒui bényimi na básu-mii banii bitabla mmɔ ni, asɔ eeebo kɔsia kɔdi uwi ɔni na ana uwi ɔ́vi. Na kasusu kani béti asa na bényimi ala ammɔ ni, kayawi kamɛni kani kemmo na lɛnunda lɛmmɔ lɛ́si.

Koloseƒuɔ 2:23

Na bɔgyi ka ala ani baasu mɛni ni, aatina aani si adanku lɛnunda lɛdi bɔdi na Katɔti kabla kani na bánwi bámana-ka lɛlɔ ɔsu ku kalɛ na baabla ala adi na bekyuli anumi na baaní ɔlɔna ɔmmɔ kɔtu. Nsu ala ammɔ eléte kebunku kani maya na ukyuli ɔlɛ nwuna ɔlɔna ɔkwɛ adala kemmo.

Timoteo 1 6:20

Timoteo, nu ka ágyumana ala ani na béti béte-ɔ bɔda kaduɛ. Takya atɛ keeke ku kɔdɔlɔ unyeƒi kenye. Anya na bekyuli badi beeti taatɔlɔ bekyuli banii lɛlati lɛdi kenye.

Timoteo 2 3:13

Nsu bekyuli bekpidi ku ɔkɔ ala batinane ama ni, bubie bɔmmɔ bɔdubɔkɔ-ma katɔ bubu na bataatɔlɔ bekyuli. Na bana ɔbladu ɔmmɔ ɔdubɔtɔlɔ ama alati lɛnɔ.

Hebriƒuɔ 13:9

Bitaƒɔ lɛla bamba lɛni na ukyuli ɔdi watina-mii bitadi. Katɔti lɛƒɔndia mɔɔyá na bɛɛkya kayi ɔkplu, na ɔɔɔdi ɔda bubo bɔni ndanku adila bɔdi kama bɔsia. Bekyuli bani mɔɔsia ala ammɔ kama ni, balakɛ kɔsia kɔdi.

Hebriƒuɔ 3:12

Banwa, bɛnu lɛlɔ kemmo kaduɛ kalɛ na ɔdi uleti likpidi kasusu na kayi kemmo na unwini ukyuli ɔni naaaƒɔ taadi na walɛ Katɔti ɔni muute ngba kama.

Petro 1 1:18

Ɔsika bɛgyi ka kayu kani na Katɔti ɔ́ƒɔ na bina lili asa na údie-mii ɔ́lɛku ngba bukpidi bɔni na bɛ́ƒɔ bɛ́siku bina bati kuuku kudɔ ni, ɔɔɔdi sika ugyiedi iye ɔƒualadi ɔni muutili na ɔdi.

Petro 2 3:17

Nsu ni, mina bayɔne, bɛgyi ɔmɛni bise. Anwuɔsu bɛti lɛlɔ bɔda kalɛ na bekyuli bekpidi balátɔlɔ-mii ku bana ekpidi ablala na bideyi ulu geen ɔmmɔ lɛlɔ. Naaawia ka bina bɔƒɔtaadi bɔyuɛ!

Yohane 2 1:8

Anwuɔsu binye kagyumana kalɛ na bilatuma bilewiakun, mmomu na bina katuma kalɛ-mii kɔsia na kudu kɔwɔlɔ.