Koloseƒuɔ 2:6 - Katɔti Ɔku Kedee

⁶ Na kalɛ na bɛ́ƒɔ Yesu Kristo ku bina kayi ƒui aani bina Ɔti ni, bɛblaku-nwu unwi lɛni kani.

Koloseƒuɔ 2:6 ပူးပေါင်းရင်းမြစ်များ

Yesaia 2:5

Israel kadi bekyuli, bibo na bɔsia Unwoti bukeye kemmo.

Mika 4:2

Kadi bekyuli badubɔsi kɔlɔ pii lɛlɔ bebo na babasu banini, “Bɛya na bɔkɔ busie Unwoti, Yakob Katɔti, kɔbi lili na nwuna kakpakɔ na ɔtina-bu nwuna lilu na bɔsia-ni lɛlɔ.” Ɔsika Sion mmɔ na badubɔtina-bu ala na bunu Unwoti litemi bɔsiku Yerusalem.

Mateo 10:40

“Ukyuli biala ɔni maƒɔ-mii ni, ɔ́ƒɔ ami lɛnɔ. Na ukyuli biala maƒɔ-mi ni, ɔ́ƒɔ Katɔti ɔni nátala-mi lɛnɔ.

Yohane 13:20

Mɔɔsu-mii geen nnii ukyuli biala ɔni muugyingya enu taaƒɔ ukyuli ɔni na lɛ́tala ni, ami na ɔ́ƒɔ. Na ukyuli ɔni megyingya enu na waƒɔ-mi ni, anwu ɔni nátala-mi lɛnɔ na ɔ́ƒɔ.”

Yohane 14:6

Amu na Yesu údie kenye ɔnini, “Ami ndi ulu ɔmmɔ ku litemi geen lɛmmɔ ku ngba bɔmmɔ. Na ɔdi ulakana Katɔti kudɔ buduo, amu ntu mina lɛlɔ na ɔ́sia.

Korintoƒuɔ 1 1:30

Katɔti náya na bɛ́bla unwi ku Yesu Kristo. Na Kristo ɔmmɔ ndi bula lɛnunda lɛni na Katɔti úti úte-bu. Na ɔkɛnku Kristo ɔmmɔ lɛlɔ ɔsu na Katɔti ɔɔnu-bu ka buse siin. Na búnwini Katɔti bekyuli kedee. Na ɔ́ƒɔ-bu lili kayu ɔ́lɛku ekpidi kemmo.

Korintoƒuɔ 2 5:7

Na bula ngba bɔni na bulie mɛni ni, bɔkɛnku bɔƒɔtaadi lɛlɔ. Na ɔɔɔdi lɛla lɛni na buti bula anumi bɔnu bɔti.

Galatiƒuɔ 2:20

Ami ku Kristo na bákana bámana ugyii lɛlɔ. Ɔsɔ ɔɔɔdi ami nli ngba, mmomu Kristo nli ngba na mina kemmo. Na ngba bɔni na nli ɔƒɛni ni, nli-mu ɔkɛnku ɔyikun ɔni na lɛ́kɛ ka lɛ́ƒɔ Katɔti Ubidi ɔmmɔ lɛ́di ɔsu. Anwu néti nwuna ngba ɔ́kpa na mina lili, ɔsika ɔɔyɔ́-mi.

Galatiƒuɔ 3:26

Ɔkɛnku Kristo bɔƒɔtaadi kemmo ɔsu na bina ƒui bɛdi Katɔti bebi.

Eƒesoƒuɔ 4:1

Anwuɔsu ka mɔɔbla Blɔti kabla na ntɛ ɔtɔ na anwu ɔsu ni, mɔɔlɛ-mii nnii bilie ngba bɔni námanku bɔlɔ bɔni na Katɔti ɔ́lɔ-mii.

Ƒilipiƒuɔ 1:27

Ɔƒɛni lɛla lɛni ntulo ndi ka bina ngba bulie bɔbla aani kalɛ na litemi buni lɛmmɔ lɛɛtina ɔsika ɔmɛni na Kristo ɔɔwia. Na si líbo ḿbanu-mii iye línu-mii kɔku ni, ndubunu ka binye kpakplaa na kɔyu kemmo biikpó ku kasusu kenwi na bina bɔƒɔtaadi kemmo teete litemi buni lɛmmɔ.

Koloseƒuɔ 1:10

Ɔmɛni ndubɔya na bɛti bina lɛlɔ bɔda na bilie ngba bɔni na Blɔti ɔɔwia. Na bina ngba bulie ɔbladu biala ɔbla ɔbuni. Na ɔdubo-mii bubunku na bitaati Katɔti teebu.

Koloseƒuɔ 3:17

Na lɛla biala lɛni na bɛɛsu iye bɛɛbla kemmo ni, bɛbla-ni na Blɔti Yesu lɛnyi kemmo. Na bitaagya Katɔti enu taasiaku Blɔti Yesu lɛlɔ.

Tesalonikaƒuɔ 1 4:1

Banwa, mina lɛla likplodi lɛni muuvele-mii ndi ka ni, bilie ngba bɔni mɔɔyɔ́ Katɔti kaƒɔ aani kalɛ na bɔ́tina-mii. Bɛdaku ɔkplu bɔkya bɔdi, nsu bɔɔkya-mii ogya na Blɔti Yesu lɛnyi kemmo bɔnii bɛbla bitulo lɛni.

Hebriƒuɔ 3:14

Bubo kadikɔ ɔkɛnku Kristo lɛlɔ si búƒie-nwu bɔ́da kpakplaa na búti bula lɛlɔ ƒui bɔ́sia-nwu lɛlɔ útédu kawɔlɔkɔ.

Yohane 1 2:6

Ukyuli ɔni mɔɔsu ɔnii uliku Katɔti ni, ɔlɛka ulie ngba aani kalɛ na Yesu Kristo úlie.

Yohane 1 5:20

Na abu bɔgyi lɛnɔ ka Katɔti Ubidi úbo kayawi kamɛni úbedie ala kalɔ úte-bu kalɛ na bɔti anwu ɔni geen ndi Katɔti. Na ɔƒaani ni, buliku anwu ɔni geen ndi Katɔti ɔmmɔ ku nwuna Ubidi Yesu Kristo lɛnɔ. Na anwu geen ndi Katɔti ɔmmɔ ɔni ndi ngba bɔni nsɔ naaadubo bɔsa kudii.

Yuda 1:3

Banwa bayɔne, ɔdi lɛla lɛni na mɔɔyɔ́-mii kaƒɔ geen ka linweni-mii ɔku ɔ́si ulu unwi pɛ ɔni lɛlɔ na Katɔti ɔdubɔsia ɔƒɔ-bu ngba lɛlɔ. Na ɔƒɛni ni, lɛ́nu ka ɔlɛka lɛkya-mii ogya na kalɛ na bɛ́ƒɔ Kristo bɛ́di lɛlɔ na bɛda-nwu kpakplaa. Ɔsika ɔmmɔ ndi bɔƒɔtaadi ulu unwi pɛ ɔni na Katɔti úti úte-bu na ulakana na wavumana kudii lɛnɔ.