Koloseƒuɔ 2:19 - Katɔti Ɔku Kedee

¹⁹ Anwuɔsu baayiƒala lili lɛni lɛlɔ na ɔlɔna ekpo ƒui adanku asa na Katɔti ɔɔyá na ɔlɔna umodi ɔmmɔ ɔɔlɛ́ lili.

Koloseƒuɔ 2:19 ပူးပေါင်းရင်းမြစ်များ

Luka 5:38

Nsu beeti ntɛ bɔwɔdi teewi ɔku koƒo kɔwɔdi kemmo.

Yohane 17:21

Ati, muuvele ka aya na bana ƒui babla unwi aani kalɛ kani na awɔ eliku-mi na ami lɛnɔ nliku-ɔ. Ya na belieku-bu kalɛ na kayawi bekyuli baƒɔ badi ka awɔ nátala-mi.

Batalane Kabla 4:32

Na emeyi amɛni kemmo ni, baƒɔtaadine bamɛni ƒui bábla unwi na udu ku kasusu kemmo, na bana akɔ ɔdi biala útasusu anwu lɛti lɛkɛ. Mmomu ni, bana lɛla biala lɛdi bana ƒui lɛdi.

Romaƒuɔ 11:17

Na si kɔgba kɔdi kɔ́ƒɛ kɔ́lɛ kugyii kɔmmɔ lɛlɔ na békulo-mii aani lɛku kemmo kugyii kagba blii kadi bébenyimi báda kesii kani na kugyii kɔmmɔ ntu bɔɔyu na ɔ́kun ɔ́da ni, bɛɛní ntu taasiku kugyii kɔmmɔ ligyiitu kudɔ.

Korintoƒuɔ 1 1:10

Na kenyekɔ kani na Blɔti Yesu Kristo úte-mi kenye ni, mɔɔsu-mii kpakplaa aani mina banwa baƒɔtaadine kalɛ nnii bina ƒui binu lɛlɔ kalɔ kalɛ na lɛlɔ bule bɔdi bulakya-mii akɔ. Na bɛbla unwi na ala ani na bɛɛkali ku ala ani na bɛwia lɛlɔ.

Korintoƒuɔ 1 11:3

Nsu mɔɔwia ka binu kalɔ nwaa ka ni, Kristo ɔdi ukyuli biala lili. Na ɔgya lɛnɔ ɔdi uleku lili. Na Katɔti ndi Kristo lili.

Korintoƒuɔ 1 3:6

Ami nése kabla kammɔ kalɔ aani kalɛ baavá kugyii kebi. Na Apolo néwi-ka ntu. Nsu Katɔti náya na kálɛ lili.

Eƒesoƒuɔ 1:22

Katɔti úti lɛla biala ɔ́kya Kristo lɛgba kalɔ na úti-nwu ɔ́bla baƒɔtaadine ƒui lili.

Eƒesoƒuɔ 1:23

Baƒɔtaadine bamɛni badi Kristo ɔlɔna na beedie-nwu keyi na ulu biala lɛlɔ ka anwu ndi ukyuli ɔni náƒɔ lɛla biala kemmo ƒui.

Eƒesoƒuɔ 2:21

Na anwu ndi ukyuli ɔni náda ɔtɔ ɔni na bátu mmɔ ɔ́sala na ɔ́ya na únwini Katɔti kakpakɔ kedee.

Eƒesoƒuɔ 4:3

Bɛbla lɛla biala kalɛ na bɛkana na bilie na unwi bɔbla kemmo aani kalɛ na Katɔti Kɔyu kɔ́da-mii kɔ́sala na kúte-mii keyi buɛɛ.

Eƒesoƒuɔ 5:29

Ɔsika ukyuli ɔdi uuubo ɔni na uukisi nwuna ɔlɔna. Mmomu ni, ɔɔnu-nwu lɛlɔ na ɔɔbla-nwu kaduɛ, aani kalɛ na Kristo ɔɔbla teete nwuna baƒɔtaadine lɛkpa lɛmmɔ.

Ƒilipiƒuɔ 1:27

Ɔƒɛni lɛla lɛni ntulo ndi ka bina ngba bulie bɔbla aani kalɛ na litemi buni lɛmmɔ lɛɛtina ɔsika ɔmɛni na Kristo ɔɔwia. Na si líbo ḿbanu-mii iye línu-mii kɔku ni, ndubunu ka binye kpakplaa na kɔyu kemmo biikpó ku kasusu kenwi na bina bɔƒɔtaadi kemmo teete litemi buni lɛmmɔ.

Koloseƒuɔ 1:10

Ɔmɛni ndubɔya na bɛti bina lɛlɔ bɔda na bilie ngba bɔni na Blɔti ɔɔwia. Na bina ngba bulie ɔbladu biala ɔbla ɔbuni. Na ɔdubo-mii bubunku na bitaati Katɔti teebu.

Koloseƒuɔ 1:18

Anwu ndi lili ute nwuna ɔlɔna ɔni ndi baƒɔtaadine lɛkpa lɛmmɔ. Na ɔdi lɛkpa lɛmɛni kalɔ kesekɔ. Anwu ndi Katɔti Ubi udeedi ɔni na ɔ́gyila ɔ́lɛku bekpine akɔ, kalɛ na ɔtɔnku lɛla biala.

Koloseƒuɔ 2:2

Mɔɔbla ɔmɛni kalɛ na bakɛ ɔkplu bɔkya na bana kayi kemmo na babla unwi lɛnɔ na bɔyɔ kemmo. Ɔmɛni ndubɔya na bakɛ lɛkɛ libendi lɛni nkɛnku ala kalɔ bunu nwaa. Na badubɔti Katɔti lɛbɛla lɛni ndi Kristo.

Tesalonikaƒuɔ 1 3:12

Na Blɔti ɔya na bina bɔyɔ bɔni bibo bite lɛlɔ bumomo bubu. Na bɛyɔ bekyuli bamba lɛnɔ aani kalɛ na bɔɔyɔ́-mii.

Tesalonikaƒuɔ 1 4:10

Na sɔsɔ ni, ɔdi litemi geen ka bɛɛyɔ́ bina banwa baƒɔtaadine bani nkya Makedonia. Nsu bɔsɔ buuvele-mii bɔnii bɛbla bitulo lɛni!

Tesalonikaƒuɔ 2 1:3

Banwa, bɔda Katɔti enugya kayu uwi ƒui na amii ɔsu. Na ɔdia ka butaaƒɔ-ka, ɔsika bina bɔƒɔtaadi bɔɔkɔ́ katɔ, na bina lɛlɔ bɔyɔ lɛnɔ buusié anumi teebu ɔsu. Ɔmɛni ɔsu na bɔɔlɔ-mii lɛnyi buni na Katɔti baƒɔtaadine akɔ.

Petro 1 3:8

Na ɔmɛni kawɔlɔkɔ ni, bina ƒui bɛkɛ kɔyu kemmo kasusu kenwi bɛyɔ lɛlɔ aani banwani kalɛ na bɛnu ɔdi biala kɔnyana, na biboku lɛlɔ kalɔ bite lɛlɔ.

Petro 2 3:18

Bisie anumi na Katɔti lɛƒɔndia ku kalɛ na bɛ́ƒɔ Blɔti Yesu Kristo ɔni ndi bula Ɔƒɔne bɛ́di kemmo. Anwu na buute ɔbu ɔ́si ɔƒɛni úsela ƒui! Ɔsia lɛni.