Koloseƒuɔ 2:16 - Katɔti Ɔku Kedee

¹⁶ Anwuɔsu bitaya na ukyuli ɔdi ubo-mii ɔda ɔdi na bina bɔdi ku bɔni lɛlɔ, iye emeyi kedee lɛlɔ, iye abuli awɔdi limeyi bɔdi, iye lɛnwunameyi bɔdi lɛlɔ.

Koloseƒuɔ 2:16 ပူးပေါင်းရင်းမြစ်များ

Baga 2 4:23

Amu na ɔgyani úye-nwu ɔnini, “Bi ɔsu na ɔmwi ɔmɛni na aayɔ́ ka esie-nwu kudɔ ka ɔmwi ɔɔɔdi kɔbuli kɔwɔdi iye Lɛnwunameyi.” Amu na uleku ɔmmɔ údie kenye ɔnini, “Awɔ ya na nteesie lɛni.”

Ala Alɛdi 1 23:31

Na Lɛnwunameyi biala lɛlɔ lɛnɔ si bábla akpala bɔkyula béte Unwoti ni, ɔdi ka bagya Unwoti enu na bedie lɛnu bemwi-nwu. Na lɛni kani ɔdubuse na kɔbuli kɔwɔdi bɔlɛ kemmo ku emeyi buni biala bɔdi kemmo lɛnɔ. Anwuɔsu ɔlɛka Lewiƒuɔ bammɔ bemomo na kakpakɔ mmɔ uwi biala kalɛ na ala ani ƒui na ɔdi ka babla ni, banu ka bábla-nya lɛni kani.

Ala Alɛdi 2 31:3

Hesekia úte bebuo ɔ́siku nwuna bebuo akɔ bani na badubuti bataabla akpala na ɔtanta ku useyi uwi ku lɛnwunameyi biala ku emeyi buni bɔdi kemmo ku kɔbuli kɔwɔdi bɔlɛ limeyi bɔdi ku emeyi buni bamba ani na Katɔti ɔda bubo bɔmmɔ bɔɔtina kalɛ.

Nehemia 10:31

Na si bula ala beyene beti bana ala iye edula ebi bebeye bete-bu lɛnwuna limeyi iye limeyi kedee lɛdi lɛlɔ ni, buléye bulásiku-ma kudɔ. Na lɛkwa maatɛdi biala lɛlɔ ni, bulatuma kalɔ kammɔ lɛlɔ kalɛ na kakɛ bɔnwuna. Na kayu biala na báda-bu na uwi ɔmmɔ kemmo ni, bɔdubuti bɔkyiɛ.

Nehemia 10:33

Na bɔdubo buteete ala ani badubuti bakpa, na anya ndi bodobodo kedee ku edula ebi ani badubuti bataakpa limeyi ndi limeyi ku bebuo bani badubuti babla bɔkyula akpala limeyi ndi limeyi ku akpala ani badubutaawia lɛnwuna limeyi biala ku kɔbuli kɔwɔdi limeyi bɔdi ku emeyi adi mene bɔdi lɛnɔ. Na bɔdubuteete ala ani beetí baabla akpala kedee ku akpala ani meedie Israelƒuɔ ekpidi ku lɛla biala na kakpakɔ kammɔ kadubɔwia.

Nehemia 8:9

Ka bekyuli bammɔ bénu ala ani na ɔda bubo bɔmmɔ bɔwia bɔsiku-ma kudɔ ni, ɔ́bla-ma kalɛ kadi na bése kalɔ beewulo. Ɔmmɔ ɔsu Israelƒuɔ ɔtɔnkune Nehemia ku Ɔkpane Esra ɔni ndi Ɔku Unwenine ku Lewiƒuɔ bani nkya muudie ɔda bubo etemila ani báka mmɔ kalɔ básu-ma banini, “Ɔmwi limeyi lɛmɛni lɛdi limeyi kedee lite Unwoti, bina Katɔti. Ɔmmɔ ɔsu bitewulo na bitadu kɔnyana.”

Kɔgya 42:4

Si muunyimo ala adi bene ni, kayi kaakpulu-mi geen. Muunyimo uwi ɔni na ntaatɔnku ƒula bekyuli lisu na bútaasala teesie ƒula kakpakɔ taatátu lɛnu teemwi-ɔ ku lɛlɔyɔ.

Kɔgya 81:3

Bɛvwi lise na bɛdi limeyi ka kɔbuli kɔwɔdi kɔ́lɛ. Na bɛbla lɛni kani si kɔbuli kúdi libi.

Yesaia 1:13

Bɛsɔ biteboku-mi akpala ani neeebo kɔsia kɔdi! Bina oloƒui ɔni bɛɛkyula ƒui uusé-mi. Na bina emeyi buni ani bɛɛdi ƒui átamanku-mi. Kɔbuli kɔwɔdi bɔlɛ ku lɛnwunameyi ku emeyi aƒunadi ani na biilie kɔka ku bina emeyi buni ani bɛɛsála lɛlɔ taadi ƒui adi likpidi ku ɔkɔ ala sɔɔn. Nsɔ naaawia-mii naaablaku lɛla lɛdi.

Esekiel 4:14

Mmɔ na lɛ́su nnini, “Unwoti Katɔti, buvele kemmo, taya na lɛbla ɔmmɔ udu! Ɔsika ńtabla lɛla lɛni na lise lɛni kudii na mina ngba kemmo na lɛdi lɛla lɛni ndubɔya na nteese-ɔ lɛlɔ. Na ńtadi lɛla lɛni nékpi ani ɔlati iye ebuo ɔni na eƒiebuo ɔdi ɔ́du ɔ́va iye lɛla lɛni na ásu ka liisé lɛlɔ lɛnɔ.”

Esekiel 45:17

Nsu kɔbuli kɔwɔdi bɔlɛ emeyi bɔdi ku Lɛnwunameyi ku emeyi kedee bamba bɔdi ni, amii batɔnkune bammɔ na ɔlɛka bite bebuo bani na badubuti babla akpala ammɔ. Na amii kani ndubute kamu ku antabi udu biala ku ntɛ bɔni na badubuti babla akpala ammɔ. Na ala amɛni ƒui na badubuti babla adila bɔsia lɛkpabi lɛlɔ teete-mi ku ekpidi lili buvele ku unwi bɔbla akpala ku kalɛ na bevele kusɛ kusɛ basiku-mi kudɔ. Na ɔmɛni ɔdubɔyɔ-mi kaƒɔ na liti mina bekyuli ekpidi lɛkyiɛ-ma.”

Lewiƒuɔ Ɔda Bubo 16:31

Na limeyi lɛmmɔ lɛdi lɛnwunameyi lite-mii na ɔdi ka bikisi lɛlɔ na bilie kɔka. Na ɔmɛni ɔdi bunyimi bɔni ndubunye bute uwi ƒui.

Amos 8:5

Biiye bɛnii, ‘Bi ɔsu na emeyi alasa bɔdi na buse kalɔ buteeye bula antabi, na lɛnwunameyi lɛnɔ lilavi pla na ɔdia na butaadi bula kakpa kuye? Ɔƒɛni na bɔɔwia ka butaadi kuye kɔmmɔ na bɔsia ala kuye kalɛ na ala ammɔ aƒɔ-bu kuye. Na bɔƒana akɔkula ammɔ lɛnɔ kalɛ na bɔnya-ma bɔkya na bɔkɛ kɔsia kaduɛ.

Bumomo Bɔka 10:10

Na bina lɛlɔyɔ emeyi ku emeyi ani na bɛ́lɛ ugyii bíse aani kɔbuli kɔwɔdi bɔlɛ ku abamba ni, bɛvwi kɔkpɛɛ kɔmmɔ na bɔkyula akpala ku unwi bɔbla akpala ammɔ lili na adubunwini bina lɛlɔ enyimo ete Unwoti na bina lili. Ami ndi bina Unwoti Katɔti.”

Mateo 15:11

Adila ani muuduo ukyuli kaƒɔ ni, ɔɔɔdi anya mɔɔyá na uusé lɛlɔ. Mmomu etemila ani mɔɔlɛ́ taasi-nwu kenye kemmo mɔɔyá na uusé lɛlɔ.”

Marko 7:19

Mmomu nwuna kaƒɔ kemmo na líduo, na lɛɛsɔ taalɛ-nwu ɔlɔna kemmo aani lɛla lɛni nébie.” Na lɛla lɛni na Yesu ɔ́su mɛni ni, ɔ́tina ka adila biala adia éte bɔdi.

Batalane Kabla 15:20

Mmomu bɛya bunweni-ma ɔku na bada ala aani béti bákpa béte baƒiɔ na aayá na beesé lɛlɔ bɔbla baya ku kɔsɔnɔ bɔdi ku bebuo bani bélii-ma amɔ bádu bɔkun ku ubugya bɔni baya.

Romaƒuɔ 14:10

Bi ɔsu na aadú ƒ'ɔnwani kɔtɔ? Iye ni, bi ɔsu na aanu ƒ'ɔnwani aani si ɔ́sɔ? Bula ƒui bɔdubunye Katɔti lɛgaboku lɛmmɔ anumi na ɔtɛku-bu litemi.

Galatiƒuɔ 4:10

Na bɛ́sɔ bínwini kama bísie bɛɛdi emeyi ku abuli ku uwi ku akwa adi udu lɛlɔ.

Koloseƒuɔ 2:20

Kristo kukpi kɔɔtina ka amii ku-nwu nékpi, na úkpo ɔ́ƒɔ-mii ɔ́lɛku kayawi kamɛni ala bɔtina ulu lɛlɔ kemmo. Na si use lɛni ni, bi ɔsu na bɛɛbla lɛlɔ aani si bɛmu bɛsiaku kayawi kamɛni ɔda bubo bɔmmɔ kama, na bɛmu bɛɛdi bana ala ani na bényimi lɛlɔ?

Hebriƒuɔ 13:9

Bitaƒɔ lɛla bamba lɛni na ukyuli ɔdi watina-mii bitadi. Katɔti lɛƒɔndia mɔɔyá na bɛɛkya kayi ɔkplu, na ɔɔɔdi ɔda bubo bɔni ndanku adila bɔdi kama bɔsia. Bekyuli bani mɔɔsia ala ammɔ kama ni, balakɛ kɔsia kɔdi.

Hebriƒuɔ 9:10

Ɔsika ala ammɔ ƒui adanku bɔdi ku bɔni ku lɛlɔ bɔƒɔ ɔdi na lilu bun bun lɛlɔ. Na adi ɔlɔna lɛlɔ ɔda bubo bɔni ndubɔbla kabla ɔƒɛni wetédu ka ulu ɔwɔdi ɔmmɔ úbo.

Yakobo 4:11

Banwa, bitalɔ lɛlɔ anyikpi. Si ɔdi ɔ́bla lɛni iye ɔ́tɛku ɔnwani ɔdi litemi ni, na ulábu ɔda bubo bɔmmɔ na ɔ́ta únye-mu lɛlɔ lɛnɔ. Si bɛ́ta bínye ɔda bubo bɔmmɔ lɛlɔ ni, na ɔɔtina ka bɛ́da ɔda bubo bɔmmɔ lɛlɔ bɔdi bɛ́ya. Na bínwini bɛɛtɛku ɔda bubo bɔmmɔ litemi.

Samuel 1 20:18

Ɔmmɔ kama ni, Yonatan ɔ́su Dawid ɔnini, “Kɔnaadi na bɔɔdi bula kɔbuli kɔwɔdi bɔlɛ limeyi. Na bekyuli bani ndubo mmɔ badubo bɔnu bɔti ka awɔ eeebo-bu akɔ.

Samuel 1 20:5

Anwuɔsu Dawid ɔ́su Yonatan ɔnini, “Nu! Kɔnaadi ni, anwu na beesé kalɔ ku kɔbuli kɔwɔdi limeyi bɔdi. Na ɔdi ka ami ku ɔga bɔdi bɔsala. Nsu ya na lisie na ntábɛla lɛlɔ lɛkya lɛku kemmo kesii kadi utédu limeyi lɛtɛdi useyi uwi.