Koloseƒuɔ 2:12 - Katɔti Ɔku Kedee

¹² Na uwi ɔni na bɛ́ƒɔ ntu bɔkpila ɔdi ɔmmɔ ni, ɔ́tina ka amii ku Kristo nékpi na báva-mii. Na amii ku-nwu lɛnɔ náta bɛ́lɛ bekpine akɔ ɔkɛ bina bɔƒɔtaadi bɔni bibo kenye.

Koloseƒuɔ 2:12 ပူးပေါင်းရင်းမြစ်များ

Luka 17:5

Yesu batalane bévele Yesu banii, “Blɔti, ya na bula bɔƒɔtaadi bumomo bubu.”

Batalane Kabla 14:27

Ka bánya bétéduo Antiokia ni, bálɔ baƒɔtaadine bani nkya mmɔ ƒui básala lisu na bédie bana ulu busie kemmo bátina-ma. Na básu-ma ala ani ƒui na Blɔti ɔ́kɛ-ma lɛlɔ ɔ́bla ku kalɛ na ɔ́lɛmi bɔƒɔtaadi ulu úte bani naaadi Yudaƒuɔ.

Batalane Kabla 2:24

Nsu Katɔti ɔ́sɔ ɔ́gyila-nwu ɔ́lɛku bekpine akɔ na ɔ́lɛ kukpi enu kemmo, ɔsika kukpi kulakana-nwu lɛkpu bubo buse.

Batalane Kabla 2:32

Yesu ɔmɛni na Katɔti ɔ́gyila ɔ́lɛku bekpine akɔ, na litemi geen lɛmɛni lɛlɔ ɔsu na bɔdi kenye bediene.

Romaƒuɔ 4:24

Mmomu ɔdanku abu bani lɛnɔ na Katɔti ɔdubɔnu ka buse siin ɔkɛnku kalɛ na bɔ́ƒɔ Katɔti ɔni nágyila Blɔti Yesu ɔ́lɛku kekpine mmɔ bɔ́di lɛlɔ.

Romaƒuɔ 7:4

Mina banwa, lɛni kani na use ute amii lɛnɔ. Ɔsika na ɔda bubo bɔmmɔ kenye ni, ɔɔtina aani si bíkpi uwi ɔni na Kristo úkpi. Na bɛkana bilieku ukyuli bamba. Anwuɔsu bínwini ukyuli ɔni na Katɔti ɔ́gyila ɔ́lɛku bekpine akɔ mmɔ kalɛ na bula kelie kalɛ ku ala abuni keyi ete Katɔti.

Korintoƒuɔ 1 12:13

Lɛni kani na use na abu bani ndi Yudaƒuɔ ku kadi bamba bekyuli akɔ ku bani mɔɔbla bekyuli bamba kabla ku bani mɔɔbla ama alati kabla lɛnɔ akɔ. Kɔyu kunwi kɔmmɔ kani na béti bábla-bu ntu bɔkpila ɔdi ɔmmɔ na bɔdi ɔlɔna unwi. Na Kɔyu kunwi kɔmmɔ na béte bula ƒui na bɔ́ni.

Korintoƒuɔ 1 15:20

Nsu litemi geen lɛmmɔ ndi ka Katɔti ɔ́gyila Kristo ɔ́lɛku bekpine akɔ. Na ɔmɛni ndi bula kama kekpokɔ ka bani ƒui ntɛ kekpine badubɔsɔ bɔta.

Galatiƒuɔ 3:27

Ɔsika amii bani ƒui náƒɔ ntu bɔkpila ɔdi ɔmmɔ na Kristo kemmo ni, bíti Kristo bɛ́kya aani awu kalɛ.

Eƒesoƒuɔ 2:8

Ɔsika Katɔti lɛƒɔndia ɔsu na bɛ́kɛ ngba bɔƒɔ. Na útasi amii alati kudɔ. Mmomu ɔ́si Katɔti bɔƒɔtaadi litela lɛni na úte-mii ɔsu.

Eƒesoƒuɔ 3:17

Na muuvele nnii Kristo ɔsia bina bɔƒɔtaadi lɛlɔ na ulie-mii kayi kemmo kalɛ na si bina bɔyɔ bɔni na bibo búdie litu na bɔda kalɔ kpakplaa aani kugyii kalɛ ni,

Eƒesoƒuɔ 3:7

Katɔti ɔ́bla-mi nwuna litemi buni lɛmɛni kabla ɔblane ɔkɛnku litela lɛni na úti úte-mi ɔ́siaku nwuna ɔyikun lɛlɔ.

Eƒesoƒuɔ 4:5

Blɔti unwi nkya ku bɔƒɔtaadi bunwi, na ntu bɔkpila ɔdi unwi lɛnɔ nkya.

Eƒesoƒuɔ 5:14

Ɔsika lɛla lɛni na bédie keyi líduo bukeye kemmo. Ɔmɛni ɔsu na básu banii, “Awɔ ɔni mɔɔlɛɛ ni, gyinya na ata alɛ bekpine akɔ, na Kristo ɔdubukeye uwi-ɔ lɛlɔ.”

Ƒilipiƒuɔ 1:29

Na úte-mii kuƒi ka bimwi Kristo, na ɔɔɔdi ka bɛƒɔ-nwu bɛdi ɔsu kani na ɔ́sa. Mmomu ɔdi ka amii lɛnɔ bibo abi na anwu ɔsu.

Koloseƒuɔ 1:29

Ɔmɛni ɔsu na muukpóku lɛlɔ ɔkɛnku Kristo ɔyikun ɔni nkya-mi lɛlɔ kemmo ɔɔbla kabla kamɛni kenye.

Koloseƒuɔ 2:13

Uwi ɔdi kemmo ni, bíkpi na kɔyu kemmo ɔ́si bina ekpidi ɔsu ku ka bátabla-mii ekpidi bukulo teedie ɔdi ɔmmɔ ɔsu. Nsu Katɔti ɔ́ya na bɔ́sɔ búnwini búbo bulie ngba ku Kristo ka úti bula ekpidi ƒui ɔ́kyiɛ-bu ɔsu.

Hebriƒuɔ 12:2

Na bɛya na butaanu Yesu lɛti pɛ anumi. Anwu ntɔnku-bu na anwu kani ndubɔya na bula bɔƒɔtaadi bɔbla bɔƒɔtaadi geen bɔwɔlɔ. Ka ɔgyi lɛlɔyɔ lɛni na Katɔti ɔdubɔya na ɔkɛ ɔsu ni, ɔ́kya ɔkplu na úbo abi na ugyii lɛlɔ. Na útakpete edumi ku kɔƒa kɔni bákya-nwu. Na ɔmmɔ kama ni, útélie lɛgaboku lɛlɔ na Katɔti kɔdianu kesii kani náƒɔ kuye ketulo.

Hebriƒuɔ 6:2

Na adanku lɛla lɛni ɔsu na beeti ntu taabla ntu bɔkpila ɔdi ku enu lili bɔsia ku kalɛ na bekpine badubɔsɔ bata balɛ bekpine akɔ ku Katɔti litemi lɛni na ɔdubɔtɛku-bu na ɔsɔ ulavumana-ni kudii lɛlɔ.

Petro 1 3:21

Na ɔmmɔ mɔɔtina-bu lɛla lɛni na bula ngba bɔƒɔ ntu bɔkpila ɔdi ɔmɛni ɔdanku. Ɔɔɔdi ɔlɔna lɛlɔ bɔkpi na ɔdi, mmomu ɔkɛnku kenye kani na búse búte Katɔti ku kayi kani nse sɛɛn lɛlɔ na ɔdi. Katɔti ɔɔƒɔ́-bu ɔkɛnku kalɛ na bɔ́ƒɔ Yesu Kristo bɔsɔ bɔta bɔlɛ bekpine akɔ bɔ́di ɔsu.