Koloseƒuɔ 2:11 - Katɔti Ɔku Kedee

¹¹ Ka bɛ́blaku Kristo unwi ɔsu ni, Katɔti úti nwuna Kɔyu úse-mii likpo ka bɛdi nwuna badi. Nsu ɔɔɔdi aani kalɛ na Yudaƒuɔ baabla ago bukulo ɔdi kalɛ. Mmomu Kristo ɔlati nábla-mii ɔmɛni úti úkulo ekpidi udu údie-bu lɛlɔ.

Koloseƒuɔ 2:11 ပူးပေါင်းရင်းမြစ်များ

Yeremia 4:4

Biti bina kayi ƒui biƒie lɛla lɛna na línyimiku-mii ƒui bɛda. Nsu si bítada bina atuɔkplu bítaya na bɛmu binye bɛɛbla ekpidi ni, mina kɔnyi kɔdubo-mii lɛlɔ aani kalɛ na ogya ɔɔkyula lɛla lɛdi na balakana-nwu bunine.”

Marko 14:58

“Búnu ka ɔ́su ɔnini, ‘Ndubɔƒɛ kakpakɔ kani na bátu mɛni. Na emeyi atɛ kama ni, nsɔ ndubɔtu kabambadi kani na ɔɔɔdi bekyuli bayawine nátu-ka.’ ”

Luka 2:21

Na emeyi maane kama ka uwi úbedu ka bekulo ubi ɔmmɔ lego ni, básia-nwu lɛnyi banii Yesu aani kalɛ kani na Katɔti ɔtu ɔmmɔ ɔ́su úse asa na badubɔda-nwu kaƒɔ.

Batalane Kabla 17:24

“Ati ɔmɛni ndi ala ƒui Ɔti ɔni nédie katɔ ku kalɔ ku ala ani nkya-nya kemmo ƒui. Na ulélie ɔtɔ ɔni na ukyuli ɔyawine enu ábla kemmo.

Batalane Kabla 7:48

“Nsu Katɔti ulélie ɔtɔ ɔni na bekyuli bayawine bátu kemmo. Unwoti ɔ́kɛnku nwuna kenye bediene lɛlɔ ɔ́su ɔnini,

Romaƒuɔ 2:29

Mmomu ukyuli ɔni ndi Yudani geen ndi ukyuli ɔni mɔɔtina na nwuna ablala kemmo ka úti nwuna kayi úte Katɔti. Na ɔɔɔkɛnku ɔlɔna ɔni na békulo na ɔda bubo ɔdi kenye lɛlɔ. Mmomu ɔkɛnku Katɔti Kɔyu lɛlɔ. Na ɔɔɔdi ukyuli ɔyawine mɔɔkɔliku ukyuli ɔmmɔ lɛnyi katɔ, mmomu Katɔti.

Romaƒuɔ 6:6

Na bɔgyi ka bula udu ɔkukudi ɔmmɔ ku Kristo na bákana bámana ugyii lɛlɔ kalɛ na likyulikpi lɛyii udu na bula lɛlɔ, na bula ɔlɔna ɔsɔ ulenye ulátaabla likpidi kabla.

Romaƒuɔ 7:24

Mina lɛlɔ libo kɔnyana geen. Na ɔma ndubo-mi budie bɔlɛku ɔlɔna udunkpi ɔkukudi ɔni néti-mi úsela kukpi kemmo mɛni?

Korintoƒuɔ 2 5:1

Na si bula ɔlɔna ɔni nse aani kevo kani kemmo bulie na kayawi kamɛni kemmo kébie ni, bubo ɔtɔ na Katɔ Ɔga Ɔma. Na ɔtɔ ɔmmɔ ni, anwu ɔlati néti nwuna enu ɔ́tu-nwu, na ɔdubunye uwi ƒui.

Korintoƒuɔ 2 5:17

Anwuɔsu si ukyuli ɔdi ku Kristo bábla unwi ni, ɔgyi ɔnii únwini ukyuli ɔwɔdi. Na nwuna ukyuli udu ɔkukudi ɔmmɔ ɔ́vi. Na ɔwɔdi ɔ́ƒɔ ɔmmɔ kenye.

Galatiƒuɔ 2:20

Ami ku Kristo na bákana bámana ugyii lɛlɔ. Ɔsɔ ɔɔɔdi ami nli ngba, mmomu Kristo nli ngba na mina kemmo. Na ngba bɔni na nli ɔƒɛni ni, nli-mu ɔkɛnku ɔyikun ɔni na lɛ́kɛ ka lɛ́ƒɔ Katɔti Ubidi ɔmmɔ lɛ́di ɔsu. Anwu néti nwuna ngba ɔ́kpa na mina lili, ɔsika ɔɔyɔ́-mi.

Galatiƒuɔ 5:24

Na bekyuli bani ndi Kristo Yesu badi ni, bákana bana ɔlɔna udu ɔkukudi ɔmmɔ ku nwuna ɔkwɛ adala ekpidi ƒui bámana ugyii lɛlɔ ku Kristo.

Eƒesoƒuɔ 4:22

Bátina-mii lɛla lɛdi na bina ngba bɔkukudi bulie lɛlɔ. Ani ndi ka bɛda udu ɔkukudi ɔni mɔɔtɔ́lɔ-mii teesienku ɔlɔna ɔkwɛ adala ekpidi kemmo mmɔ bɛya.

Lɛkpa Ulu 10:16

Anwuɔsu bɛda likpidi biala bidie bina kayi kemmo na bɛda atuɔkplu bɔbla bɛya.

Lɛkpa Ulu 30:6

Bina Unwoti Katɔti ɔdubɔya na binu lɛlɔ kalɔ na bina kayi kemmo amii ku bina bawɔ kalɛ na biteenu-nwu litemi na bitaayɔ-nwu ku bina kayi ƒui. Na ɔmɛni ndubɔya na bilie kalɔ kammɔ lɛlɔ bítu uwi.

Ƒilipiƒuɔ 3:3

Abu ndi bekyuli bani mmomu nékulo ago, ɔsika buumwi Katɔti ɔkɛnku nwuna Kɔyu lɛlɔ na bɔɔkɛ́ ebiti ka abu ku Kristo Yesu bɔ́bla unwi ɔsu. Na búteti lɛlɔ bútasia ɔlɔna lɛlɔ ɔdi ala bɔbla lɛlɔ.

Koloseƒuɔ 3:5

Anwuɔsu ni, bɛdu ɔlɔna kemmo ɔkwɛ adala biala nkya-mii lɛlɔ kemmo. Na bitasiaku-nya kama aani lɛsɔnɔdi ku ala ani muusé lɛlɔ ku ɔlɔna ɔkwɛ adala ani muuti ukyuli teesienku likpidi bɔbla kemmo na aayá na ukyuli uuti kasusu kekpidi ku ɔdivo udu biala ɔni ndi lɛƒiɔkpa.

Hebriƒuɔ 9:11

Uwi ɔni na Kristo úbo aani ɔkpane unengudi kalɛ úte ala abuni ani náada alɛ ni, ɔ́vi úduo kakpakɔ kani náƒɔ kuye na kadia ketulo ƒui kemmo. Na ɔɔɔdi ukyuli enu na béti bátu-ka. Na bɔkana budie kalɔ bɔnii ɔɔɔkɛnku kalɛ na bédie kayawi kamɛni lɛlɔ ala kalɛ.

Hebriƒuɔ 9:24

Ɔsika ɔɔɔdi kakpakɔ kani na bekyuli bayawine béti enu bábla básiaku katɔ ɔdi kenye kemmo na Kristo úduo. Mmomu Katɔ Ɔga Ɔma geen kadi kemmo na úduo ɔkya ɔƒɛni na Katɔti anumi na bula lili.