Koloseƒuɔ 1:9 - Katɔti Ɔku Kedee

⁹ Anwuɔsu ɔ́si uwi ɔni na búnu-mii kɔku ni, bútada Katɔti bɔkpali na bina lili bútaya. Na buuvele Katɔti bɔnii ubimi bina kasusu kemmo na ɔya na bɛti nwuna lɛyɔla. Na nwuna Kɔyu kute-mii lɛnunda ku ala kalɔ bunu kalɛ na bɛti ala ani na ɔɔyɔ́ ka bɛbla.

Koloseƒuɔ 1:9 ပူးပေါင်းရင်းမြစ်များ

Kɔgya 119:99

Na muunú-mu kalɔ teetulo bani mɔɔtina-mi ala ammɔ muedi. Ɔsika muuduo-mu kemmo uwi biala.

Kɔgya 143:10

Tina-mi kalɛ na lɛbla ƒula lɛƒɔyɔ, ɔsika awɔ ndi mina Katɔti. Na aya na ƒula lɛƒɔndia lɛtɔnku-mi na lɛsia ngba ulu geen ɔmmɔ lɛlɔ.

Yohane 7:17

Ukyuli ɔni mɔɔyɔ́ ka ɔbla lɛla lɛni na Katɔti ɔɔwia ni, ɔdubɔti si ala ani na mɔɔtina ási Katɔti kudɔ iye ami ɔlati ɔyikun kemmo na muutemi.

Batalane Kabla 12:5

Anwuɔsu bagyumanane bamɛni bágyumana-nwu na ɔtɔ ɔmmɔ kemmo kaduɛ. Nsu ni, baƒɔtaadine bákpali katɔ na bévele nwuna lili kpakplaa.

Romaƒuɔ 12:2

Bɛsɔ bitabla unwi ku kayawi kamɛni lɛlɔ ala bɔbla. Mmomu bɛya na Katɔti ɔvumana-mii kasusu ƒui na binwini bekyuli bawɔdi. Ɔmmɔ ndubɔya na bɛnu lɛla lɛni na Katɔti ɔɔyɔ́ bɛti, na bɛbla lɛla lɛni ndia na lɛɛyɔ́-nwu kaƒɔ na lise sɛɛn lɛ́wɔlɔ.

Korintoƒuɔ 1 1:5

Ɔni bɛ́bla unwi ku Kristo ɔsu ni, bɛɛtí litemi buni lɛmmɔ na biidie-ni keyi na bínwini Kɔyu kemmo balakɛne lɛnɔ.

Eƒesoƒuɔ 1:8

Lɛƒɔndia lɛni neeebo bɔkɔku bɔdi. Ɔkɛnku nwuna lɛnunda ku kalɛ na nwuna kasusu kagyi lɛla biala ɔsu ni,

Eƒesoƒuɔ 5:10

Na lɛnɔ ni, bɛtɛya lɛla lɛni mɔɔyɔ́ Katɔti kaƒɔ.

Eƒesoƒuɔ 5:17

Ɔmɛni ɔsu ni, bitabla lɛlɔ aani bekyuli badɔlɔdi. Mmomu bɛwia na bɛti ala ani geen na Blɔti ɔɔyɔ́ ka bɛbla.

Eƒesoƒuɔ 6:6

Ka bɛdi Kristo kabla bablane ɔsu ni, biti bina ɔyikun ƒui bɛbla lɛla lɛni na Katɔti ɔɔwia. Na ɔɔɔdi bana anumi na ɔdi ka bɛbla lɛla lɛdi biti bɛtina bekyuli kalɛ na bemwi-mii.

Ƒilipiƒuɔ 1:4

Na uwi biala na mɔɔkpali katɔ na bina lili ni, mɔɔkpali ku lɛlɔyɔ

Koloseƒuɔ 1:6

Litemi buni lɛmɛni ala abuni amu aalɛ́ku bekyuli na liigyingya na kayawi ekpo ƒui aani kalɛ na ɔ́lɛku-mii uwi ɔni na bínu Katɔti kɔnyana bɔnu litemi geen lɛmmɔ kudeedi, na bɛ́nu bɛ́ti kalɛ na Katɔti ɔɔyɔ́-mii.

Koloseƒuɔ 3:16

Bɛya na Kristo litemi buni lilie-mii kayi kemmo kaduɛ. Na bitaatina ala na bitaalɛ lɛlɔ na lɛnunda kemmo. Bitaatu Bunweni Kedee Ɔku kemmo lɛnu ku baƒɔtaadine lɛnu ku lɛnu lɛni nkɛnku Katɔti Kɔyu ala lɛlɔ teeti taagya Katɔti enu ku bina kayi ƒui.

Koloseƒuɔ 4:12

Epaƒra ɔni ndi Kristo kabla ɔblane na ɔdi bina lɛkpa lɛmmɔ baƒɔtaadine kemmo unwi lɛnɔ uugyele-mii o-o! Ɔnwa ɔmɛni úti ɔ́sia lɛlɔ kpakplaa na ɔɔkpali katɔ na bina lili kalɛ na binye kpakplaa na bɛlɛ lili bɛwɔlɔ na bina bɔƒɔtaadi kemmo na bɛdi Katɔti litemi biala lɛlɔ.

Koloseƒuɔ 4:5

Bɛda anu na bina keliela kemmo na bɛti kalɛ na bilieku bani naaadi baƒɔtaadine. Na kuƒi biala na bɛ́kɛ ni, bɛbla kabla bite Blɔti.

Tesalonikaƒuɔ 1 1:3

Na buláyiƒala Katɔti bɔsu kalɛ na bɛda bina bɔƒɔtaadi bɛɛbla kabla. Bɔɔsu lɛnɔ kalɛ na biibunku bekyuli na bɔyɔ kemmo, na bɛsia Blɔti Yesu Kristo anu kpakplaa.

Tesalonikaƒuɔ 1 5:17

Bitaya na enu aƒɛ-mii na katɔ bɔkpali kemmo.

Tesalonikaƒuɔ 2 1:11

Ɔmɛni ɔsu na bɔɔkpali katɔ na bina lili uwi ndi uwi. Na buuvele bula Katɔti bɔnii bina ɔbladu ɔmanku bɔlɔ bɔni na ɔ́lɔ-mii. Na nwuna ɔyikun ubunku-mii na ɔkya bina kasusu buni biala ogya kalɛ na lɛla biala lɛni na bɛdubɔbla na anwu ɔsu lɛtɛ.

Ƒilemon 1:4

Ɔnwa Ƒilemon, uwi biala na mɔɔkpali katɔ ni, muunyimo taalɔ-ɔ lɛnyi na mɔɔgyá Katɔti enu na ƒula lili.

Ƒilemon 1:6

Bubo ala abuni ani na Kristo ɔsu. Na mɔɔkpali katɔ nnii Katɔti ɔya na ama bani náƒɔ Kristo bádi aani ƒula kalɛ ni, benu ala amɛni kalɔ kaduɛ ɔkɛnku ƒula lɛlɔ.

Hebriƒuɔ 10:36

Ɔdi ka binye kpakplaa kalɛ na si bɛ́bla lɛla lɛni mɔɔyɔ́ Katɔti kaƒɔ bɛ́wɔlɔ ni, na bina kɔnu kutuku linyese lɛmmɔ.

Hebriƒuɔ 13:21

ute-mii ala abuni ani ƒui na bɛkana biti bɛbla nwuna lɛyɔla. Na muuvele-nwu nnii ɔbla lɛla lɛni na ɔɔyɔ́ na bula lɛlɔ kemmo ɔkɛnku Yesu Kristo ɔni námanku úte bumwi uwi ƒui lɛlɔ. Ɔsia lɛni.

Yakobo 1:5

Si bina akɔ ɔdi ɔɔyaki lɛnunda ni, ɔlɛka uvele Katɔti na ɔdubuti-ni ute-nwu, ɔsika Katɔti uuti-ni teete ukyuli biala ku kaƒɔ ƒaa.

Yakobo 3:17

Na lɛnunda lɛni nási Katɔti kudɔ ni, lise sɛɛn. Na lɛdanku keyi buɛɛ na ɔɔyá na ati kalɛ na ada lɛlɔ na ayɔ ƒula bakpana lɛnɔ. Ɔɔyá na ƒula ablala aanwu ebi buni na aanu bekyuli kɔnyana. Na ulánu bekyuli anumi taabla lɛla lɛdi. Mmomu aabla ala ulu lɛlɔ geen.

Petro 1 2:15

Ɔsika lɛni na Katɔti ɔɔyɔ́ ɔnii bɛbla lɛbuni na biti bɛdu ala ani na badɔlɔdi baasu kɔƒa ka baaagyi lɛla lɛdi ɔsu.

Petro 1 4:2

Na si bɛ́da lɛlɔ bíse lɛni ni, ɔdubɔya na bilie ngba ɔ́si ɔƒɛni úsela bitaabla lɛla lɛni mɔɔyɔ́ Katɔti kaƒɔ. Na ɔlɔna kemmo ala asɔ alátaada-mii ɔkwɛ.

Yohane 1 2:17

Kayawi ku kana lɛlɔ ɔkwɛ adala ƒui adaku bɔvi. Nsu ukyuli ɔni mɔɔbla Katɔti lɛƒɔyɔ ni, ɔdubulie ngba ku Katɔti uwi ƒui.

Yohane 1 5:20

Na abu bɔgyi lɛnɔ ka Katɔti Ubidi úbo kayawi kamɛni úbedie ala kalɔ úte-bu kalɛ na bɔti anwu ɔni geen ndi Katɔti. Na ɔƒaani ni, buliku anwu ɔni geen ndi Katɔti ɔmmɔ ku nwuna Ubidi Yesu Kristo lɛnɔ. Na anwu geen ndi Katɔti ɔmmɔ ɔni ndi ngba bɔni nsɔ naaadubo bɔsa kudii.

Samuel 1 12:23

“Na ami geen ni, uwi ɔdi uuubo na basu banii ndubɔda Unwoti bɔkpali bɔya na bina lili, na unwini-mi likpidi. Na ndubɔtina-mii lɛla lɛni ndi lɛbuni na lɛdia ka bitaabla.