Koloseƒuɔ 1:7 - Katɔti Ɔku Kedee

⁷ Bula ɔnwa Epaƒra ɔni náƒɔ-bu kuye na anwu lɛnɔ ɔdi kabla ɔblane geen ute Kristo na bula kabla kamɛni kemmo nábasu-mii Katɔti kɔnyana bɔnu litemi lɛmmɔ.

Koloseƒuɔ 1:7 ပူးပေါင်းရင်းမြစ်များ

Bumomo Bɔka 12:7

Nsu mina kabla ɔblane Mose anwu ni, ɔɔɔdi lɛni na mɔɔbla-nwu. Ɔdi ukyuli ɔni mɔɔbla ala ulu lɛlɔ na mina kaduli.

Mateo 18:29

“Na nwuna ɔkpana ɔmmɔ úvele-nwu ɔnini, ‘Kɛku-mi kayi na ndubɔƒɔ-ɔ kana ƒui!’

Mateo 24:45

“Kabla Ɔblane ɔni náda anu na ɔɔbla ala ulu lɛlɔ ni, anwu na nwuna unwoti uuti teenye kabla bablane bakladi kenye. Na uunye-ma kenye teete-ma adila na uwi ɔbuni kemmo.

Mateo 25:21

“Nwuna unwoti ɔmmɔ ɔ́su-nwu ɔnii, ‘Kabla ɔblane ɔbuni, ábla lɛla biala ulu lɛlɔ geen! Ka ásia ala blii suɛ amɛni anu kaduɛ ɔsu ni, ndubuti-ɔ linyene ala enengudi kenye. Bo butaadi na butaani na butaakɛ ebiti!’

Korintoƒuɔ 1 4:17

Ɔmɛni lɛlɔ geen ɔsu na mɔɔtala Timoteo lɛkya-mii. Ɔdi-mi ubi ɔyɔne geen ɔni mɔɔbla Blɔti kabla ulu lɛlɔ. Ɔdubo ubenyimene-mii Kristo ngba bɔwɔdi ulu ɔni kama na nsia. Na ɔmmɔ na mɔɔtina baƒɔtaadine ƒui na kesii biala.

Korintoƒuɔ 1 4:2

Na lɛlakpa linwi lɛni kani na Unwoti ɔɔwia taasiku nwuna ala lɛlɔ ɔnune ɔmɛni udu kudɔ ndi ka ɔ́bla kabla kammɔ ulu lɛlɔ.

Korintoƒuɔ 1 7:25

Ɔƒɛni na lɛla lɛni na bíye na bakinsi lɛlɔ ni, ńtaƒɔ ɔda bubo bɔdi ńtasiku Blɔti kudɔ. Nsu ka Blɔti ɔ́nu-mi kɔnyana na ndi ukyuli ɔni na lɛ́manku ɔsu ni, mina kasusu ndi kamɛni.

Korintoƒuɔ 2 11:23

Kristo kabla bablane na badi? Ndi Kristo kabla ɔblane ntulo-ma. Báya na mɔɔtɛmi aani ukyuli ɔni muukpi libuo, nsu ɔdi litemi geen ka lɛ́bla Kristo kabla lítulo-ma. Bekyuli bani muukisi Kristo ni, bákya-mi aban ɔtɔ kɔlɛ kɔlɛ. Na bébo-mi lɛnɔ kɔlɛ kɔlɛ. Na líduo kukpi ku ngba ntɛ uwi pii.

Eƒesoƒuɔ 5:21

Na biboku lɛlɔ kalɔ bite bina lɛlɔ na kalɛ na bɛɛbu Kristo ɔsu.

Ƒilipiƒuɔ 2:25

Nsu lɛ́nu ka ɔlɛka lɛtala Epaƒrodito na ubo-mii kudɔ. Ɔdi mina ɔnwani ɔni nényeku-mi aani ukpone na bɔ́bla Katɔti kabla. Na ɔdi bina ukyuli ɔni na bɛ́tala ka ubo ubanu-mi lɛlɔ.

Koloseƒuɔ 4:12

Epaƒra ɔni ndi Kristo kabla ɔblane na ɔdi bina lɛkpa lɛmmɔ baƒɔtaadine kemmo unwi lɛnɔ uugyele-mii o-o! Ɔnwa ɔmɛni úti ɔ́sia lɛlɔ kpakplaa na ɔɔkpali katɔ na bina lili kalɛ na binye kpakplaa na bɛlɛ lili bɛwɔlɔ na bina bɔƒɔtaadi kemmo na bɛdi Katɔti litemi biala lɛlɔ.

Koloseƒuɔ 4:7

Tihiko ɔdubɔsu-mii mina lɛlɔ kɔtɛ. Ɔdi bula ɔnwa ɔni litemi na mɔɔyɔ́ geen na unye Blɔti kabla kammɔ kemmo sɔsɔ uubunku-bu.

Koloseƒuɔ 4:9

Ɔdubo-mii kudɔ ku bula ɔnwa Onesimo ɔni litemi na bɔɔyɔ́ geen na bɔ́ƒɔ-nwu bɔ́di na ɔdi bina akɔ unwi. Ama ndubɔsu-mii ala ani ƒui mɔɔlɛ́ mɛni.

Timoteo 1 4:6

Si átina ƒula banwa ala amɛni ni, mmɔ na adubɔbla Yesu Kristo kabla ubunkune buni. Na bɔƒɔtaadi etemila amɛni ku bula ala bɔtina bɔni kama na asia ni, anya muute-ɔ kenyekɔ kamɛni.

Timoteo 2 2:2

Na ala ani na énu ka lɛ́tina bekyuli pii anumi ni, anya kani na ɔlɛka eti akya bekyuli bani náƒɔ bádi enu kemmo na beti-nya batina bekyuli bamba lɛnɔ.

Ƒilemon 1:23

Epaƒra, ɔni na ami ku-nwu bɔtɛ aban ɔtɔ na Kristo Yesu ɔsu, ɔɔkya-a kenye o-o!

Hebriƒuɔ 2:17

Ɔmɛni ɔsu na Katɔti ɔ́bla-nwu aani nwuna banwa kalɛ na ulu biala lɛlɔ. Ɔ́bla lɛni kalɛ na unwini ɔkpane unengudi ɔni mɔɔnu kɔnyana na ɔɔbla lɛla biala ulu lɛlɔ teete Katɔti, na uti nwuna ngba ɔkpa kalɛ na Katɔti uti bekyuli ekpidi ɔkyiɛ-ma.

Hebriƒuɔ 3:2

Ɔ́bla ala ulu lɛlɔ úte ukyuli ɔni náƒuna-nwu úse aani kalɛ na Mose ɔ́bla ala ulu lɛlɔ na Katɔti kaduli.