Koloseƒuɔ 1:6 - Katɔti Ɔku Kedee

⁶ Litemi buni lɛmɛni ala abuni amu aalɛ́ku bekyuli na liigyingya na kayawi ekpo ƒui aani kalɛ na ɔ́lɛku-mii uwi ɔni na bínu Katɔti kɔnyana bɔnu litemi geen lɛmmɔ kudeedi, na bɛ́nu bɛ́ti kalɛ na Katɔti ɔɔyɔ́-mii.

Koloseƒuɔ 1:6 ပူးပေါင်းရင်းမြစ်များ

Kɔgya 110:3

Na uwi ɔmmɔ ni, adubulie ƒula lɛgaboku lɛlɔ na ada ƒula agala. Na ama bani na ásɔku ábla ɔwɔdi aani ɔtanta amii ƒui badubɔda balɛ ƒula keliekɔ kedee mmɔ.

Kɔgya 98:3

Ɔ́sia nwuna litemi kama siin úte Israel kadi bekyuli na ɔɔyɔ́-ma uwi ndi uwi. Na kayawi bekyuli ƒui bánu na kesi kesii kalɛ ubo ɔyikun na ɔɔƒɔ́ bekyuli.

Mateo 24:14

Na bekyuli badubɔkɔ Katɔti lɛga bɔdi litemi buni lɛmmɔ lɛsa na kayawi ƒui kalɛ na ukyuli biala ɔkɛ kuƒi unu-ni asa na kawɔlɔkɔ kammɔ kedu.

Mateo 28:19

Anwuɔsu biteesie kayawi kadi biala bekyuli akɔ na bɛtina-ma ala kalɛ na benwini mina batɛyane. Na bɛkpila-ma ntu na Ati ku Ubi ku Katɔti Kɔyu lɛnyi kemmo.

Marko 16:15

Ɔ́su-ma ɔnini, “Biteesie kayawi ƒui na bitákɔ Katɔti litemi buni lɛmɛni lɛsa na bekyuli ƒui akɔ.

Marko 4:8

Na adi álɛ ébo kalɔ kabuni lɛlɔ. Na ákwɛ, na ádia, na áma bebi. Na adi ánwu ebi liti ku leevu, na adi lɛnɔ ánwu ebi eti anyɔ.”

Yohane 15:16

Ɔɔɔdi amii náƒuna-mi. Mmomu ami náƒuna-mii. Na lɛ́ƒuna-mii lise ka bisie bitátaabla kabla kabuni kani ndi ebi pii ani na bɛdubɔnwu. Na abla ebi ani ndubutu uwi na elebie. Ɔmɛni ɔsu ni, Katɔti ɔdubute-mii lɛla biala na bivele-nwu si bɛ́kpali-mi lɛnyi.

Yohane 17:19

Na ama ɔsu ni, lɛ́bla lɛlɔ kedee lite-ɔ kalɛ na akana abla ama lɛnɔ kedee.

Yohane 4:23

Nsu uwi ɔdubo na úudu lɛnɔ ɔni na bekyuli bani nsiaku Katɔti na ulu geen lɛlɔ ni, badubɔkɔliku-nwu lɛnyi katɔ ku Katɔti Kɔyu ɔyikun na litemi geen kemmo. Ɔsika ama ndi basiakune bani na Katɔti ɔɔwia.

Batalane Kabla 11:18

Uwi ɔni na bénu etemila amɛni ni, báda bana unyeƒi báya na bése kalɔ beemwi Unwoti. Na básu banini, “Sɔsɔ ni, Katɔti úte bekyuli bamba lɛnɔ kuƒi ka benwini bebo-nwu kudɔ na bakɛ ngba.”

Batalane Kabla 12:24

Amu na Blɔti litemi buni lɛmɛni lígyingya geen, na baƒɔtaadine lɛnɔ bémomo bébu.

Batalane Kabla 16:14

Na bana kemmo unwi baalɔ banii Lidia. Uuyé adi egyiedi na Tiatira, na ɔdi ukyuli ɔni mɔɔbu Katɔti geen. Na uwi ɔni na ɔkya uunú bula butemi bɔmɛni ni, Blɔti úbimi-nwu kasusu na ɔ́ƒɔ etemila ani na Paulo ɔ́su mɛni ƒui.

Batalane Kabla 26:18

Na ndubɔya-a na etébimi-ma anumi na balɛ Satan ɔyikun kemmo na kasuudikɔ mmɔ bebo Katɔti ɔyikun ku bukeye kemmo. Na Katɔti ɔdubuti bana ekpidi ɔkyiɛ-ma na wabla-ma katɔ ala badine aani bani na ɔ́ƒuna úte nwuna lɛlɔ ka báƒɔ-mi bádi ɔsu.’

Romaƒuɔ 1:13

Banwa, bɛti ka lɛ́bla kasusu uwi pii kemmo ka libo-mii kudɔ nka, nsu lɛla lɛdi lítile-mi kuƒi. Mɔɔyɔ́ ka lɛya na bekyuli baƒɔ Kristo badi na bina akɔ aani kalɛ na lɛ́bla na bekyuli bani naaadi Yudaƒuɔ akɔ.

Romaƒuɔ 15:19

Na badubɔbla lɛni ɔkɛnku ɔyikun ala ani na bánu ku akɔla budie taatina ani na Katɔti Kɔyu kɔ́ya na lɛ́bla ɔsu. Anwuɔsu ɔ́si Yerusalem ɔkɛ útávi Iliriko amadɔ ni, lɛ́kɔ Kristo litemi buni lɛmmɔ lɛsa.

Romaƒuɔ 15:28

Anwuɔsu si lɛ́bla kabla kamɛni lɛ́wɔlɔ na bákɛ ala ani na béyi mmɔ ni, ndubusie Spania na ndubɔsia-mii kudɔ mmɔ si lísela.

Romaƒuɔ 16:26

Nsu ɔƒɛni ni, bédie ala ammɔ keyi béte kalɔ ƒui bekyuli aani kalɛ na nwuna kenye bediene bénweni bése. Katɔti ɔni nli ngba úsela ƒui lɛƒɔyɔ ndi ka ɔlɛka bakɔ litemi buni lɛmɛni lɛsa na kadi ƒui baƒɔ-nwu badi na badi nwuna litemi lɛlɔ.

Korintoƒuɔ 2 10:14

Na ka bɛkya ekpo ani na Katɔti úti úte-bu kemmo ɔsu ni, bútavia bula kenyekɔ. Ɔsika abu náka-mii kudɔ bubo ku Kristo litemi buni lɛmmɔ.

Korintoƒuɔ 2 6:1

Ka bunye bɔɔblaku Katɔti kabla ɔsu ni, buuvele-mii bɔnii bitebile Katɔti kɔnyana bɔnu.

Eƒesoƒuɔ 3:2

lɛ́ƒɔ lɛ́di ka bínu ka Katɔti úti kabla kamɛni ɔ́kya-mi lɛkɔkɔ ka lɛbla na bina akɔ na nwuna lɛƒɔndia lɛni na ubo ute-mii ɔsu.

Eƒesoƒuɔ 4:21

Use nwaa ka bɛgyi Kristo lɛlɔ litemi. Na aani nwuna kama basiakune ni, bátina-mii ala geen ani nkya Yesu ɔmmɔ kemmo.

Eƒesoƒuɔ 4:23

Na bɛya na Katɔti Kɔyu kɔsɔku-mii kakali ɔbla ɔwɔdi.

Eƒesoƒuɔ 5:9

Ɔsika bekyuli bani nli bukeye kemmo ni, ebi ani na baanwu ndi ebi abuni. Baasu etemila geen na beelie siin.

Ƒilipiƒuɔ 1:11

Na bɛnwu ebi ani mɔɔtina ka bise siin na bina ngba bulie kemmo ka bɛ́ƒɔ Blɔti Yesu Kristo bɛ́di ɔsu, na biti ɔbu ku bumwi bite Katɔti.

Ƒilipiƒuɔ 4:17

Na ɔɔɔdi etela na mɔɔwia lite lɛlɔ, mmomu lɛla lɛni mete-mii kɔsia na katɔ na mɔɔsia anu.

Koloseƒuɔ 1:10

Ɔmɛni ndubɔya na bɛti bina lɛlɔ bɔda na bilie ngba bɔni na Blɔti ɔɔwia. Na bina ngba bulie ɔbladu biala ɔbla ɔbuni. Na ɔdubo-mii bubunku na bitaati Katɔti teebu.

Koloseƒuɔ 1:23

Anwuɔsu ɔdi ka binye kpakplaa na bina bɔƒɔtaadi kemmo, na bitaya na enu aƒɛ-mii na bɛyila lɛnunsia lɛni bibo ɔ́si uwi ɔni na bínu litemi buni lɛmmɔ. Na ɔdi litemi buni lɛni lɛsa na lɛ́kɔ líte bayawine ƒui. Na ani ɔsu na ami Paulo ḿbenwini Katɔti kabla ɔblane.

Tesalonikaƒuɔ 1 1:5

Na litemi buni lɛni búbasu-mii ni, ɔɔɔdi kenyekplu kani na kadi. Mmomu kadanku Katɔti Kɔyu ɔyikun budie taatina ɔni na bɔ́ya na bɛ́ti ka sɔsɔ na ɔdi. Bɔgyi ka bɛ́nu kalɛ na bɔ́da bula lɛlɔ na bina akɔ, na ɔmɛni ɔdi bina kebunku.

Tesalonikaƒuɔ 1 2:13

Na lɛla lɛni ɔsu na bɔ́sɔ bɔɔgyá Katɔti enu lɛnɔ ndi ka ni, uwi ɔni na bɔ́su-mii litemi buni lɛmɛni ni, bíteti-ni aani litemi likpludi. Mmomu bɛ́ƒɔ-ni aani Katɔti litemi. Na ɔdi nwuna litemi sɔsɔ. Na líboku kavumana geen lɛnɔ na amii baƒɔtaadine bammɔ ngba bulie kemmo.

Tesalonikaƒuɔ 2 2:13

Nsu ni, banwa, bɔda Katɔti enugya kayu uwi ƒui na amii ɔsu. Bɔgyi ka ɔɔyɔ́-mii sɔsɔ. Ɔsika ɔ́ƒuna-mii ɔnii bɛkɛ bɔƒɔ. Na ɔ́bla-mii nwuna badi ɔ́si kalɔ kesekɔ uwi ɔni na Katɔti Kɔyu kúveli bina ekpidi údie-mii lɛlɔ ɔsika bɛ́ƒɔ litemi buni lɛmmɔ bɛ́di ɔsu.

Petro 1 5:12

Silivano ɔni na mɔɔbu aani ɔƒɔtaadine ɔnwa ɔni mɔɔdi bɔƒɔtaadi bammɔ lɛlɔ geen ni, anwu nébunku-mi na búnweni ɔku klukui ɔmɛni buute-mii. Na mɔɔwia ka lɛkya-mii ogya na lidie kenye lɛsu-mii ka ni, ala ani lɛlɔ na línweni ɔku ɔmɛni lɛ́siku ni, adi kalɛ na Katɔti kaƒɔ kadia kete-bu. Anwuɔsu binye kpakplaa.