Koloseƒuɔ 1:28 - Katɔti Ɔku Kedee

²⁸ Na ɔmɛni ɔsu na bɔɔsu Kristo lɛlɔ litemi lɛmmɔ teete ukyuli biala. Na bɔɔlɛ-ma na bɔɔtina-ma ala na lɛnunda ƒui kemmo kalɛ na ɔdi biala ɔda ɔlɛ Katɔti anumi na use siin ɔkɛnku lɛla lɛni na Kristo ɔ́bla úte ɔdi biala kenye.

Koloseƒuɔ 1:28 ပူးပေါင်းရင်းမြစ်များ

Esra 7:25

Na awɔ, Esra, ti lɛnunda lɛni na ƒula Katɔti úte-ɔ na awia litemi batɛne bani ngyi ƒula Katɔti ɔda bubo bɔmmɔ lɛlɔ ala na bataatɛ ketu ɔvi badi bammɔ litemi. Na bani na baaagyi ɔda bubo bɔmmɔ lɛnɔ ni, na atina-ma ala.

Agba 8:5

Bina kasusu kásɔ bibo na lite-mii lɛnunda. Bɛ́dɔlɔ bibo na lite-mii ala kalɔ bunu.

Etemila 12:9

Ndi ala ɔtinane ɔni muunú ala kalɔ geen na lɛ́da anu na lɛ́sala agba adi na líduo mu kemmo kaduɛ.

Yeremia 3:15

Na ndubɔƒuna batɔnkune bani náda anu na baabu-mii lite-mii na banu-mii lɛlɔ aani baƒonu badane babuni kalɛ.

Yeremia 6:10

“Ami Unwoti lɛ́ɛsu bekyuli bamɛni ka ndubo-ma kɔtu bɔni, nsu bɔma kani na baamá-mi, na bébulo banii belenu-mi litemi na badi-ni lɛlɔ.

Esekiel 7:10

Ɔgbankpi úude! Litemi tatɛ ulu siin lɛlɔ ku lɛlɔ katɔ bɔtalaku bɔ́ƒɔ kesi kesii.

Mateo 28:20

Na bɛtina-ma bɛnii badi ala ani ƒui na lɛ́tina-mii lɛlɔ. Na ndubɔkya-mii akɔ uwi ƒui utálɛ kayawi kawɔlɔkɔ.”

Mateo 3:7

Uwi ɔni na Yohane ɔ́nu Ƒarisiƒuɔ ku Sadukiƒuɔ pii ka badubo na ɔkpila-ma ntu ni, ɔ́su-ma ɔnii, “Amii bani mbo likyulikpi aani balakpi! Bitatɔlɔ lɛlɔ bɛnii si bákpila-mii ntu kani ni, ɔ́sa na bɛ́lɛ Katɔti kɔtu kɔni na ɔdubɔni bekyuli bekpidi kemmo.

Mateo 5:48

Bɛbla sɛɛn aani kalɛ na bina Ɔti ɔni nkya katɔ use sɛɛn.

Marko 6:34

Ɔni na Yesu ɔ́yu ɔkɔlɔ kemmo ni, ɔ́nu bekyuli lisu lɛmɛni na bana lɛlɔ lɛ́kywi-nwu kaƒɔ, ɔsika bese aani baƒonu bani neeebo lɛlɔ ɔnune. Anwuɔsu úse kalɔ ɔɔtina-ma ala pii taasiku Katɔti litemi lɛlɔ.

Luka 21:15

Ɔsika ndubuti kenye ogya etemila ku lɛnunda lite-mii kalɛ na bina bekisine badi balakana bunye bɔsiaku-mii iye batɛmi bedie-mii kudii.

Batalane Kabla 10:36

Lɛ́ƒɔ lɛ́di ka bínu litemi buni lɛni na básu béte Israelƒuɔ ka ni, ɔkɛ Yesu Kristo lɛlɔ ni, badubɔkɛ keyi buɛɛ. Na anwu ndi Ukyuli Ɔƒunadi ɔni lɛnɔ ndi bayawine ƒui Ɔti.

Batalane Kabla 11:20

Nsu ni, baƒɔtaadine bani nási Kipro ku Kirene bésie Antiokia bátásu Blɔti Yesu lɛlɔ litemi béte Grikiƒuɔ.

Batalane Kabla 13:38

“Banwa, binu! Na Yesu ɔmɛni lɛnyi kemmo ni, Katɔti ɔdubuti bina ekpidi ɔkyiɛ-mii.

Batalane Kabla 17:18

Amu na uwi ɔdi ni, anwu ku bekyuli lisu lɛdi bani ndi Epikuroƒuɔ ku Stoaƒuɔ bani nlie nte kayawi lɛnunda bákya ku Paulo unyeƒi na básu banini, “Bi na ɔnana ɔmɛni uutemi taasu?” Amu na babambadi lɛnɔ básu banini, “Use aani kalɔ bamba baƒiɔ badi lɛlɔ kɔtɛ na ɔɔtɛmi.” Na bekyuli bammɔ básu lɛni ɔsika bénu ka Paulo ɔ́su litemi buni ɔ́siku Yesu ku nwuna bɔsɔ taata lɛlɔ ɔsu.

Batalane Kabla 17:3

Na uudie lɛbibo lɛni na básu bése ka Kristo ɔdubo bɔnu ku kalɛ na ɔsɔ ɔdubɔta na ulie ngba ɔni na ɔsɔ ulekpi. Paulo ɔ́su-ma ɔnii, “Ukyuli ɔni lɛlɔ litemi mɔɔsu-mii mɛni ndi Yesu ɔni ndi Ukyuli Ɔƒunadi ɔmmɔ.”

Batalane Kabla 20:31

Binye kagyumana na bɛkali bɛnu kalɛ na líti keku buwulo lɛ́lɛ-mii na lɛ́tina-mii ala usien ku ɔƒɛ na akwa atɛ ani na lɛ́kya-mii kudɔ kemmo.

Batalane Kabla 5:42

Na ɔmɛni kama ni, limeyi biala bátaasu ka Yesu ndi Ukyuli Ɔƒunadi na Yudaƒuɔ kakpakɔ ku bekyuli kɔduli.

Batalane Kabla 8:35

Amu na Ƒilipo úse kalɔ na úti Bunweni Kedee Ɔku ɔmmɔ na uudie litemi buni lɛmmɔ kalɔ taatina-nwu ɔ́si Yesu lɛlɔ.

Batalane Kabla 8:5

Na Ƒilipo anwu ni, úsie Samaria útásu bekyuli litemi buni lɛmmɔ ɔ́siku Ukyuli Ɔƒunadi lɛlɔ.

Batalane Kabla 9:20

Na uwi ɔmmɔ kani na úsie Yudaƒuɔ kɔsakɔ útásu Yesu lɛlɔ litemi ka Katɔti Ubidi na ɔdi.

Romaƒuɔ 16:25

Na ɔƒaani ni, bɛya bumwi Katɔti. Anwu ndubɔkana na ɔda-mii na binye kpakplaa aani kalɛ na mɔɔsu na litemi buni lɛni kudu na muubó kemmo ɔkɛnku Yesu Kristo lɛlɔ. Litemi buni lɛmɛni nkɛnku ala abɛdi ani na Katɔti údie keyi na ábɛ-bu na akwa pii ani návi kemmo.

Korintoƒuɔ 1 1:23

Nsu abu ni, Yesu ɔni na bákana bámana ugyii lɛlɔ litemi na bɔɔsu. Na litemi lɛmɛni lɛɛtu Yudaƒuɔ kayi. Na bekyuli bani naaadi Yudaƒuɔ lɛnɔ ni, beenú-ni aani adɔlɔla.

Korintoƒuɔ 1 1:30

Katɔti náya na bɛ́bla unwi ku Yesu Kristo. Na Kristo ɔmmɔ ndi bula lɛnunda lɛni na Katɔti úti úte-bu. Na ɔkɛnku Kristo ɔmmɔ lɛlɔ ɔsu na Katɔti ɔɔnu-bu ka buse siin. Na búnwini Katɔti bekyuli kedee. Na ɔ́ƒɔ-bu lili kayu ɔ́lɛku ekpidi kemmo.

Korintoƒuɔ 1 12:8

Ɔdi anwu ni, Katɔti Kɔyu kúte-nwu litela lɛni náya na ɔti butemi ku lɛnunda ɔkɛnku Kɔyu kɔmmɔ lɛlɔ. Na ɔdi lɛnɔ ni, Kɔyu kɔmmɔ kúte-nwu litela lɛni náya na ɔti butemi ku lɛlati ɔkɛnku Kɔyu kɔmmɔ kani lɛlɔ.

Korintoƒuɔ 1 15:12

Ɔƒɛni ka kenye kani na bɔɔsu ndi ka Katɔti ɔ́gyila Kristo ɔ́lɛku bekpine akɔ ni, bi ɔsu na bina badi bɛɛsu bɛnii Katɔti ulágyila bekpine na basɔ bebelie ngba?

Korintoƒuɔ 1 2:15

Ukyuli ɔni na Katɔti Kɔyu kɔ́ƒɔ-nwu lɛlɔ kemmo ni, ɔɔkana na ɔɔnu lɛla biala taati. Nsu anwu ni, bekyuli balakana-nwu bɔnu bɔti.

Korintoƒuɔ 1 2:6

Nsu ni, mina kenye kani na mɔɔsu ni, kadanku bekyuli bani náda anu na béesie anumi na kɔyu kemmo ala kalɔ bunu kemmo. Na kaaadanku kayawi kamɛni kemmo lɛnunda iye bayikune bani mɔɔdi kayawi kamɛni lɛlɔ na baayii ku udu lɛlɔ.

Korintoƒuɔ 1 4:14

Ɔɔɔdi kɔƒa na nnii mɔɔkya-mii ɔsu na muunweni-mii ɔku ɔmɛni udu. Mmomu mɔɔlɛ-mii aani mina bebi bayɔne kalɛ.

Korintoƒuɔ 2 10:14

Na ka bɛkya ekpo ani na Katɔti úti úte-bu kemmo ɔsu ni, bútavia bula kenyekɔ. Ɔsika abu náka-mii kudɔ bubo ku Kristo litemi buni lɛmmɔ.

Korintoƒuɔ 2 11:2

Muukpó-mii lɛlɔ kogyulo teete Katɔti. Lívele-mii líte Kristo aani kalɛ na beevele adagyaa ɔni nse sɛɛn teete kɔgya.

Korintoƒuɔ 2 4:5

Bulakɔ abu alati lɛlɔ lɛsa teete-mii, mmomu Yesu Kristo lɛlɔ lɛsa na bɔɔkɔ́ teete-mii ka ɔdi Blɔti. Na abu bɔdi kabla bablane bute-mii na Kristo ɔsu.

Eƒesoƒuɔ 3:8

Ami ɔni ndi Katɔti baƒɔtaadine ƒui akɔ ubliidi ni, Katɔti úti litela lɛmɛni úte-mi ka lɛkɔ litemi buni lɛmmɔ lɛsa na lɛƒɔndia bonwu lɛni na bekyuli badubɔkɛ ɔkɛnku Kristo lɛlɔ lite bani naaadi Yudaƒuɔ.

Eƒesoƒuɔ 5:27

Na ɔ́klibi anwu ɔni ndi nwuna baƒɔtaadine lɛkpa kedee lɛni muukeye na bɔƒiɔ bɔdi buuubo-ni lɛlɔ, ɔsika likpidi iye bɔsɔ bɔdi bɔɔɔma-ni lɛlɔ.

Lɛkpa Ulu 4:5

Binu! Mina Unwoti Katɔti bunyimi bɔni na úbo-mi ɔda ka ntina-mii ni, lɛ́tina-mii ƒui. Na mɔɔsu-mii nnii bɛdi-mu lɛlɔ ƒui na kalɔ kani bísela bitéti binwini bina kadikɔ mmɔ lɛlɔ.

Koloseƒuɔ 1:22

Nsu ɔƒɛni ni, Katɔti ɔkɛnku nwuna Ubidi kukpi kɔni na úkpi na ugyii lɛlɔ mmɔ ɔsu ni, ɔ́klibi amii ku-nwu ntɛ kalɛ na bɛkana na binye nwuna anumi aani bekyuli bani nse kedee na bátasɔ na beeebo kɔtu bɔni bɔdi.

Koloseƒuɔ 2:10

Na Katɔti ɔɔyá na bɔɔlɛ́ lili taawɔlɔ ɔkɛnku abu ku Kristo unwi bɔbla ɔsu. Na Kristo ɔmɛni mɔɔdi bayikune ku kenyekɔ biala lɛlɔ.

Koloseƒuɔ 2:3

Kristo ɔmmɔ kemmo na Katɔti úti nwuna lɛlati ku lɛnunda ƒui ɔ́bɛla ɔ́kya.

Koloseƒuɔ 3:16

Bɛya na Kristo litemi buni lilie-mii kayi kemmo kaduɛ. Na bitaatina ala na bitaalɛ lɛlɔ na lɛnunda kemmo. Bitaatu Bunweni Kedee Ɔku kemmo lɛnu ku baƒɔtaadine lɛnu ku lɛnu lɛni nkɛnku Katɔti Kɔyu ala lɛlɔ teeti taagya Katɔti enu ku bina kayi ƒui.

Koloseƒuɔ 4:12

Epaƒra ɔni ndi Kristo kabla ɔblane na ɔdi bina lɛkpa lɛmmɔ baƒɔtaadine kemmo unwi lɛnɔ uugyele-mii o-o! Ɔnwa ɔmɛni úti ɔ́sia lɛlɔ kpakplaa na ɔɔkpali katɔ na bina lili kalɛ na binye kpakplaa na bɛlɛ lili bɛwɔlɔ na bina bɔƒɔtaadi kemmo na bɛdi Katɔti litemi biala lɛlɔ.

Tesalonikaƒuɔ 1 4:6

Ɔkɛnku ɔmɛni lɛlɔ ni, ɔdi biala lɛnumi litegyie na ɔnwani ulekudi lɛlɔ kalɛ na waƒiɔ-nwu. Bɔ́su-mii na bɔ́lɛ-mii na ɔmɛni lɛlɔ búse kpakplaa ka ni, Blɔti ɔdubɔni bani mɔɔbla ala amɛni kɔtu geen.

Timoteo 1 3:16

Katɔti litemi kedee lɛni na bédie keyi ni, lɛ́ƒɔ kuye geen na ukyuli biala ulakana na weni-ni. Ani ndi ka, “Blɔti úbo aani ɔyawine ubi. Katɔti Kɔyu kɔ́gyila-nwu na kúte-nwu ubo. Na katɔ batu bánu-nwu. Na bekyuli bákɔ-nwu lɛlɔ lɛsa na kadi ƒui akɔ. Bekyuli pii báƒɔ-nwu bádi na kayawi. Na Katɔti úti-nwu úsienku katɔ.”

Timoteo 1 3:2

Na baƒɔtaadine ɔtɔnkune ni, ɔlɛka ɔbla ukyuli ɔni na litemi lɛdi lɛɛɛda-nwu, na úti uleku unwi, na ɔ́da anu, na ɔda lɛlɔ, na bekyuli baabu-nwu. Ɔɔbla lɛƒɔ na ɔdi ala ɔtinane buni.

Hebriƒuɔ 10:14

Ɔsika ɔkɛnku kunwi kɔni na úti lɛlɔ ɔ́kpa mmɔ ɔsu ni, ɔ́wɔlɔ nwuna kabla úte bekyuli uwi ƒui kalɛ na babla kedee.

Hebriƒuɔ 13:21

ute-mii ala abuni ani ƒui na bɛkana biti bɛbla nwuna lɛyɔla. Na muuvele-nwu nnii ɔbla lɛla lɛni na ɔɔyɔ́ na bula lɛlɔ kemmo ɔkɛnku Yesu Kristo ɔni námanku úte bumwi uwi ƒui lɛlɔ. Ɔsia lɛni.

Petro 2 3:15

Na bɛbu bɛnu kalɛ na Katɔti ɔɔkɛ́ku-mii kayi. Ɔmmɔ ndi kuƒi kɔni na úte-bu ka bɔkɛ ngba bɔƒɔ. Lɛni kani na Ɔnwa Paulo ɔkɛnku lɛlati lɛni na Katɔti úte-nwu kenye únweni ɔku úte-mii.