Koloseƒuɔ 1:24 - Katɔti Ɔku Kedee

²⁴ Na ɔƒɛni ni, ɔdi-mi kubiti ka muubó abi na amii ɔsu. Na mina abi ani na muubó na ɔlɔna kemmo mɛni ni, ɔ́ya na muubunku na libo abi ani na Kristo ɔlɛka ubo na nwuna baƒɔtaadine lɛkpa lɛni ndi nwuna ɔlɔna ɔmmɔ lili lɛwɔlɔ.

Koloseƒuɔ 1:24 ပူးပေါင်းရင်းမြစ်များ

Marko 10:39

Amu na bédie kenye banini, “Bɔdubɔkana.” Yesu ɔ́su-ma ɔnini, “Ɛɛn, bɛdubɔni ɔɔƒɛɛ ukpidi ɔni udu na mɔɔní, na bɛdubɔƒɔ bɔkpila ɔdi ɔni udu na mɔɔƒɔ́ mɛni.

Batalane Kabla 5:41

Na ka bésela ni, kubiti kɔ́da-ma kaduɛ, ɔsika bánu ka Katɔti ɔ́ka-ma ɔ́kya bekyuli bani muubó abi ku kɔƒa na Yesu ɔsu.

Romaƒuɔ 5:3

Na lɛnɔ ni, lɛlɔ lɛɛyɔ́-bu si buubó abi, ɔsika bɔgyi ka lɛbibo lɛmɛni udu lɛɛyá na buunye kpakplaa.

Romaƒuɔ 8:17

Na si bɔdi nwuna bebi ni, na bɔdi nwuna ala badine. Na abu ku Kristo bɔdubɔdi Katɔti ala bɔsala. Na bɔdubukeye lɛnɔ aani nwuna kalɛ si búbo abi aani kalɛ na Kristo úbo abi.

Korintoƒuɔ 1 12:27

Anwuɔsu bina ƒui násala bɛ́bla Kristo ɔlɔna ugyii ɔmmɔ na bɛdi-nwu lɛlɔ ekpo unwi unwi.

Korintoƒuɔ 2 12:15

Ɔmɛni ɔsu ndububile mina ala ani nse-mi na liti mina lɛlɔ muedi lite ku ebiti na bina lili. Anwuɔsu ka mɔɔyɔ́-mii pii lɛni ni, bi ɔsu na ɔlɛka bina bɔyɔ bɔƒana na mina lɛlɔ?

Korintoƒuɔ 2 6:10

Ina ka bula lɛlɔ lɛɛkywí kaƒɔ ni, lɛlɔ lɛɛyɔ́-bu uwi biala. Baanu-bu aani bawabane, nsu bɔɔyá na bekyuli beenwíni Katɔ Ɔga Ɔma balakɛne. Baanu-bu aani bekyuli bani neeebo lɛla lɛdi. Nsu geen ni, ala ƒui ása-bu.

Korintoƒuɔ 2 7:4

Mina anu asia-mii lɛlɔ geen! Na mɔɔtina lɛlɔ na amii ɔsu. Na kaƒɔ kaayɔ́-mi ɔsika ina ka buubó abi ni, ebiti áƒɔ-mi kayi kemmo ƒui na amii ɔsu.

Eƒesoƒuɔ 1:23

Baƒɔtaadine bamɛni badi Kristo ɔlɔna na beedie-nwu keyi na ulu biala lɛlɔ ka anwu ndi ukyuli ɔni náƒɔ lɛla biala kemmo ƒui.

Eƒesoƒuɔ 3:1

Ɔmɛni ɔsu ni, ami Paulo ɔni ntɛ aban ɔtɔ ka mɔɔbla Kristo Yesu kabla na bina lili ɔsu ni,

Eƒesoƒuɔ 3:13

Anwuɔsu ni, enu ataƒɛ-mii ka muubó abi lɛni na amii ɔsu. Amii ndubɔkɛ lɛbibo lɛmmɔ kɔsia.

Ƒilipiƒuɔ 3:10

Na lɛla lɛni kani na mɔɔwia ndi ka lɛti Kristo. Na ɔyikun ɔni náya na ɔ́ta ɔ́lɛ bekpine akɔ ɔkya-mi lɛlɔ kemmo. Na liboku-nwu abi na lɛblaku-nwu unwi na nwuna kukpi kemmo.

Koloseƒuɔ 1:18

Anwu ndi lili ute nwuna ɔlɔna ɔni ndi baƒɔtaadine lɛkpa lɛmmɔ. Na ɔdi lɛkpa lɛmɛni kalɔ kesekɔ. Anwu ndi Katɔti Ubi udeedi ɔni na ɔ́gyila ɔ́lɛku bekpine akɔ, kalɛ na ɔtɔnku lɛla biala.

Timoteo 2 1:8

Ɔmɛni ɔsu ni, taya na kɔƒa kukpo-ɔ ka enye Blɔti litemi kama, iye kɔƒa kukpo-ɔ na mina lɛlɔ aani ɔtɔntɛne kalɛ na Kristo ɔsu. Mmomu ni, awɔ lɛnɔ nye lɛbibo lɛmmɔ kenye kpakplaa na eteedie Blɔti litemi buni lɛmmɔ keyi. Ɔsika Katɔti úte-ɔ ɔyikun kalɛ na akana na abla ɔmɛni.

Yakobo 1:2

Banwa, lɛlɔ litaayɔ-mii si ala lidu lidu eekpóku-mii.