Koloseƒuɔ 1:20 - Katɔti Ɔku Kedee

²⁰ Na ɔkɛnku Ubidi ɔmmɔ lɛlɔ na Katɔti ɔ́klibi anwu ku ala ani nkya katɔ ku kalɔ ƒui ntɛ. Na ɔ́ya na bɔ́kɛ keyi buɛɛ ɔkɛnku Ubidi ɔmmɔ ubugya ɔni néwiakun na ugyii ɔni lɛlɔ na bákana-nwu bámana ɔsu.

Koloseƒuɔ 1:20 ပူးပေါင်းရင်းမြစ်များ

Lewiƒuɔ Ɔda Bubo 6:30

Nsu likpidi bɔkyiɛ ebuo biala na béti-nwu ubugya béduoku Unwoti Adi Kevo kesii kani nse kedee mmɔ ka babla akpala na bedie kɔtu bɔni na ukyuli ɔmmɔ lɛlɔ ni, útalɛ ka ɔdi biala utuku-nwu kenye, mmomu badubɔkyula-nwu ƒui.’ ”

Mika 5:2

Unwoti ɔnini, “Awɔ Betlehem na Eƒrata kalɛkɛ kemmo, awɔ ndi ɔma blii suɛ ntulo na Yuda kalɔ lɛlɔ. Nsu uuuse lɛni, ɔsika ƒula kemmo na ɔtɔnkune ubendi ɔdubɔlɛ ɔsi na watɔnku mina kaduli bekyuli Israelƒuɔ wete-mi. Na ɔdubɔbla ukyuli ɔni na nwuna kaba kése kalɔ kási kukuuku na ala kalɔ kesekɔ ƒui.”

Mika 5:5

Ɔsika anwu ɔmmɔ geen ndanku keyi buɛɛ ku atu bɔyɔ bammɔ. Si Asiriaƒuɔ békpo-bu kalɛ kalɛ na bébile-bu kalɔ ku bula baga kesii dɛ ni, abu lɛnɔ bula batɔnkune baƒunadi badi badubɔtɔnku-bu na bɔdubukpoku-ma budie kasi.

Bumomo Bɔka 7:65

ku ɔmantɛ bakɔ inyɔ ku baƒonu ɛlɔ ku betukpa ɛlɔ ku baƒonu bakɔdi ɛlɔ lɛkwa linwi ligye úte unwi bɔbla akpala. Akpala ammɔ na Gideoni ubidi Abidan úboku.

Mateo 1:21

Na ɔdubɔwɔ ɔnanabi. Na awɔ Yoseƒ asia-nwu lɛnyi anii Yesu, ɔsika anwu ndubudie nwuna bekyuli ɔlɛku bana ekpidi kemmo.”

Luka 2:14

“Ɔbu ku bumwi ute Katɔti na katɔ kakaaka ƒui, na keyi buɛɛ kasiaku bayawine ƒui bani na Katɔti ɔɔyɔ́!”

Batalane Kabla 10:30

Na ɔmɛni ɔsu ni, Kornelio ɔ́su-nwu ɔnini, “Ɔbla emeyi ene mɛni aani uwi ɔmɛni kemmo ka nkya mɔɔkpali katɔ ɔƒiiwi aani kalɛ na mɔɔyɔ́ bɔbla uwi ndi uwi. Na kɔnakunwi ni, ɔnana ɔdi ɔ́si úbenye-mi anumi, na ɔkya awu ɔni muukeye na ɔɔtu anumi!

Romaƒuɔ 5:1

Na ɔƒɛni ni, ka Katɔti ɔ́bla-bu siin ɔkɛnku bula bɔƒɔtaadi lɛlɔ ɔsu ni, Katɔti úte-bu keyi buɛɛ ɔkɛnku Blɔti Yesu Kristo lɛlɔ.

Eƒesoƒuɔ 1:10

Na kasusu kammɔ kadububo kete lɛni na kawɔlɔkɔ uwi ɔni na Katɔti ɔ́su úse lɛlɔ. Ɔdubɔsala ala ani ƒui nkya katɔ ku kalɔ na uti-nya ɔkya lɛlɔ ɔdine unwi ɔni ndi Kristo kalɔ.

Ƒilipiƒuɔ 2:10

Na si bálɔ Yesu lɛnyi ni, ɔlɛka ɔdi biala ɔlɛ akɔnkɔ kalɔ, ama bani nkya katɔ ku kayawi ku kalɔ kemmo ƒui!

Koloseƒuɔ 1:16

Na ɔkɛnku anwu ɔmmɔ lɛlɔ na Katɔti údie ala ani ƒui nkya katɔ ku kalɔ kamɛni kemmo, ala ani na bɔɔnu ku ani na bulánu aani lɛgadi ku bagadine ku bayikune ku kenyekɔ biala ƒui lɛlɔ. Ɔkɛnku ubi ɔmmɔ lɛlɔ na údie ala ƒui, kalɛ na lɛla biala lɛbu Kristo ɔmmɔ.

Hebriƒuɔ 2:17

Ɔmɛni ɔsu na Katɔti ɔ́bla-nwu aani nwuna banwa kalɛ na ulu biala lɛlɔ. Ɔ́bla lɛni kalɛ na unwini ɔkpane unengudi ɔni mɔɔnu kɔnyana na ɔɔbla lɛla biala ulu lɛlɔ teete Katɔti, na uti nwuna ngba ɔkpa kalɛ na Katɔti uti bekyuli ekpidi ɔkyiɛ-ma.