Koloseƒuɔ 1:15 - Katɔti Ɔku Kedee

¹⁵ Kristo ukyuli udu ɔni na bɔɔnu muudie Katɔti ɔni ukyuli udu na bulánu taatina. Na anwu ndi Katɔti Ubi udeedi ɔni mɔɔdi nwuna ala ani na údie ƒui lɛlɔ.

Koloseƒuɔ 1:15 ပူးပေါင်းရင်းမြစ်များ

Kɔgya 89:27

Na ndubɔbla-nwu mina ubi ɔnanabi udeedi ɔni ndubɔbla baga ƒui ɔga na kayawi ƒui.

Israelƒuɔ Bɔlɛ 24:10

na bánu Israelƒuɔ Katɔti. Na kesii kani na nwuna lɛgba lɛnya ni, use aani ulu ɔni na béti sika atabi ani baalɔ Saƒaya bákya bávi na uukeye aani kayaa.

Bumomo Bɔka 12:8

Mɔɔtɛmi ku anwu anumi ku anumi, na ɔɔɔdi agyolo kemmo, mmomu atɛ nwaa kemmo, na ɔɔnu kalɛ na Unwoti use ku nwuna anumi. Na bi ɔsu na bítayia ka bɛsu lɛla lɛdi na bɛ́ta bínye mina kabla ɔblane Mose lɛlɔ?”

Yohane 1:1

Kalɔ kesekɔ ƒui ni, Anwu ɔni ndi Katɔti Litemi mmɔ ɔkya. Na Litemi lɛmɛni ku Katɔti nkya. Na Litemi lɛmɛni ɔlati ku Katɔti badi unwi. Na ɔ́si kalɔ kesekɔ ni,

Yohane 1:14

Na Katɔti Litemi lɛmɛni líbo aani ukyuli ɔyawine, na úlie kalɔ lɛlɔ mɛni na bula akɔ. Na Katɔti lɛƒɔndia ku litemi geen lɛ́ƒɔ-nwu lɛlɔ kemmo ƒui. Na abu bɔ́nu kalɛ na uukeye ka ɔdi Katɔti ubidi unwi pɛ ɔsu.

Yohane 1:18

Ukyuli ɔdi útanu Katɔti nwaa dii. Nsu Katɔti ubidi unwi pɛ ɔni mma-nwu lɛlɔ ni, anwu nédie-nwu nwaa ɔ́tina bekyuli.

Yohane 14:9

Mmɔ na Yesu údie kenye na úye-nwu ɔnini, “Ɔ́si uwi gyɔlɔɔ ɔni ƒui na lɛ́ɛkya-mii kudɔ mɛni ni, bɔsu na amu ada anii aaagyi-mi? Ƒilipo, ukyuli ɔni náanu-mi dii ni, ɔ́ɔnu Ati lɛnɔ. Na bi ɔsu na asɔ aasu-mi anii, ‘Tina-bu Ati ɔmmɔ’?

Yohane 15:24

Na si bubo na ńtebo ńtababla ala ani udu na ɔdi útabla kudii na bana akɔ ni, nka ukyuli ɔdi uládu-ma kɔtɔ ka bábla likpidi lɛdi. Nsu ɔƒɛni ni, bánu ala ani na lɛ́bla, nsu beekisi ami ku mina Ɔti.

Yohane 3:16

“Ka Katɔti ɔɔyɔ́ bayawine geen ɔsu ni, úti Ubidi unwi pɛ ɔmmɔ úte. Na ukyuli biala ɔni mɔɔƒɔ́-nwu taadi ni, ulayii. Mmomu ɔdubɔkɛ ngba bɔni nsɔ naaadubo bɔsa kudii.

Romaƒuɔ 8:29

Na bekyuli bani na Katɔti ɔgyi use ni, úse-ma likpo na ɔ́ya bálɛ Ubidi kalɛ na Ubidi ɔbla udeedi na nwuna banwa pii bammɔ akɔ.

Korintoƒuɔ 2 4:4

Na bekyuli bammɔ ni, ukisine ɔmmɔ ɔ́bwɛ ama bani naaaƒɔ taadi anumi. Na uutile-ma kuƒi kalɛ na balanu bukeye bɔmmɔ. Na bukeye bɔmɛni bɔɔsí litemi buni lɛni nkɛnku Kristo bukeye bɔni ndi Katɔti ɔmmɔ ɔlati udu geen kemmo.

Korintoƒuɔ 2 4:6

Katɔti násu na kalɔ kesekɔ ɔnii, “Bukeye bɔƒɔ kasuudikɔ.” Na anwu kani náya na bukeye bɔmmɔ búkeye na bula kɔyi kemmo. Na bukeye bɔmmɔ náya na bɔ́nu Katɔti bukeye bɔni muukeye na Kristo anumi bɔ́ti.

Ƒilipiƒuɔ 2:6

Anwu nkɛnku Katɔti ukyuli udu uwi biala kemmo. Nsu útata útenye ɔnii nwuna udu ɔmmɔ ute-nwu kuƒi kɔdi.

Koloseƒuɔ 1:13

Na anwu náda-bu údie ukisine ɔmmɔ enu kemmo na kasuudikɔ mmɔ, na úti-bu útákya Ubidi ɔni na ɔɔyɔ́ geen mmɔ lɛga bɔdi kemmo.

Timoteo 1 1:17

Anwuɔsu ni, bɛya na buteemwi bula Katɔ Ɔga ɔni na bulánu ku bula anumi na uli ngba úsela ƒui. Na butaakɔliku anwu ɔni neeekpi kudii lɛnyi katɔ uwi ƒui. Ɔsia lɛni.

Timoteo 1 6:16

Anwu lɛti nli ngba ɔni na ulekpi kudi kudii. Na uukeye ɔni na ukyuli ɔdi ulakana-nwu anumi bɔda bɔlɛ. Ukyuli ɔdi útanu-nwu kudii na ɔdi lɛnɔ ulakana-nwu bɔnu. Na bumwi ku ɔyikun ɔdi anwu ɔdi úsela ƒui. Ɔsia lɛni.

Hebriƒuɔ 1:3

Ubi ɔmmɔ ndi Katɔti bukeye bɔni mɔɔsí Katɔti ɔni nse kede kede lɛlɔ. Na ɔdi Katɔti ukyuli udu ɔmmɔ geen. Na ɔkɛnku nwuna litemi lɛni mbo ɔyikun lɛlɔ ɔsu na lɛla biala linye nina kenyekɔ na kayawi. Na uwi ɔni na úti lɛlɔ ɔ́kpa kalɛ na Katɔti uti bayawine ekpidi ɔkyiɛ-ma ni, úsie útélie keliekɔ kenengudi ƒui na Katɔti kɔdianu kakɛ.

Hebriƒuɔ 1:6

Uwi ɔni na Katɔti Ubi ɔni ntɔ ala ƒui úbo kayawi kamɛni lɛlɔ ni, Katɔti ɔ́su ɔnini, “Bɛya na Katɔti batu ƒui bakɔliku-nwu lɛnyi katɔ.”

Hebriƒuɔ 11:27

Na ɔkɛnku bɔƒɔtaadi bɔmmɔ ɔsu na ɔ́tɔlɔ Egyipte ɔni na útayia kɔnyi kɔni na ɔga ɔmmɔ wakɛ. Na únye kpakplaa aani si bɔnu na ɔ́ɔnu Katɔti ɔni na bula anumi alákana bɔnu tɔ.

Budie Taatina 3:14

Na ɔ́sɔ ɔ́su-mi ɔnini, “Nweni te Laodikea baƒɔtaadine ɔtu anii, “Lɛni na anwu ɔni mɔɔyá na lɛla biala lɛɛsia lɛni ɔɔsu. Na ɔdi Katɔti kenye udiene geen ɔni mɔɔbla ala ulu lɛlɔ, na anwu mɔɔdi Katɔti ala ani ƒui na údie lɛlɔ.